السلام عليكم ورحمة الله وبركاته

هلا والله ياشباب بعد غياب عن المنتدي هذي رجعه أن شاء الله قويه

هذي قصيده كتبتها لواحد عنده مشكله وفضفضلي وكتبت له هالابيات

طبعا ابي رايكم فيها بدون مجاملات

قصيدتي (تحليل الامور)
أبنطق يامحمد خبرتي الرضيعه#### في أبيات وأبكتبها في قصـــيده
لاتشرب الماء من كل غدير وبيره#### ولاتكب الماء على الزيت اللهيبه
ووليد العم انتبه تكدر خويـــطره#### ولابد تغفر زلات لسانه البســـيطه
ولاتــفكر بكل شارده من ســـفيله#### تقودك للاوهام وتجيبلك النقيــــده
الشجاعه ماكــل شخص يجيــــده#### بعض المواقف تبين لك شجيــــعه
متربع القمه ماتصيبه أسهم الرذيله#### لكن ألسنتهم أحر من جمرة الظهيره
وحصن دفاعك بالاعصاب الحديده ####وركد الماء في قرو وحـــط طينـــه
وعيال الديره طبختهم وبانت الريحه#### مايعرفون الفزعه الا مليان جيبه
وماكل يشد حزامه بالاوقات الشديده#### إلا من فطم فطامه بغير هالديره
الاقارب مثل العقارب هذي صحيحه#### إلامن ترك أفكــــارهم الحسيده
ورجل لايربطنا بالقرب ولا النسيبه####يرمى حبله لاجل ماتكون الغريقه
تسلم يمينه ويفداه سنام وذبيـــــحه#### وكل من يسبه ندعس على غريبه
لوانه من أصلابنا او من الجيـــــره#### مايهم دامه سود وجيهنا الســــفيره
وانتبه من البسمه اللي مامعها نصيحه#### تجرك بالاول وتوقعك بالاخيره
وماكل نصيحه تجيك هي الحقيقه#### فكربها وتعرف طعمها بليا تخمينه
وبالاخير ادفن علومك في قليبه#### ترى الحسد طافح فوق السفينــــــه
وأنا مانيب كامل واتمنى التحليله#### كلنا نواقص ويالله العفو والستيره

وسلامتكم

وش فيه اجمل من هالكلام اللي تشد الاخوان لبعضهم والاصحاب
ويعطيك الف الف عافيه وصح لسانك

مبدع ما شاء الله عليك

لكن هذي اعجبتني


الشجاعه ماكــل شخص يجيــــده#### بعض المواقف تبين لك شجيــــعه
متربع القمه ماتصيبه أسهم الرذيله#### لكن ألسنتهم أحر من جمرة الظهيره

مبدع ما شاء الله عليك

واصل بدون فواصل;)

السلام عليكم ورحمة الله وبركاته

انت طلبت الصراحه وانا اخوك انت حبيت تعبر عن شي

لاكن كشعر مافيه ولا شعر في الكلام اللي تقوله


ويعطيك العافيه ع جهدك

هذا يسمى نثر ولا يسمى شعر لانه لا يوجد قافية ولا وزن لكن المعاني جميلة


وانا اعطيك الصراحة وتقبل تحياتي .

واصل وتعلم اكثر وللشعر وزن وقاق ومعناني جميله وومشكورعلى اجتهادك ولا تزعل مني :(
واعرف بحور الشعر كامله ولا عليك راح تبدع بس تقبل الأنتقاد واصل
النابغه الذبيانه ؟؟ سمي بالنابغه لانه لم يجد الشعر بقوه مره بعد بلوغه الأربعين سنه وشد حيل