السلام عليكم.....
والله يا اخوان اليوم عندي موضوع صراحة قهرني ....صيانة السيارة ل80000 الف كلم والسعر 1800 درهم ...قلنا معلش بنودي السيارة المهم سألتهم شو بتغيرون قالوا زيت المحرك الفلتر زيت القير الاتوماتك والفوروييل و زيت الدنفريشن الامامي والخلفي والبلاكات و فلتر البنزين وزيت الفرامل.... اعطيتهم السيارة وقلتلهم انه الشراج مال التلفون مب شغال 12v والسيارة بعدها في الضمان بس تصلحونه لي وسرت عنهم ..في اليوم الثاني سرت لهم قالوا لي انة المسجل ما شغال والساعة مب شغالة والبوصلة مب شغالة وهذا كلة بيكلفك 750 درهم ؟؟؟نعم؟؟؟حو حوح حو..يوم عطيتكم السيارة المسجل والساعة والبوصلة كانوا شغالين .. والشيئ الثاني الموتر في الضمان قالوا والله الواير مقصوص و مستحيلة الواير ينقص بروحة قلتلهم خلاص شغلولي المسجل والبوصلة والساعة شرات ما كان قبل والشراج انا بصلحة الفني رد وقال لا السلك المركب في الشراج نفسة موصل في المسجل وفي الساعة والبوصلة وانت يوم يبت السيارة المسجل والبوصلة ما كانوا شغالين رديت عليه يعني انا كذاب المهم بعد الضرابة صلحلي واخذ عني 430 درهم شليت السيارة وسرت الورشة في الشارقة قلتلة شوفلي زيت الدفريشن هل هو مغير ولا لا....بعد ما شاف قال انه الزيت ما مغير ؟؟؟؟؟؟؟؟؟؟؟؟الحين اعطوني رايكم شو اسوي واذا ارفع قضية شي فايدة ؟؟؟؟

هذا الموضوع كتبتة للفائدة عشان ما ينقص عليكم شرات ما انقص علي :mad::mad::mad:

والسموحة

اخوي الله يعينك بس انت واثق من الكراج اللي رحت له
شوف مدير الورشه و كلمه و خليه يشوف الزيت بنفسه بوجودك

روح الوكاله واطلب مدير الورشه وقوله بالسالفه كلها وقوولها ابي اتااكد اذا انتوا مغيرين لي كل هالاشياء لانك يوم تدفع يعاطونك الفااتوره شوه مغيرين فيه وااتاااكد بنفسك
وانا معااك شغل الوكاله كله نصب في نصب

أنا اليوم رايح أستلم السياره مسوي صيانة 5000 وبركب كشفات على الدعامه
الكشفات بـ1500 وتركيب بـ450 ومن ثلاث أيام وهي عندهم وكلموني اليوم قالوا خلصت رحت لهم
وشفت السياره ويوم ركبتها أدور زر الكشفات ما لقيته وأطلع قدام وألقى الكشفات مفصوله وأسلكها برى ؟؟؟!!

ناديته وقالي خلها لبكره نتأكد منها ونشوف وين الأسلاك والزر:eek: ؟؟!!!!!!

بصراحه غسلت يدي من الصيانه عقب ذي

الفطيم ماشي اخم عنه في التجيكات اييك ويعفد بسيارتك ويقرقعها
ياخذونها منك ويتصلوبك تعال شلها خلصت وتشوفهم توهم مدخلينها القراج ويشتغلون فيها هههه
خذلك كونتراكت من دينا تريد والله يعزك عنهم

خلك مع بهــوان

مشكورين يا اخوان عالنصايح

للأسف الوكالات أكبر حرامية ما خلوا الجيك حتى ما صرقوه

الفطيم شغلهم سريع سريع اي كلام والسبب الزحمة إلي موب طبيعية في الصيانة والتشييكات والله يعلم هل يبدلون كل إلي يكتبونه في الورقة ولا لا نحن اللهم بس ندفع عند الكاشير وهم ايبون السيارة من داخل حتى ممنوع تدخل الورشة ، والدليل مرة استلمت السيارة وكانوا ناسين ايركبون الكفر إلي على المكينة وانا ما اعرف اتصلوا فيني وقالولي تعال الكفر مش مركب ، من هذاك اليوم اتعودت افتح البونيت يوم استلم السيارة.

ورشة الفطيم غيروا لي الزيت ويا الفلتر ونظفوا البريكات فقط ركزوا معاي تنظيف بريكات مش تغيير بريكات ، سحبوا مني ألف درهم نوط ينطح نوط . وغير هذا لما دعمت بسيارتي الدعمة كانت صوب التاير الامامي جهة الراكب والين يومك السكان موب عدل عندي يعني مب سنتر والسيارة تسحب يمين وراجعتهم مليون مرة ولكن كل مرة يدهنون لك نفس السير . ويوم تمت السيارة عندهم صرقوا الجيك لي يرفع السيارة وكان عندي محول كهرب كنت شارنه من هايبر باندة ب 260 درهم عسب اشغل الليت في البر صرقوه ويوم راجعتهم قالوا لي نحن غير مسئولين . والسؤال الذي يدور في ذهني وذهن الناس كلها هل انتوا يا وكالة الفطيم بس مسئولين عن سحب البيزات من جيوب الناس والضحك على الذقون .

وعلى فكرة ترا هم مسوين نظام تعاقد على الصيانة ، انا بتكلم على عقد الاف جي اتسوي عقد عندهم ب 7000 درهم تقريباً وهالعقد يغطي قيمة الصيانة الدورية بدون قطع الغيار وبالنسبة لقطع الغيار يعطونك خصم 45 % على السعر الاصلي لكن مدة هالعقد لغاية 75000كم ولما تيجي على الثمانين ألف بيحملوك بحدود 1800 درهم ، يعني انته مش مستفيد من هالعقد ، مجرد ضحك عالناس. انا هالمرة اشتريت من عندهم السفايف وسرت غيرتهم من صناعية الشارجة . وبالنسبة للزيت والفلتر الله يخلي لنا محطة بترول الامارات ب 115 درهم بدل ال 500 كل مرة . يعني بالعربي طلقت وكالة الفطيم بالثلاثة

والله مالهم امان