icebird101
10-05-2008, 06:20 PM
السلام عليكم يا شباب
الموضوع مش جديد ولا هو اختراع
كثير مواضيع تحدثت عن الدف لوك والأي تراك
انا تقريبا اعرف الفرق بينهم
بس الي اطلبه من اهل الخبره والتجربه اني ابي اعرف متى استعمل الدف لوك ومتى استعمل الاي تراك
حسب ما شفت بموقع التويوتا عندهم فيديو يشرح عن كل واحد بروحه
الدف لوك:
يسكر العجلين الي ورا عشان اذا واحد كان ينزلق الثاني يساعده
الآي تراك:
يسكر الاربع تواير عشان اذا واحد انزلق الثاني يشيل عنه
اكيد في شي غلط بتفسيري لانه لو الموضوع كذا كان خلص دايما استعمل الاي تراك ليش استعمل الدف لوك!!!؟؟؟
ارجوكم مساعدتي لاني انشالله بنهايه الاسبوع بتكون عندي السياره وانشالله ناوي من الوكاله للطعوس << بل ما صدق:d
وشكرا جزيلا مقدما على الردود
كولا لايت
10-06-2008, 12:56 AM
الله يعطيك خيرها ويكفيك شرها ان شاء الله
والاخوان ماراح يقصرون
الصيرفي
10-06-2008, 03:37 AM
حسب المعلومات اللي عندي الدف لووك يساعدك في الاماكن اللي في مياه
يعني نزلت في منطه عميقه
او مكان في انزلاق مائي يعني سيل و الله أعلم
ارتست
10-06-2008, 03:50 AM
الدف لوك يشبك الكفرات الخلفيه
والاي تراك إذا كان عندك كفر يدور في الهوا يوقفه وينقل قوته للكفرات اللي عليها الضغظ>>>يعني يستفيد من قوة الكفر المتعلق في الهوا ويضاعف قوة الكفر الثاني
اما السيارات اللي مافيها دف لوك ولا فيها اي تراك تلاقيه إذا تعلق >>>تدور كفراته اللي ماعليها ضغط (الكفرات اللي في الهوا)فتلاقيه متورط على عكس الاف جي اللي من زود الدلع يوقف الكفرات اللي في الهوا ويشغل اللي عليها الثقل <<<<ميزة رهيبه
THE BLACK FJ
10-06-2008, 11:45 PM
افادوك الشباب
تحياتيـ،،:)
انتضرى قريبا جدا موضوعي عن A-Trac & RR Diff Lock والفرق بينهم ومتى افضل وقت لاستخدامهم..
سيف نجد
11-18-2008, 02:23 PM
قفل الدفرنس وظيفته انه يلغي الانزلاق للمحور الخلفي يعني يخلي الكفرين الي ورايدورون مع بعض و العزم مقسوم بينهم بالتساوي دائما وهو مفيد للطين او الرمل لانه بثبيت العزم بشكل متساوي بين الكفرين الخلفيه تحصل على عزم جبار يفيدك في الاماكن الصعبه
اما ال A-track فهو غير لانه يعتمد على الفراملو خاصية الانزلاق في المحاور بمعنى انه اذا كان عندك انزلاق في كفر امامي و آخر خلفي في بنفس الوقت فهو يشغل الفرامل فقط على الكفرات الي تدور حتى يتحول العزم للكفرات الثابته بالاعتماد على خاصية الانزلاق الموجود في الدفرنس
شـكــ وبارك الله فيك ـــرا لك ... لك مني أجمل تحية .
icebird101
11-19-2008, 01:39 AM
تسلمو يا شباب على ردودكم واخوي Yes ناطرين موضوعك
والله يا شباب انا يوم الجمعه كنت بسيلين ولحالي بالسياره قلت اجرب الدفلوك ولاي تراك والعب فيهم شويه
قمت رحت اجرب على منطقه مرتفعه شويه تقريبا متر وحجمها صغير خليتها على صوب يعني بس التاير اليسار راح يطلع واليمين منطقه منخفضه
كنت فاصل مانع الانزلاق والتراكشن والمنطقه رمليه
اول شي باستعمال الدبل الخفيف اول ما ترتفع التواير بالهوا تبدأ تدور وما قدرت اطلع
ثاني شي شغلت الآي تراك قامت السياره تطلع اصواااااااااااااااااااات طبيعي لان التاير الي بيلف بالهوا راح تمسكه البريكات والسياره على رمل يعني حتى التايرين الي ماسكين حيلفو شويه على الرمل المهم بالاخر طلعت بس بصعوبه
اما باستعمال الدف لوك افففففففففففففففففف توني بضغط بنزين الا السياره حلقت وما عندي اي مشاكل
في تجربه ثانيه كانت رمله ناعمه والسياره بالدبل العادي ما تمشي وانا مب منسم
شغلت الدفلوك قامت تمشي بس السياره تغوص بالرمل ولو كملت ممكن تطبن وساعتها لازم انسم التواير
استعملت الاي تراك وانا مطلع راسي من الشباب <<اول مره يعرف انه في تواير
قمت اشوف التواير تمشي وتخف وتاير يسرع تاير يخفف والسياره ما وقفت ومشيه مشالله ولا عليها كلام
عارف طولت عليكم اسمحولي
لكن باختصار لاحظت انه الآي تراك للصخور ممتاز او بشكل عام بالارض الثابته او على منطقه زلقه لكن التواير الاربعه على الارض
الدفلوك لعبته الرمل ومشكلته على الارض الثابته ما ينفع لانك لازم تخلي الدركسيون سيده!
اعذروني على الاطاله
تحياتي