السلام عليكم ورحمة الله

بصراحة يااخوان انا من اشد المتابعين لمنتديات الاف جي العربي

ويمكن انتم السبب في بيع سيارتي الجديدة اللي كانت معي يوكن"2008 دفرنسين"

وشراء اف جيه بسبب المديح واليوتيوب ما قصر بعد من المقاطع

المهم مالكم في الطويلة

انا اشتريت اف جيه في فل كامل وارد ابو جميل من تقريباً شهر وشوي

وطلعت عليه للبر مرتين ومانع الانزلاق بهذلني ورحت اليوم للسوافي وحطيت فاصل لمانع الانزلاق وجلست مع راعي الورشة وشفت السيارات اللي عنده كلها يعمل لها تجهيزات حلوة وحبيت استشيركم في بعضها:

بطارية إضافية مقاسها 70 ماركة باوزير يتم تحميل الآتي عليها = لمبات في الكبوت + لمبة داخلية عند المراية + محول كهرب 220 فولت مع فيشين داخل السيارة + توصيل أفياش الكنود مع توصيل اسلاك الاريل للخلف + تثبيت ماطور هواء في الماكينة ماطور ماركة أبو جمل " شريته قيمته تقريباً 280 ريال".

مع العلم اني لست راعي بر مره يعني في السنة اطلع مرتين او ثلاث مرات بس يدي تحكني وودي أجهز :)

ومع السواليف مع راعي الورشة قال ان يركب على السيارة تانكي ثاني سعة 80 لتر وهو تانكي برادو بالاضافة الى التانكي القديم

بس الاسعار غالية شوي يعني البطارية الاضافية مع تركيبها فقط 800 ريال والمحول مع التركيب 550 ريال

يعني تجهيز الموتر كامل من غير التانكي يمكن يكلف 2500 ريال او اكثر مع الماطور والاشياء الباقية

فياليت تعطوني رايكم وش الاشياء المهمة اللي ما تتحسف انك ركبتها بعدين

ومشكورين وما قصرتو

والله حمستني


تكفى ياخوي عطني الوصف لاهنت



ياجماعه وش عيوب تركيب البطاريه الثانيه؟؟

انا مركب كل اللي ذكرته الا الماطور لاني ما احب انه يكون ثابت , وبالنسبة للتانكي انا عندي تانكي مويه

واذا انت منتب راعي طلعات وكشتات , ما تسوى

يعني اصرف ال2500 على جنوط و زبرقه هع

اما ان كانك راعي كشتات , ركب وتوكل على الله واسال مجرب , شغلهم نظيف وحلو

اخوي اشيقراوي


انت مركب بطاريه ثانيه؟


هلا لها عيوووب؟

الوصف وانت ماسك الدائري الشرقي باتجاه الجنوب يجيك مخرج 18 خذه يسار متجه شرق وبعدين هد بتجبك عمارة على اليمين وبعدها على طول شارع وارض فضا بتلقى لوحة مكتوب عليها ورشة سوافي لسيارات 4*4 ادخل معها يمين وامش قدام بتيك على اليمين عمارة فيها كبينة اتصالات بعدها شارع ادخل معه يمين وثاني لفة يسار بتحصل الورشة قدامك بس لازم حجز وهذا تلفونهم علشان تحجز قبل بكم يوم 2418838

وبالنسبة للبطارية جلست مع واحد اليوم مركبها يقول شغل قوة يشغل عليها عقد لمبات ويشحن جواله ويشغل اللاب تب بالاضافة الى الدش والتلفزيون يعني لا تشيل هم

مشكور اخوي اف جي فضي

البطاريه ما عليها خوف , حلوه وتتحمل


ومشغل عليها عقد لمبات مره في ثلاث خيام ,


وتتطوووووووووووول

وبعدين اذااااااا فضت , تشغل السياره وعلى طول تشحن


رووعه