السلام عليكم ورحمة الله وبركاته

اخوكم ناوي يشتري اف جي 2009

لاني سمعت عنها وااايد

وسمعت عن قوة ادائها

بس عندي بعض الاسئله وابي لها اجابات لو سمحتو

ترى دار راسي من اراء الناس

وانتو ملاك الاف جي اكيد عندكم الجواب

ابي اعرف كم سعر الاف جي 2009 فالامارات

وشو رايكم فاللون اللي اخذه

وهل فيها عيوب او مشاكل كبيره ماعلينا من العيوب الصغيرونه

وكيف صرفية البترول لانه دار راسي حد يقول يشرب بتروول كثير وها من اهم عيوبه

يعني الفل كم كيلو تقريبا يمشيني اذا كان المشي على 140

واذا حد من الامارات يقولي بكم الفل طبعا اخضر ;)

وحد يقول لا عادي ما يشرب خذ وتوكل على الله علما اني اداوم على مسافة 150 كيلو من البيت

يعني يصلح للدوام ولا لا

لو تفيدون اخوكم لكم جزيل الشكر وانشاء الله انظم ويا قروب الامارات

والسموحه لو طولت عليكم

وهالله هالله فالردود

حياك اخوي عاشق
بخصوص السياره ماشفت فيها عيوب ولا فيه احد اشتكى من عيوب
والسعر حسب ماسمعت عندكم بالامارات 130000درهم
اما بخصوص البترول بصراحه على حسب الدعسه لكن اذا تمشي على سرعة 140 يمشيك 450كيلو تقريبا على الخط ووسط البلد 400كيلو ويمكن يزيد لكن اذا انت راعي دعسات يمكن مايمشيك الا350 كيلو يعني بالمختصر على حسب رجلك

هلا اخوي ..

والله انا جربت الموتر .. في الهاي واي .. ماعليه كلااام ..

بس شويه ازعاج .. يعني شي بسيط .. تخببر الانسيابية فيه قلييييله ..

بس والله راااااااسي .. ساعات امشي به 180 واترك السكان.. الله وكيلك ما يحذف ولا شي !


وبالنسبه لصرفية البنزين .. عندنا في السعوديه اعبيه 95 (حمر) ب40 ريال .. يميشيني 400 كيلو داخل البلددد (فرفره) خخخخخ

بس الهاي واي .. ما حستبها والله

تبي نصيحتي .. اذا انت مقتنع بالموتر وتشوف انه مناسب .. توكل على الله

انا كان في بالي فتك .. بس ما حصل .. خذت الاف جي وانا شويه متحسف ..

اما الحين .. مقتننننننننننننننننننننننع والله مقتننننننننع

كنت افكر ابيعه .. لكن الحين غيرت رايي ..

عقب ماشفت منه حاجات ماكنت اتوقعها ..

بس انسى انك تستخدمه حق عايله .. ورا ضيج ..

وفي النهاية شي راجع لك خيوووووو

والله ولي التوفيق ..

اخويه فل اخضر فالامارات من 80 ل 85 درهم

والصرفيه تقريبا 400 كيلو عالتانكي بالسواقه العاديه

عن نفسي اروح دبي وارجع نص تانكي وسرعتي من 160 ل 180 ع طريق بوظبي وشارع دبي 140 اثبت

صرفيتها على حجم الخزان وايد معقوله كان عندي النيسان اصب له فل ب 120 تانكي واحد واذا اروح دبي وارجع يصرف اكثر عن النص بشوي

مثل ما قالوا الاخوان وازيد انا عن تجربتي للموتر من ناحية الصرفية أنا أفلل بـ (40) ريال أوكتين (95) ويمشيني في الرياض مع كثرة المشاوير قرابة (400) كيلو .. أما في السفر يمشيني (500) كيلو حسب قياسي للمسافة مع العلم اني مثبت على (140) طول الخط .. لكن فيه ملاحظة وهي انه أحيانا يكون بوجهك هواء وفي هالحالة يبي يمشيك أقل من المعدل الطبيعي لأن الظغط يبي يكون مرتفع أكثر من الطبيعي بسبب مواجهة الموتر للهواء ..

نصيحتي : (إذا أنت مقتع فيه توكل على الله .. والله يوفقك)

تقبل مروري .. واثق

خذ لك fj وخل رجلك مليون على الريس واله تفكر بتوصل القمر صدقني انا باقي لي يومين واوصل القمر في ال fj وتوكل على الله