مساكم الله بالخير

ياجماعة الخير ناوي ان شاء الله بشراء FJ 2009 :cool:

وبغيت مساعدتكم باختيار اللون والاوبشن

والصراحه انا من النوع الي يدعس دايما :eek: ...الخ....

وتنصحوني بالموتر ...:confused:

عندي رنج روفر مسكينه من ادعس بالموتر الماكينه تدخ عندي .. والحين طايحه بالوكاله منزلين الماكينه الصراحه ماتتحملني وانا راعي قومات ...خخخخخ :D

كنت ناوي ع الالتيما 4 سلندر ... وبعد ماجفت منتداكم اليوم الصراحه
خوش موتر .. ومن اراء اصحاب الموتر نفسه ...

الجديده وصلت وكالة الفطيم دبي

فل اوبشن رقم واحد بسعر 134.000 درهم اماراتي

رقم 2 بسعر 124.000 درهم اماراتي

سعره ارتفع ...

حياك الله يا أخ فهد

بخصوص اللون أرجو أن يفيدك هذا الرابط :

http://www.fjarabia.com/vb/showthread.php?t=1109

أما عن السعر فهو مبالغ فيه جدا جدا

وأنصحك أن تشتري من أمريكا وسعره حدود 23 الف دولار = 87 الف درهم تقريبا

يعني سيكلفك مع الشحن والجمرك أقل من 100 الف درهم .

واليك هذا الرابط

http://www.toyota.com/fjcruiser/features.html

ومبروك مقدما .

اشكرك كفيت ووفيت ...

اخوي لا تتعدى الابيض والسياره ماعليها كلام سواء رقم 2 او رقم 1

اتوكل على الله
بس نصيحه اذا انت راعي غرز ولفات قويه وخر عن الجيوب اليابانيه لانك بترفع على كفرين
الموتر راسي وماعليه كلام وفيه انظمه حلوه وتعليق جيد
وبصراحه وبدون مكابره اتوقع انه من ارسى سيارات تايوتا يعني تايوتا بدعت في السياره ذي
بس قلتلك النصيحه لاتحسب ان الجيب الياباني بيكون مثل الجيب البريطاني اللي هو الرنج
الرنج ترمي به على سرعه 180 ماتحس بشي
هذا ترمي به على سرعه 180 السياره تلعب بسبب حجم الكفر جدر الكفر 75
اما الرنج اظنه حدود ال 40 او 45
اما في الدعس وفي التحمل العزم حلو ويتحمل ماشاء الله عليه
شوفني طعست فيه والحين السياره مافيها اي صوت ولا اي قربعه
ولاتنسى صلاة الاستخاره
تحياتي لك وبالتوفيق