السلام عليكم


أخوكم عضو جديد في المنتدى فهل من مرحب :) .


أنا ناوي ان شاء الله تعالى شراء جيب الـ Fj موديل 2009 .

وقد طرحت هذا الموضوع في منتدى ( تويوتا العربية )

ولعلمي أن المنتديات المختصة أفضل من المنتديات العامة أحببت أن أطرح موضوعي هذا في منتداكم راجيا منكم التكرم والاجابة عن هذه الاستفسارات :


1- ما هو أفضل لون لـ Fj ( وقد وضعت في الموضوع استبيان )
( وليتكم تتكرمون بوضع صور ) .

2- هل هناك صوت للهواء عند تجاوز سرعة 100 كلم ( مثل بقية سيارات تويوتا ) .

3- هل السيارة مريحة في المطبات أم أنها قاسية مثل الجيب الربع .

4- هل السيارة يمكن أن تكون عائلية أم أنها شبابية فقط ( بمعنى كيف نظرة الناس للشخص العاقل الملتزم صاحب العائلة الذي يمتلك هذا الجيب )
وأنا يهمني هذا الامر كثيرا ( وأرجو أن يجيبني من امتلك هذا الجيب عن تجربة )
علما أن عائلتي صغيرة ( عرسان ) :D .

5- كانت رغبتي في البداية هي جيب فورتشنر ثم صرفت النظر عنه لأعجابي بـ Fj
ولاعتقادي أن الـ Fj أقوى منه وأرسى منه في الخط و يحتفظ بسعره عند البيع
فهل اختياري صحيح أم أن الفورتشنر هو الأفضل بالنسبة لي علما أني قد أستخدم الجيب 3 سنوات فقط ثم أبيعه .


وأرجو المعذرة على الاطالة


وتقبلوا تحياتي


أخوكم

FJ2009

1- الناس اذواق وانا عن نفسي عندي عنابي
2-الاف جي راسي وهادي على الخط لانة امريكي
3-على المطبات حليووو ريف
4- الموتر موتر شباب بس يمشي مع العوايل الصغيرة
5-ماتقارن الفورتشنر بالف جي لان مافي مستوى ابد
مع العلم ان الشاص واحد

وش تبي بمنتدى تويوتا للعرب وعندك منتدى متخصص بالاف جيه :)

حياك الله بيننا اخوي،، والله يوفقك بشراء الموتر اللي يرضيك......

بالنسبه للون انا عني احب الفضي مره والابيض ممتاز جدا...

وللتنسيم انا ما اعاني من المشكله ذي ابدا الحمدلله :)

السياره اخوي مريحه جدا،،
وهاذي مشكله يعاني منها كثير ناس ،، مع الاسف يحسبون الاف جيه هو الربع الجديد :(


وبالنسبه للعرسان :) الله يبارك لكم ويوفقكم،، والموتر ان شا الله ينفع لكم تمام،،

تحيتي


سيلفر

..

حبيت اشارككم باللون بس أنا من ناحيتي افضل لونين

الأسود والبيج بس صوتي فوق للأسود

http://up3.m5zn.com/get-9-2008-g3mouerl612.jpg (http://up3.m5zn.com/showimage-9-2008-g3mouerl612.jpg)

وان شاء الله تتوفق في اللون

تحيتي لك

..

السلااام عليكم

بالنسبه للون كل الالوان ماشيه تمام على السياره

واللون المفضل عندي

ابيض

الصوت أخوي مو واضح مره

وش دعوا اخوي السيااااره قمه في الراحه
وماتقارن في الربع ولا اللاند كله
رااااااااااحه

اما بالنسبه لسيارت العايله
السياره تصلح إذا كان عندك اطفال
2 او 3
تدري ليه

انواع الراحه ومافيه خوف
مافيه بيبان تخاف يفتحونها
ولا فيه درايش يقدرون يلعبون فيه
حتى الشنطه مافيه مفتاح من جواا

