سلام عليكم

شباب فيه مشكله

كانت دايما تجي وتروح فجاه

بس دي اليومين اشوفها صارت خلاص دايمه

المشكله هي

لما ادعس بنزين فيه تأخير في المشي

يعني السياره تتأخر ثانيه وحده تقريبا وبعدين تمشي
حتى اشوف الار بي ام يتحرك بس السياره واقفه وكأنها تتفتف

ماتستجيب في نفس الوقت الي ادعس فيه بنزين

ان شاء الله تكونو فهمتوني



فيه ناس قالولي هذي البخاخات

او اسلاك البخاخات

س معقوله السياره ماشيه 22 الف وقبل اسبوعين مطلعها من صيانة 20 الف

والبخاخات تنعدم..!!!! :confused:

ابغا اوديها الوكاله بس راح اتورط عشان عيد قرب وانا ماخلصت مشاويري

وماعندي غيرها سياره اقدر استخدمها
وادري الوكاله راح يلطعوني يومين او 3 ايام

واخاف اوديها تروح المشكله :D << قيد حصلت معاه

انا أقول دام انها تمشي وتتحرك ما فيها مشاكل
ودها بعد العيد

والله يعينك عالوكاله

اخاف ان المشكلة في حساس القير
يأخر التعشيق
لازم توديها بسرعة من رايي الشخصي

اتوقع المشكله ف كمبيوتر القير صاير غبي عندك

ومرات تكون من الكلتشات استعمل سيارتك وودها بعد العيد ولو صار لها شي تراه عليها ضمان وان شاءالله امورك طيبه

انا عندي نفس الشي بس اتوقع عادي لاني ما اعطيت الامر اهميه
سؤال انت قصدك اول ماتعشق على الدي وتدعس بنزين على طول يصير معك


^^انا كذا تصير معي بس عادي معطيه اشكل

هلا اخوي

انا حصلت لي بعد صيانة 20 الف ,, امشي كانها سيارة كلبليتر مو بخاخ !!

ثاني يوم فجرتها في النفود ورجعت طبيعي <<< ما عنده وقت


بس الافضل الوكالة

لا توسوس حاجه طبيعيه انا عندي نفس الشي وما اظن انه في مشكله وانا سيارتي ماشيه 11 الف . وعيد وان شاء الله ما في موترك شي نصيحه من مجرب لا تودي موترك الوكاله الا لمن تتاكد من وجود مشكله فعلآ . وكل سنه وانت طيب

لا إله إلا الله محمد رسول الله

لا .. تتأخر على طول ودها للوكاله بسرعه

شكلك احترت توديها ولا لا،،،،


انا اقول توديها ورشه عاديه تكون تعرفه انت وتخليه يشيك عليه اذا الموضوع خطير رح الوكاله اذا عادي اصبر لبعد العيد،،،


مجرد اقتراح،،،


تقبل مروري،،،

مشكورين على ردودكم

والله حيرتوني اوديها ولا لأ خخخخخ

بس خلااص

بوديها بعد العيد

اليوم شغلت السياره وجلست ادعس بنزين وهيا واقفه

السياره تتفتف مرره قهرتني

وما اعتقد انو المشكله طبيعيه

وحرام سياره جديده وكذا تصير

لاتزعل نفسك

ضمانك 100 الف
والقير تحت الضمان

انا تصير معي بس اول ما اعشق القير عالd بس

اما اذا كنت داعس فرامل ودعست بنزين لا عادي

يعني اذا وقفت عالاشاره وبعدين مشيت يعني بدون ما اكون حاطحه N وبعدين D يمشي على طول

اما اذا حطيته N وبعدين حطيت D ودعست على طول لا يرتفع الار بي ام وبعد ثانيه يمشي فهمت كييف هع

تحياتيـ،،:)

^^^ نفس الكلام تصير عندي^^^

أنا بعد يصير عندي نفس أخوي The Black Fj

انا تصير معي بس اول ما اعشق القير عالd بس

اما اذا كنت داعس فرامل ودعست بنزين لا عادي

يعني اذا وقفت عالاشاره وبعدين مشيت يعني بدون ما اكون حاطحه N وبعدين D يمشي على طول

اما اذا حطيته N وبعدين حطيت D ودعست على طول لا يرتفع الار بي ام وبعد ثانيه يمشي فهمت كييف هع

تحياتيـ،،:)

كان عندي كذا

بس دحين حتى والقير على الN او P

ادعس بنزين السياره تتفتف:mad:

واذا وقفت في اشاره وخليته على الدي ومشيت تتفتف :mad:

انا نفس الشباب تصير معاي

وش نوع بنزين

قبل كل شي

أنا معي نفس الشيء

بس زي ماقالوا الشباب ,,, لاتوسوس

الفكة من ورشة الوكالة غنيمة

مع التحية

Fj بالعربي (( فتى الجبل ))

ودمتم بود

السلام عليكم اخوي التنين والله حرام ياخوي فعلا مثل ماقلت طالما السياره عالضمان لاتصبر دقيقه واحده روح الصيانه واعمل الازم علشان تصلح السياره وتريح ضميرك