السلام عليكم ورحمة الله وبركاته

عندي استفسار بسيط بخصوص فلتر التي آر دي, انا الصراحه ركبته من فتره بس سؤالي هو:

- طريقة تنظيف الفلتر؟ كيف؟ وهل المفروض اوديه الورشه عشان ينظفونه ولا اقدر انظفه في البيت؟؟؟

http://www.fjpartsstore.com/images/TRD_V6_Truck_Intake.jpg


وشكرا ً لتعاونكم ^_^

والله ما عندي فكره عنه بس افيدونك الشباب...

اخويه كل شركات الفلاتر ينزلون كت للتنظيف

وتي ار دي هذا الكت حقهم
http://www.trdpartstore.com/images/TRD_Air_Filters.jpg

عن نفسي كنت اروح محل يغسل الفلتر(K&N) ويحط عليه الماده اللي ترجعه مثل الجديد
بحاول اشوف طريقه تنظيفه وبرد عليك

اخوي اذا تعرف انقليزي هالموضوع بينفعك

http://www.fjcruiserforums.com/forums/engine-performance/60049-drying-oiling-reusable-air-filters.html

وبعدين شوف الارشادات اللي كانت ويا الفلتر اكيد فيها الجواب

والله ما اعرف كيف يتنظف

بس ان شاء الله الاخوان ما بقصروا

تحياتي،،:)

ياشباب احد يعطينا الطريقة ياليت بالعربي

انا شريت علبتين حق تنظيف فلتر الكي اند ان وابي استخدمها الاستخدام الصحيح

ياليت تفيدووووونا ياشباب

مشكوووووووووووووووورين

اخوي خالد خبرني بالضبط اي منظف خذت من كي اند ان؟ لانه عندهم كم نوع خبرني وبعطيك التعليمات

يعطيك العافية

علمني واحد من الربع الطريقة

انا خذيت من كي اند ان علبتين وحدة المنظف والثانية حق الزيت



وانا بعطيكم الطريقة المضمونة مع العلم ان الفلتر اللي عندي تي ار دي

يفظل انك تستخدم العلبتين هذي لانها افضل شي بالسوق

الطريقة تقول :

1) نظف الفلتر من الغبار بفرشاة ناعمة جدا كي لا يتأثر الفلتر

2) رش محلول التنظيف على الفلتر كامل

3) اغسل الفلتر بالماء بحيث يكون الماء غير مظغوط او قوي كي لا يأثر على الفلتر يغسل الفلتر الى ان ينظف تماما من الغبار وتتأكد عن طريق الماء اللي نازل من الفلتر لازم يكون نظيف

4) اذا مانظف الفلتر بسرعة أعد الطريقة (2&3) الى ان ينظف

5) ظع الفلتر حتى ينشف تمام من دون تنفخه بالهوا مثل هواء البنشري او الاستيشوار

6) بعد ماينشف الفلتر رش من العلبة الثانية حقت الزيت على الفلتر كامل

7) بعد ماينشف الفلتر من الزيت تقدر تركبه وتستخدمه بس حاول انك ماتستخدمه استخدام قوي لانه يمكن يكون بقايا زيت ماجفت

بالتوفيق ياشباب

اخويه خالد في خطوة ما وضحتها عدل

بعد ما تحط محلول التنظيف لازم تخليه كم دقيقه بس مش اكثر من 10 دقايق لانه اذا نشف عالفلتر يخربه

وشكرا انك وضحت للشباب الطريقه

يعطيك العافية مستر زيرو

بس فيه شغلة حبيت استفسر عنها هل فيه فلتر من (k&n) نفس مقاس (TRD) ويركب في الـثلاجة= الـ(BOX)

عشان اذا جيت انظف الفلتر ابدله مع (K&N) واخلي الـ(TRD) متى ماتفرغت له انظفه

ولكم مني الشكر الجزيل

عادي اخوي تركب اي فلتر بس لازم تكون الفتحه نفس القياس ويركب فالبوكس

في فلتر ريس يديد منزلينه يركب على اغلب الفلاتر اللي فالسوق يعني تي ار دي وكي اند ان بدال الفلتر الاصلي بس ضد الماي وما يدخل وصخ وما يباله صيانه لمده 100 الف ميل

ويمدحونه الامريكان وايد اتشاور اطلبه

تنضفة بصابون والماي
بهالطريقة تكون نضفتة من الوصخ الي فية
بعديت تخلية ينشف
وترش علية الزيت الخاص بلفلاتر
الزيت يمسك الغبار مايخلية يدخل بمسامات الصغيرة هاي فايدتة
وبس

عادي اخوي تركب اي فلتر بس لازم تكون الفتحه نفس القياس ويركب فالبوكس

في فلتر ريس يديد منزلينه يركب على اغلب الفلاتر اللي فالسوق يعني تي ار دي وكي اند ان بدال الفلتر الاصلي بس ضد الماي وما يدخل وصخ وما يباله صيانه لمده 100 الف ميل

ويمدحونه الامريكان وايد اتشاور اطلبه


والله مواصفاته ممتازة
شوف لنا كم سعره اخوي