عودة محروم الحب بالسلامة ... [الأرشيف] - الاف جي العربي

محروم الحب

09-01-2008, 06:13 PM

السلام عليكم ورحمه الله وبركاته ...

اول شي مبروك عليكم الشهر الكريم ...

وثاني شي اسمحولي على الغيبة الطويلة ونا كنت ادخل على المنتدى بس ما كنت اقدر اتواصل وياكم وبغيت اقدم شكري لجميع اللي سألوا عني في فترة غيابي وهذا أنا رجعت لكم بطله جديدة لسيارتي بعد التعديل الجديد وأن شاء الله تعجبكم ...

واخليكم مع الصور ...

http://img300.imageshack.us/img300/8701/52767336yf9.jpg

http://img402.imageshack.us/img402/7656/60692190le2.jpg

http://img402.imageshack.us/img402/5224/70313986ay4.jpg

http://img113.imageshack.us/img113/8641/86452420el3.jpg

http://img113.imageshack.us/img113/8614/33513886bv2.jpg

اخوكم / محروم الحب ...

اف_جي_كويتي

09-01-2008, 06:36 PM

وعليكم السلام والحمدلله عالسلامه

دايما متميز وماشالله قوي الموتر

يعطيك خيره ويكفيك شره يارب

ظبي

09-01-2008, 07:17 PM

الحمد لله على السلامة اخوي محروم الحب

Fj أأر 5559

09-01-2008, 07:36 PM

ماشاء الله حركه الله يعطيك خيره ويكفيك شره

ذوووووووووق

MrZero

09-01-2008, 07:38 PM

الحمدلله عالسلامه محروم الحب

عيبني العازل اللي ع سيارتك
اما الرنقات شكلها قبل متميز واحلى

خالدوسري

09-01-2008, 07:43 PM

الحمد لله على السلامة ودايم مبدع

حلوة حركة غطاء الكفر

ماشاء الله حلو الموتر باللوك الجديد

مشكوووووووووووور

ا ب ن 3232

09-01-2008, 08:17 PM

ماشاء الله ما اقدر اقول شي كله علا بعضه حلوووووووو

اشهد انك مبدع

ومبارك عليك الشهر

silver fj

09-01-2008, 08:21 PM

ما شا الله

ما شا الله

ما شا الله

الحمدلله عالسلامه اول شي محروم...،

ثاني شي ما شا الله موترك طالع هبااااااااااال ما شا الله

والله الجنوط نفسسسسسها اللي كنت ناويها،
بس نسيت اسمها :s

ياليت تقوللي كم كلفتك،،

وبالاخير الله يعطيك خير موترك ويكفيك شره،،،،

تحيتي

اخوكم
سيلفر

أشيقراوي

09-01-2008, 09:01 PM

اهلييييييييين

الحمدلله على السلامه

طولت ومن طول الغيبات جاب الغنايم

ماشاءالله

تم التثبيت

kabone 4799

09-02-2008, 02:03 AM

ما شاء الله والله الموتر طالع نظره والحمد لله على السلامه
وياليت تقولي كم كلفتك الجنوط ومن وين ويعطيك العافيه

دحيم

09-02-2008, 03:28 AM

الحمد لله على السلامه
والله يبارك فيك
وماشاء جنوط روعه

راعي الFJ

09-02-2008, 03:30 AM

اول شي الحمد لله على السلامه...

ثاني شي ما شا الله سياره حلوه...

تصدق انا اتوقعت انك طلعت وما بترجع...

المهم الحمدلله على السلامه...

ذكرتني بسياره ربيعي كان عليها نفس الرنقات بالظبط وصابغنهن ابيض.... لو شفتها في اول فيديو نزلته في اليوتيوب...

تحياتي

راعــــــــــــfj ـــــــــــــــي

التنين

09-02-2008, 03:59 AM

والله يامحروم الحب

اول مره احب اللون الفضي مع انه كنت اكرهه بشده

والله لما شفت سيارتك حبيته

ماشاءالله ممييييييزه الله يعطيك خيرها ويكفيك شرها

عنابي

09-02-2008, 05:44 AM

حمدالله على السلامة اخوي
الموتر وحش واحلى شي حركة السبير

كولا لايت

09-02-2008, 08:53 AM

الحمد لله على السلامه
ماشاء الله تبارك الله صور ولا أحلى

shrgawe

09-03-2008, 06:30 AM

ماشاء الله

السيارة روعه الله يعطيك خيرها ويكفيك شرها
سؤال : التندة(سقف السيارة) صابغها ولا جلاد
واللمبات اللي على الشنبات تحت وكالة ولا انت مركبها

ومرة ثانية اقولك ما شاء الله

C R I S T A L

09-03-2008, 10:01 AM

ماشاءالله تبارك الرحمن ..

ممكن اعرف مقاس الرنق .. 20 ولا 22 ؟؟

ؤشاكرلك اخؤي .. :)

محروم الحب

09-03-2008, 11:10 AM

السلام عليكم ...

الصراحه ردودكم وايد اخجلتني وهذا هو محروم الحب دايماً جديد ومميز ( :d ) وكلكم ذووووق
وطبعاً هذا الجنوط ( الرنقات ) والتهبيط ( التنزيل ) بس حق وقت الصيف وان شاء الله برفع السيارة وبغير الجنوط طبعاً في وقت الشتاء لأني من محبي طلعات البر ...

بالنسبة للأسئلة :

قياس الجنوط ( الرنقات ) 22 وطبعاً انا اختر تواير مقاسها وسط حتى ما يعيق في الحركة وسعرها بدون التواير ( 3000 ) درهم ومع التواير ( 7000 ) درهم طبعاً على حسب نوع التواير اللي انته تختاره ...