كلام أخواني هو عين الصواب ولا أزيد عليهم اي شي
والله يوفقك بالسياره اللي تريحك
ومبروك عليك الزواج <<

حياك الله بينا اخوي , وان شاء الله تتوفق بشرااء االموتر
1
الالوان اللي تعجبني اسود وابيض وبيج فقط , ولك الخيار هع

2
صوت الهوا لان السياره انسيابيه ولكن مب تنسيم
يعني شي خفيف

3
ويييييييييييييييين لا تقارن بالربع , الاف جي مثل راحه اللاند كروزر او اقل شوي بس هع
4
الله يوفقك في حياتك الزوجيه ويرزقك الذريه الصالحه , الموتر حلو اذاا كانت العايله صغيره , والبزرااان بينبسطون على الباب الصغير هع هع , وماعليك خوف

5
الفورنشتر ال 6 سلندر بنفس قوة الاف جي و نفس ااالشاصي والمكينه وااالقير ’ ولكن الفورنشر اخف ب70 كيلو فقط , يعني القوه نفسها , ولكن الاف جي شكله ااحلى وكلن له ذوقه , ولكن انا اشوف ان الفورنشتر يتميز بشي , انه في مكيفاات في المرتبه الخلفيه وفي االشنطه بعد , يعني تبريده حلو

ولكن باذن الله لن تعاني من هالمشكله

بالتوفيق

انا مع اشيقراوي فكل شي حتى الالوان الي هو يحبها هي نفسها الي انا احبها هع

وما ازود على كلامه شي

والله يوفقكم في حياتك الزوجيه ويرزقك بالعيال الصالحين ان شاء الله

تحياتي،،:)

صوتي راح للاسود هع

السلام عليكم


أخوكم عضو جديد في المنتدى فهل من مرحب :) .


أنا ناوي ان شاء الله تعالى شراء جيب الـ Fj موديل 2009 .

وقد طرحت هذا الموضوع في منتدى ( تويوتا العربية )

ولعلمي أن المنتديات المختصة أفضل من المنتديات العامة أحببت أن أطرح موضوعي هذا في منتداكم راجيا منكم التكرم والاجابة عن هذه الاستفسارات :


1- ما هو أفضل لون لـ Fj ( وقد وضعت في الموضوع استبيان )
( وليتكم تتكرمون بوضع صور ) .
طبعا الابيض

2- هل هناك صوت للهواء عند تجاوز سرعة 100 كلم ( مثل بقية سيارات تويوتا ) .
احيانا لما تتجاوز 120 طبعا مو صوت تنسيم ولكن صوت الهواء اذا الجو فيه هواء وبالنهار

3- هل السيارة مريحة في المطبات أم أنها قاسية مثل الجيب الربع .
لا مريحه بالمره وماتقارنها بالربع ابد

4- هل السيارة يمكن أن تكون عائلية أم أنها شبابية فقط ( بمعنى كيف نظرة الناس للشخص العاقل الملتزم صاحب العائلة الذي يمتلك هذا الجيب )
وأنا يهمني هذا الامر كثيرا ( وأرجو أن يجيبني من امتلك هذا الجيب عن تجربة )
علما أن عائلتي صغيرة ( عرسان ) :D .
بصراحه انا الاحظ ان السياره شبابيه مره وانا في بعض المناسبات اخذ سياره ثانيه احسها شبابيه بالمره واغلب ملاكها من 17 الى 22 سنه

5- كانت رغبتي في البداية هي جيب فورتشنر ثم صرفت النظر عنه لأعجابي بـ Fj
ولاعتقادي أن الـ Fj أقوى منه وأرسى منه في الخط و يحتفظ بسعره عند البيع
فهل اختياري صحيح أم أن الفورتشنر هو الأفضل بالنسبة لي علما أني قد أستخدم الجيب 3 سنوات فقط ثم أبيعه .
بصراحه الفورتشينر6 سلندر قوي مكينته نفس الاف جي ومواصفاته حلوه بس شكله مو مرره لك عليه

وأرجو المعذرة على الاطالة
لا وش دعوه خذ راحتك


وتقبلوا تحياتي


أخوكم

FJ2009

اتمنى اكون افدتك أخوي

اللون الأسود هو المفضل لدي !!

