بسم الله الرحمن الرحيم
السلام عليكم ورحمة الله وبركاته...
أشوفكم متلخبطين شوي بهالموضوع وحبيت أشارك باللي أنا أعرفه إذا كلامي حلو
:d <<<<<من زين الخشه__ دعواتكم واذا لم تقتنعو اجدعو مشاركتي بالبحر ..
كلامي كله كللللللللللله كل أبوه من سابق خبره وإستخدام...
على حسب خبرتي بالسيارات اللي امتلكتها وسيارات اخوياي.....
ياشباب لكل استخدام كفراته!!!!! تعرفون كيف ؟؟؟ أنا أعلمكم
فيه كفرات بس للخطوط ملك وماتنفع للبر أبدا...
1-ميشلان الأصلي (بي ام - تشارجر - كرايسلر ...الخ
2- بريللي(بانوراما-بورش ...الخ
3-سوموتومو.
-4هانكوك.
ثانيا للسيارات اللي تطلع خطوط وتحمل عفش لأن السلك أكثر من الربل .مثل(الجموس .الدينات.
1-يوكوهاما
2-بريجستون
3-فايرستون.
ثالثا-
سيارات البر والمدينه يجب ان تكون نسبة المطاط (الربل ) والسلك متساويه أو ربل أكثر بس ماأنصح فيه اذا كان أكثر لأني مجربها مع الحراره تتمدد..
مثل ...وأنا هنا مصنفها على استخدامي واذا قلت استخدامي يعني كد ابن امه مايكدها مثلي يعني اسلاكها تطلع....
1- تويو الياباني للبر ملكككككككككك (وماجاكم بوجهي) خفيفه جدا.وللمدينه حلوه ماتحس بالمطبات.
2- دانلوب (أثقل من التويو) حلوه
3- ماكسس( الان أنا حاطها بالبك أب حقي ومقاسها 15\265\70
____________________
الآآآآآن نجي للبالون واللي أسأنا استخدامه..البالون للي عايش بالربع الخالي طول حياته ياشباب مايركب البالون الا اللي 90% من حياته بر في بر.... لأنه كله ربل والله خطير بالنسبه للمدينه لأن الشارع الله يكرمكم ياكله أكل ومن ثم تصير بعض أجزائه اكبر من الأخرى يعني سياره تشكشك تهز ترقص..... وبكيفكم..
ترتيبها بالأفضليه عندي..
1- سوموتومو.
2- شاهين (نوع من انواع الدانلوب)...

وفيه حاجه مهمه للحفاظ على الكفرات والأذرعه والعكوس والفحمات (الفرامل) والسياره بالكامل..
وهي (المســــــــــــــــــــــــــاعدات)
أفضل نوع
1- مونورو. غاز مع ياي أو غاز.
2- جبريال. ماأفضلها وأنا ماأحبها.

ياليت وأتمنى من كل قلبي أكون أفدتكم

أخوكم
إحســــــــــاس;)

يعطيك العافيو كفيت ووفيت

الف الف شكر اخوي احساس القمر على مشاركتك
وفعلا معلومات مفيده

والله ما شاء الله عليك
موضوع مهم وجميل ويعطيك العافيه عليه

ولله مبدععععععععععععع

موضوع حلو علا راعيه

fj4ever ترا أستحي مررررررررررره <<<<< والله من زين الوجه.
مشكورين ونحب نفيد ونستفيد ومثل ماقلت والله اني أستانس إذا شفتكم مستانسين ويكون فيه أحد إستفاد مني...

مشكورين
KABONE
اف جي جده
دحيم
fj4ever
ألله يسعد خاطركم

وبالتوفيق
أخوكم
حســـاس

ما شاء الله كفيت وو فيت


يعطيك العافيه

يعطيك العاافيه , موضوع حلو وروعه

بس بالنسبة للي 20% خطوط و30% بر و 30% مدينه

وش اازين له ,

وشكرا

الله يعطيك العافيه أخوي أحساس القمر
الظاهر المدينه والخطوط استخدامها واحد

هلا وغلا أشيقراوي كيفك؟؟

اذا يهمك رأيي تويو بس مقاس أعرض من 265 يعني اذا لقيت 70\16\275
أو اذا تبي ركب جنط 17 بس ترا اهي معادله اذا معك جنط 16 وكفرات عريضه فراح ترفع السياره لأن العرض يروح بالارتفاع....
أو دانلوب بس دانلوب ثقيل دم شوي يعني كثر الاستخدام يصير ينام بعد كل فتره لازم تشيك عليه.....
أو اخذ لك اذا لقيت اقتنعت بأي شي بس ذا انت راعي طعوس اخذ شي خطوطه (وطياته ) بالطول ماتكون مشرمه اومتقاطعه وتكون عريضه علشان يدخل فيها الرمل وتجرفه وتنوفر بأي وقت..

