السلام عليكم ورحمة الله وبركاته

اخواني اذا كان في احد من اهل الرياض مركب شاشة مهام الجزيره، ياليت نتقابل عشان اشوف الشاشة على الطبيعه وهو يشوف الشاشة الي عندي حقت مملكة الخرائط عشان نشوف ايهم افضل والمميزات الي في شاشة مملكة الخرائط الغير موجوده في شاشة مهام الجزيره والعكس بعد كذا ممكن الواحد يقدر يسوي مقارنه بين الشاشتين.

الشي الثاني البرنامج حق الخرائط الموجود عندي في شاشة مملكة الخرائط اسمه Igo والمعرف بكثره في مواقع البوكيت بي سي فا ابغاء اعرف اسم البرنامج البرنامج حق مهام الجزيرة وهل هو جيد ومعروف او لا، طبعاً ما يحتاج اعلمكم ببرامج الخرائط الدارجه بالسوق وجودتها
1 جارمن
2 روت66
3 توم توم
4 ديستنيتور
5 آي قو
6 سيتي نافيجاتور
والمزيد من البرامج وكل برنامج يحتوي على مميزات تختلف عن الآخر كذلك يختلف الاستخدام من برنامج لآخر انا جربت برنامج الروت 66 على سيارتي السابقه (اوريون) وكان مره كويس وعندي بجوالي الحالي (6110 نافيجيتور) اربع برامج (روت 66 الاصدار الأخير - جارمن - نوكيا ماب - البوصله لأستخدامات البر) وكلها جداً ممتازة.

ومعليش يا اخوان طولت عليكم واتمنى انكم تفهمون شي من الي قلته <<<<<<<<< ساقط في التعبير هههههههه

اخوكم / عبدالله الخضير - 0506667477
شاكر لك يا اخواني

إن شاء الله الاخوان اللي مركبين مايقصرون معك

يعطيك العافيه اخونا عبد الله شي طيب وفكره حلوه جدا
انا مقدر افيدك لاني سافرت وبعيد من الرياض وانشالله الأخوان ما يقصرون معك

ما قصرت أخوي عبد الله وعساك على القوة ننتظر المقارنة وهذه مهمه جداً حتى أي واحد يبي يركب الشاشة يقرر
ننتظر
تحياتي

يعطيك ألف عافية اخوي عبد الله على المجهود الرائع

بالنسبة لشاشة مهام الجزيرة موجودة عندي ومركبها بس بدون النفقيشن واذا تبي تستفسر عن اي شي فيها انا مستعد

تحياتي

ان شاء الله يفيدونك شباب الرياض

تحياتيـ،،:)

في انتظار المقارنه ويا ليت تكون بالصور يا شبابا

الله يعطيك العافيه على أهتمامك وننتظر شباب الرياض

موفقين..

بانتظار المقارنة والله يوفقك..

السلام عليكم ورحمة الله وبركاته

أخوي انا بفيدك باللي أعرفه وهو أن شاشة مهام الجزيرة يستخدمون برنامج من شركة VALOR وتحديداً اسمه NAV-2 وهذي شركة مقرها امريكا وهي شركة معروفة وهذي معلوماتي وللاسف انا ماركبت اي من الشاشتين والا كان افدتك اكثر عموماً هذا الرابط للشركة:
http://http://www.valordvd.com/product/Product.asp?PC=Navigation

نسيت شي ياريت يا خوي تسويلنا تقرير عن شاشتك وتفيد اخوانك بالمنتدى

ننتظر المقارنة

وان شاء الله شباب الرياض مايقصرون يارب

تحياتي

معليش يا شباب طولت بالرد لكني انتظر يمكن احصل احد مركب الشاشة حقت مهام الجزيرة او شاشة افضل من الشاشتين فا ياليت ياشباب الي مركب شاشة ميزاتها جيده غير شاشة مملكة الخرائط و مهام الجزيره يفيدنا بأقرب وقت
كذلك ياشباب ضروري جدا لا تتسرعون خلونا نسوي مقارنه اول وبعدين نشوف..

موفقين

بعدين يا شباب معليش في عندي ملاحظه مهمه جداً الله يرحم والديكم لا احد يحط دعايه لشي ما هو واثق منه او ما جربه او ما يعرف له.
لا تصيرون زي واحد الله يستر علينا وعليه حط دعايه لغرض هو نفسه مو مقتنع منه و العالم على كلامه راحوا واشتروا هذا الغرض والحين كلهم جالسين يدعون عليه.
كذلك ياشباب مافي شي بالدنيا ماله عيوب فا اذا بغيتوا تمدحون شي اذكروا بعد عيوبه لاتحطون بذمتكم شي

انتبهوا يا شباب واتمنى للجميع التوفيق

تراني بعت الشاشة يا شباب ولكن لايعني ذلك ان الموضوع انتهى
يستحسن انكم تسوون مقارنه عشان الكل يستفيد وانا متأكد ان هذا الموقع ما فتح الا عشان نفيد ونستفيد
قواكم الله