والمهم .. انت ترتاح الى اي لون ؟؟ .. رأيك هو الأول والأخير

يصلح للعائلة الصغيرة .. وانا ليس لدي اطفال !! ولكن .. عندما اذهب لزيارة اصدقائي ونود الذهاب الى رحلة مثلا .. فإن اطفالهم يفضلون ركوب سيارتي ( الإف جي ) ولايحبون الركوب مع والدهم في سيارته .. علما بأن سيارتهم جيب ايضا .. ولكن ليس اف جي !!!!


وموفق إن شاء الله

انا افضل اللون الابيض والاسود


بس مادام انك بتشتري 2009 انشاء الله

فيه الوان جديده بتنزل يمكن تكون احلى


والف مبرووك مقدما

اخوي ......
مبروك مقدما ...
وما ازيد علي الشباب
بالنسبة للون .................
اكييييييييييييييييييييييييد الأبيض ;)
والسموووووحة

الأخوان ما شاء الله تبارك الله كفو ووفوا ان شاء الله يكونوا افادوك اما بالنسبه للون والله ترى العين وما ترتاح ونفسك مياله لشنو. بالنسبالي الأزرق جميل ومع العلم هذا لون اعلانات السياره على موقع الشركه ومعضم البروشورات .بس كمان كلام الأخوان صحيح الأسود والبيج والفضي والأبيض. من احلى الألوان. ومبروك الزواج ان شاء الله .والمعذره للإطاله.

الله يحييك اخوي بين اخوانك والله يرزقك الذرية الصالحه ان شاء الله
بالنسبه للكلام الشباب ماقصروا وما ازيد على كلامهم بشي الا بالنسبه لللون
انا عن نفسي موتري السابق كان لونه اسود وبيني وبينك (لايزعلون اللي عندهم اسود) كان اللون الاسود متعبني من ناحية اللمعه خبرك جونا ماشالله معتدل مايمديك تغسل موترك الا ثاني يوم مغبر ولا كانك سويت شي فكان الاسود يعجبني اول يوم اغسله اما ثاني يوم احقد لانه يبين فيه الغبار بسرعه وغير كذا انا انت خابر الاف جي شبابي جدا جدا وانا ان شاء الله مودع العزوبيه ومعي الموتر ماراح اغيره من ناحيتي كنت اشوف صعبه متزوج وسيارتي اف جي لونها ازرق او اصفر او اي لون يكون لونين (السقف ابيض زي مانت عارف والباقي فيه الوان) فالسياره كانت عاجبتني بشكل غير طبيعي فقررت اني اخذ أبـــــــــيــــــــــض لاني كنت اشوفه اللون المناسب لكل شي
حتى لما تفكر تبيع الموتر (بعد عمر طويل ان شاء الله) الابيض يجيب سعر زين هذا بحكم بيعة موتري السابق

والمعذره من الجميع على الاطاله

انا من رأيي الأبيض وبس

شاكر لكم ردودكم اخواني

وجزاكم الله خير

وكل عام وانتم بخير

اظن الشباب ماقصرو يعطيهم العافيه
بالنسبه للون نزل لون جديد للاف جي 2009 رصاصي غامق
والله ودي ابيع سيارتي واشتري الجديد عشان اللون بس
ترى مرره جبار والله يوفقك

رصاصي على كيفك تشوفه من بعيد ابيض ولين قرب رصاصي امدح لو موتري كيفي خذ رصاصي اقولك هههههههههههههه كل الاوان حلوه ومبروك مقدما