السلام عليكم

يا شباب انا محصل اف جي وارد امريكا او كندا راعيه مب عارف اصلا

الموتر نظيف وما عليه كلام

ابي شوركم وارد امريكا فيه مشاكل

والاهم من كذا انه قطعه نفس قطع وارد الخليج؟؟؟

ياريت تفيدوني

أخوي على حسب السعر اذا السعر نازل خذه واذا كان السعر مقارب لسعر الخليجي والسعودي فأنا من رأئي انك تاخذ سعودي عليه ضمان وارغب في البيع
وما اعتقد فيه فرق بين الاثنين

اخوي لوتتاكد من مواصفاته بعد يكون احسن لانه احيانا يكون فيه فرق بينه وبين الخليجي والسعودي،،،،

ولا غير كذا مافيه شي اضيفه على كلام كولالايت،،،،


تقبل مروري،،،

اخوي مواصفاتهم احسن عن مواصفاتنا وعندي كثير من اهلي مشترين وارد امريكا قبل ما تنزل الخليجيه والحمدلله امورهم عسل لانها تيوتا

لو سعرها حلو اتوكل اخوي انا عن نفسي اتشاور ابيع سيارتي بعد فتره واطلب من امريكا

من ناحيتي ما فرقت لانه المكينه وحده و الموتر واحد و الفرق انه راح يتعبك في الصيانه لانه ارقام القطع كلها مختلفه وغير كذا برمجة الكمبيوتر مختلفه بسبب المحفزات الثلاثيه وغير كذا تأكد من انه موديل 2008 لانه صارت تحسينات


و القرار لك لو انا مكانك ما فكرت بالامريكي لانه مافيه فرق بالفل و الاهم انه ينقبل في الوكاله

يسلمو يا شباب على ردودكم

اول شي بالنسبه للسياره موديل 2007

راعيها طالب فيها 90 الف

فل اوبشن وسله بدون سب ووفر

السياره ماشيه 31 الف

شو رايكم؟؟

اخوي سيف نجد ايش المحفزات الثلاثيه؟؟ وحسب علمك ايش التحسينات الي صارت على موديل 2009؟؟؟؟

اخوي زد فلوسك شوي ممكن 5الاف او سبعه وتاخذ رقم 2 فل سعودي وعلى الضمان وموديل 2008
عشان كذا اصرف نظر عن الموضوع

انا اذكر ان ال اف جي الامريكي على الزيرو يكلف مع الشحن 96 الف درهم

وهذا 2007 و ماشي 31 الف و ب 90 الف الصراحة احس وايد

قبل ايام كنت في معارض العوير حصلت اف جي وارد ب 115 الف على الزيرو

امممم

انزين ماخبرتنا عن لون السيارة؟

اخوي السيارة غاليه جداا اسعارهن فأمريكا نفس المشي من 60 الى 75 الف درهم!!

واخوي النقبي الامريكيه زيرو ب 90 الف بس موديل 2007 مب 2008 وسعرها بدون شحن

2008 بدون مواصفات ب 90 تقريبا

ياخوووي من قالكم مايفرق 2009 ... اول شي في لونيين يداد حق 2009 و زيادة على ذي زر تتحكم في الاتركشن وهاذي ميزة زينة ومن داخل الانترير في وايد تغييرات ضافو ليت داخلي اللي في السقف وشكل الداشبرد والكيجات وبعد اشي في الكرسي ... وبالنسبة للكاميرا هاذي اوفرون لك خيار تقدر تضيفها مع شاشة اذا تبي ...ويعد في تغييرات في نظام السلامة ايربغات زيادة .. وبعد المزيد

هذا اقتباس على رد اخونا kaka984 في هذا الموضوع
http://www.fjarabia.com/vb/showthread.php?t=1203&page=2

وبعدين اذكرك الامريكي قطع غيار ارقامها مختلفه و الوكاله ما تسوي لها برمجه ولا يقدرون يفحصونها بالكمبيوتر و المحفزات هي حقات الرصاص مثل ما يسمونها بعض الناس

واذا ناقص السب ووفر ممكن تشييك على الاشياء الثانيه مثل الA-TRAC و قفل الدفرنس انها موجوده وفعلا شغاله

والقرار لك

اخوي السيارة غاليه جداا اسعارهن فأمريكا نفس المشي من 60 الى 75 الف درهم!!

واخوي النقبي الامريكيه زيرو ب 90 الف بس موديل 2007 مب 2008 وسعرها بدون شحن

2008 بدون مواصفات ب 90 تقريبا

من أي موقع هذه الاسعار ؟؟؟؟؟؟

يا شباب خلص هونت ما باخذها

الله يعيني بنطر 2009 ينزل بعد العيد

علاقل مرتاح البال من ناحيه الضمان وانه ما حد مستعملها قبلي

وناوي اخذ اللون الجديد " الرمادي"

يسلمو يا شباب على ردودكم الطيبه والله افدتوني كثير

هذا من افضل المواقع لبيع السيارات الامريكيه،،،

http://www.autotrader.com/fyc/searchresults.jsp?num_records=25&search_lang=en&page_location=findacar%3A%3Aispsearchform&search_type=both&distance=0&address=78236&marketZipError=false&style_flag=1&make=TOYOTA&model=FJCRUIS&make2=&start_year=2007&end_year=2009&min_price=&max_price=&seller_type=b&transmission=&engine=&drive=&doors=&fuel=&max_mileage=&color=&keywordsrep=&keywordsfyc=&keywords_display=&sort_type=priceDESC&body_code=0&certified=&advanced=&highlightFirstMakeModel=&showZipError=n&default_sort=priceDESC&awsp=false&keywordsrep=&keywordsfyc=&systime=&scarid=249152552

صح انه بالانقليزي بس اهم شيء الاسعار،،،،

واللي يبغى اي توضيح انا حاظر،،،