تحياتي
أخوك ومحبك
إحســــــــاس

أخوي كولا كلامك صحيح
ولكن اذا قلت خطوط فمعناه انك لازم تغير الكفر بعد سنه أما مدينه معناه بعد سنتين وهو العمر الإفتراضي للكفرات أكرمكم الله.

مشكور حبيبي لأن ملاحظتك ذي معناها انك قرأت مشاركتي
بتمعن<<<<<< لغه عربيه يمديك؟

أخوك
إحســــــــــاس

كفووووووو والله

والله معلوماااات مفيده وانا ودي

اركب كفرات من زمان

وابي شي يكون راكب تمام

يعني لو احصل شي
16/275/75
يكون تماااااااااااااااااااااااااام
وش تنصحنااا

ما شا الله تبارك الله،،،،

والله اخوي احساس اعجبني كلامك عن البوالين،،
لأن كثير من الاخوان يركبها ولا يطلع فيها البر،،

وما تعيش معاه في الشارع :)



تحيتي

سيلفر

اهلين
أأر 5559
ماأظن يجي 275 علي على 75 يجي 70
مافيه مقاس ماجربته حتى الشابوره اللي يسمونها السكين ....
أول شي ياشباب إعرفو ان المقاس اللي بالإف جي ولو انه صغير الا إنه أفضل شي تدرون ليه ؟؟؟؟
لأنه بالجبال والطعوس واللفات القويه (منعطفات) فيه مجال يميل الى درجة 30 ولايحك بالبدي إسألوني لأني مجرب....
ولكن لو ركبنا أكبر راح اذا مالت السياره الى آخر درجه بيحك بالبدي من داخل...
ومع ذلك أنا بعد ماأكرف كفرات الوكاله وأطلع ريحتها بأغير مقاس 275 بدال 265
2- كفرات الوكاله دانلوب أصليه مو مثل اللي بالسوق عشان كذا أتحدى اللي يلقاها بالسوق أتحداه تحدي......
3-- ياشباب أنا كنت بالبر نسمت الكفرات 25 وفصلت المانع من الفيوز من تحت الكبوت وربي النافوره (الرمل) أكرمكم الله من فوق القزازه الخلفيه...... وبدون دبل...
ماهو بشرط يكون المنظر جميل أهم شي القوه.....

ياليت أكون رسيتكم على بر وماتوهتكم زياده..

أخوكم
إحســـــــــــاس

مشكور اخوي وبصراحه موضوع مفيد

تحياتي،،هع:)

يعطيك العافيه
اما التويو ادج كفر ما يصلح للبر على طول يضرب مع الجنب
دانلوب وبسسسسسسسسسسسسسسسسس

اشكرك بصراحه ماخليت شي

عاد تصدق بغيت اركب كفرات بالون قبل كم شهر بس صارلي ظرف واهون
بس ما كان تفكيري اني بركبها عشان البر تفكيري الوحيد هي نظرتها الرائعه على السياره

الله يعطيك العافيه

الله يعافيكم جميع وبالنسبه لأخوي ظبي حبيت أخبرك إن تويو نوعين
1-ياباني
2- تايوان او كوري

تويو استخدمته 4 سنوات من 2003 الى 2007 وغيرته باقي ماطلعت الاسلاك بس الوطيات انمسحت..... وأشكر لك مرورك ومشاركتك...


أهم شي رسيتكم على بر

أخوكم إحساس

أنا ركبت ليفت كيت 3 أنش من الشركه ومحتار أيش أركب كفرات ملاءمه على جنط 16
وأنا بعض الأحيان أطلع بر

أيش رأيك أركب نفس المقاس بس نقشه أحلى ولا أكبر القياس شويا

شكرا