بالنسبة للتندرة( سقف السيارة ) كان جلاد وانا صبغته في وقت التعديل ...

اخوكم / محروم الحب ...

أشيقراوي

09-03-2008, 11:48 AM

ماشاء الله

ماقصرت اخوي محروم

بس التنده كم كلفك صبغها

والله يخليلك ذوقك الحلو هع هع

لا تحرمنا من جديدك

silver fj

09-03-2008, 03:28 PM

معليش اخوي محروم...

ممكن اسم ماركة الجنوط،،،، نسيتها والله D:

تحيتي

سيلفر

محروم الحب

09-03-2008, 04:41 PM

هلا اخواني ...

بخصوص التندرة ( السقف ) صبغتها مع الكاور الخلفي للأطار 1200 درهم ...

واسم ماركة الجنوط هي ( Kahn wheels ) قياس 22 وعرض 9 انش بس لازم تهبيط ( تنزيل ) السيارة عشان شكلها يطلع احلى وما تكون المسافة بين الجنط كبيرة وايد ...

http://img293.imageshack.us/img293/338/rsduk6.jpg

http://img391.imageshack.us/img391/4283/mainkuf3.jpg

اخوكم / محروم الحب ...

MR.3BDULMAJED

09-03-2008, 05:14 PM

الف الحمد الله على السلامة .

تو ما نور المنتدى

الموتر طالع بلوك جديد وحركات ما شاء الله

طيب سوال وين احصل الاركان لي فيها كشافات ؟

والف الحمد الله على السلامه مره ثانية

THE BLACK FJ

09-03-2008, 06:35 PM

الحمد لله عالسلامه محروم

تو ما نور المنتدى

ماشاء الله تبارك الله الموتر طالع ادبببب وبقوه بعد

بس لو تطيحه من الخلف زياده يكون احلى

والله يعطيك خيره ويكفيك شره

تحياتي،،،

silver fj

09-03-2008, 08:35 PM

اخوي محروم.،،

معليش ادري اني ازعجتنك

انت حقك اسمه rs-d ولا rs-d dimond ?؟

ثاني شي وان شا الله آخر شي،،،

من وين ممكن اشتريه،، انا توني عالنظام القديم ما قد طلبت شي من النت بحياتي :)

ولو ركبته بدون تهبيط تتوقع بيطلع مو حلو؟؟ لأني ناوي اركبه للابد واطلع فيه البر لأنه ما اشد عالموتر في البر....

تحيتي

سيلفر المزعج :)

M7MD

09-05-2008, 08:17 PM

الحمد لله على سلامتك الغالي...والله اشتقنالك واشتقنا لمواضيعك الحلوه

اما بالنسبه للسياره

ما شاء الله
تبارك الله
لا اله الا الله
اللهم لا حسد

عذااااااااااااااااااااااااااااااااب

وفرق حده عن التضبيط القديم

الله يكتبلك فيه الخير وبعدك عن عيون الحساد يا رب
وان شاء الله ما تشوف فيه شر

وننتظر منك المزيد والمزيد

سلام خيو

بس سؤال ... اللي فوق صبغ ولا جلاد ؟؟

تحياتي
اخوك محمد

محروم الحب

09-06-2008, 07:28 AM

هلا اخوي M7md ...

بخصوص السقف اول كان جلاد وبعد التعديل صبغته ....

اخوك / محروم الحب ...

silver fj

09-06-2008, 04:05 PM

اخوي محروم ياليت تجاوب على استفساري اللي بردي السابق قبل اخونا m7md

تحيتي

محروم الحب

09-08-2008, 07:37 PM

هلا اخوي silver ...

اسمحلي والله ما انتبهت على السؤال السموحه عادة ...

اسم الجنوط هي ( Kahn wheels ) قياس 22 وعرض 9 انش ولو ركبتم بدون تهبيط اقل شي لازم اتهبط السيارة من الخلف شويه بس عشان بيكون وايد مرتفع من الخلف ...

وانا ما انصحك ارتكبهم لو انك راعي بر ودايماً طلعات للبر لأنهم حجمهم كبير وفي البر بيكون دورانهم بطيئ وعلى فكرة اي جنط اكبر من قياس 18 وفوق ما ينفعن حق البر بس حق الزينة اكثر ...

عشان جي انا خليت جنوط الوكالة عندي عشان يوم الجو بيبرد برجع بركبهم مره ثانية لأنه انا راعي بر ...

وبخصوص الجنوط وين ينباعن ؟ في الامارات ينباعن عدنا في كل محلات الرنجات ( الجنوط ) ...

اخوك / محروم الحب ...

mmsmm

09-08-2008, 07:53 PM

ماشاء الله
الله يطعمك خيره ويكفيك شره
والحمد لله على السلامه
وقرة عيوننا بك
تحياتي

silver fj

09-08-2008, 08:10 PM

ما قصرت اخوي محرو وشاكر عالتوضيح،،،

خلنا على الجيتي ويلز،،، :)

تحيتي

حريملاوي

09-11-2008, 12:25 AM

اخ محروم
ماشاء الله موترك سكبه
انا موتري فضي وكنت متحسف ابي بيج
بس الحين تمسكت بالفضي اكثر واكثر بعد ماشفت موترك
الله يعطيك خيره ويكفيه شره
وعجبني اكثر شي حركة الاسبير الخلفي

بخصوص الكشافات الاماميه والعاكس الخلفي
كيف سويتها ؟