اخواني الاعضاء الي معهم Fj وجربوه هل فيه اي عيوب غير الديكور لأن بصراحه اكثر الناس مو عاجبهم الديكور بس حبيت استفسر عيوب في التصنيع صوت في المكينة اي عيوب الرجاء ذكرها للأستفادة لأني محصلي FJ معروض علي في المعارض وابي اسمع رايكم بكل صراحة عشان اشترية وانا مطمن . وشكرا لكم:)

من ناحية العيوب المصنعية أعتقد الذي واجهته من خلال تجربتي للسيارة لأكثر من ست أشهر وعلى جميع طعوس الوسطى تقريبا هو شيء واحد الزجاج الأمامي مسطح ولو كان مائل بدرجة أكبر لكان افضل وغير ذلك لم ألاحظ

الموتر حلو
وقطع غياره معقول

اخوي ترا اخونا ابو ساهر اعطاك اهم نقطه في السياره . بس شوف انت مثلي انا الى الحين ماكمل معاي الموتر يمكن ستة ايام وكنت قاعد ابحث في كل مكان الى ان وجدت ضالتي في هالمنتدى بكل امانه وما قصروا الأخوان من خلال مواضيعهم المميزه بس في موضوع لأحد الأعضاء جداً جميل و واضح انت ايش يهمك في السياره شكل , مظهر قوه كبر يعني وسع تبع عائله كبيره والا عائله صغيره وهل انت راعي بر وطلعه ونزله والا تجوال خفيف وزي كدا .
اعتقد مافيه شخص يبحث عن جيب ومش راعي بر لو على خفيف يحب هالطلعات .
يعني انا عندي عايله صغيره انا وزوجتي واثنين اولاد وزي الحلاوه ما شاء الله تبارك الله .
جيب وشكله حلو ومميز في مظهره وقوي الأهم انه قوي وفيه من ناحية القوه دبلات ومواصفات ما شفتها الى حد بسيط في اغلى انواع الجيوب وعلى سبيل التجربه الرنج والهامر والx5 وجدت انها مظهريه اكثر من انها تكون عمليه اقصد من ناحية الدعس الثقيل يعني الكرف براري وشغلات مثل ذي بس للأسف راح تلقى قطع الغيار ياكل من قلبك وعلى الفاضي وانا اسف اني ذكرت هذي السيارات بس والله لأني جربتهم والفضل لله والمنه.
واخيراً وجدت سياره فيها الشكل اللي بحثت عنه اقصد المظهر الجذاب والقوه المطلوبه والعمليه المفروضه وقطع الغيار المهضومه وخدمة صيانتها على الأقل افضل السيئيين ويكفي على الأقل انها شيك محطوط في الجيب . سامحني على الإطاله ولكن حسيت انك تمر بنفس المرحله اللي قعدت اعاني منها ولله الحمد لقيت اني ارتحت .
وفي الأخر لا تنسى الإستخاره ومن ثم الكشف على السياره في الشركه قبل الشراء . وبعدين الأمر يعود لك . واي استفسار قلوبنا مفتوحه لك.
وشكراً

ما شاء الله اخوي( y2moon ) ما ترك شي
على العموم الموتر ما عليه كلام .

انت الحين مثلي انا قبل اسبوعين <<<< بيت شعر هههههه
كنت زيك بالضبط
محتااار
المهم الله وفقني بهالسياره
واللي غاثني فيها الى الان المكيف اوووووووووووووووووف
دفعه مررررررره قوي ولا اقدر اخففه الا باني اخلي وضعيته على الاقدام
وفيه حاجه ثانيه قاهرتني
مكان زر الدف لوك واي ترااك المكان مررره غبي
لان البزران (الاطفال ) يضغطون اي شي فأخاف يضغطونه
و نصيحه : اذا الله سهل عليك وشريت السياره اذا رحة لصيانة الالف 1000 كيلو
بيقولك المصري الحرامي راح نفك الجلايد مشان الصوت قله لالالالالالالا وزودها لا
لانه الحرامي يبيعها على 120 ريال وانا الحمد لله رفضة ومعاني الان من صوتها لكن وش اسوي شكلها احلى به
على العموم استخر قبل كل شي
واذا ما اعجبتك لا تتعدا تويوتا
واااسف على الاطاله
وتحياتي

انا ماشفت عيوب غير الباب الخلفي بس

الاخوان ماقصروا ومافيه شي اضيفه اكثر

المزعج بس طريقة الركوب والنزول من الباب الخلفي مع انها حلوه ومميزه <<كيف تجي ذي :)


بس هاذا اللي مزعجني،،، لاكن انا اصلا ما اركب ناس ورا كثير،،،

تحيتي

سيلفر

والله غير القزازه

والباب الخلفي الضيق الي ما يصلح الا للصغار او انك تقدم المقعد <<للنحاف قدمه شوي اما للي زيي فشيل المقعد وخلني انزل ازين خخخخخخخخخ لا امزح بس لازم تقدمه شوي زياده عشان الاحجام العائليه تنزل خخخخخخخخخخ

تحياتي،،هع:)

الجيب وحش

الكلمتين دول كفايه

عزيزي السيارة جداً رائعه من ناحيه المظهر و القوه و الإستخدام المميز و الخيارات العديده التي تقدمها لك الـ Fj من نظام الأمان الخاص بالأطفال حيث أنهم لا يستطيعون فتح الباب إلا عندما
تقوم أنت بنفسك بفتح بابك و فتح الباب لهم بالأضافه إلى أمور كثيره ستكتشفها بنفسك .. :)

السيارة عملية 100% .. وقوية ايضا .. ومميزة .. وليست كالسيارات الأخرى .. والتي تشبه غرف النوم .. هذه سيارة كلها رجولة !!!

بالنسبة لي .. لو لم تكن ذات باب واحد لما تشجعت بأخذها !!

ونادرا مايركب معي احد في الخلف ..!! وبسرعة الاحظ الغبار على المقعد الخلفي !!