السلام عليكم ورحمة الله وبركاته
عندي فكره جميله

ولكن !!
تحتاج
1 تنسيق
2 وتعاون
من جميع اعضاء القروب ولكن!!!
مكلفه شوي

الموضوع هو
تنضيم رحله طويله نبدى من الكويت وتنطلق الى اوربا
بجوله سياحيه مدتها شهر تنطلق من
الكويت
مرورا بالمملكه العربيه السعوديه
للالتقاء مع من يرغب من القروبات الخليجيه بمنطقة حفر الباطن
ثم الانطلاق الى المملكه الهاشميه الاردنيه
ثم الجمهوره العربيه السوريه
والمبيت في منطقه تسمى كسب ثم الانطلاق بصباح الباكر الى تركيا مسيرت يوم كامل من ثم الدخول الى اليونان والمبيت من ثم الى . . . . . . . . . . .
على حسب الرغبه
او المخطط له من قبل منضمين الرحله
والله يا شباب شي رائع وممتع بمعنى الكلمه ويحتاج له رجال على قلب واحد
لكن
مكلف شوي وان تكون الشغله مرتبه ومنسقه اكثر

اهم شي يكون بكل سياره
سائقين اثنين
اي يكون التعب اقل على سائق السياره وتكون فترة الرحله من شهر ابريل الشهر الرابع من السنه الميلاديه الى مايو الشهر الخامس من السنه الميلاديه

تكون الاجواء بارده الى ربيعيه


ارجو منكم المشاركه الفعاله
والهادفه في الموضوع

يسعدني ان اسمع
أرائكم عن الموضوع ....

والله فكره كبيره
ومتأكد انا ان التعاون بيكون موجود دامك منسق الرحله

لكن نحتاج وقت كافي قبلها للتخطيط للرحله

وانت حدد الوقت عشان ننسق مع الدوام والشباب

فكره 10 علي 10

ياسلام عليكم،ن ممكن أقدر اوفر راعي لهاي الطلعة يعني يا أما التكاليف عليهم او النص بالنص..

عموما هاي فكرة مبدئية و بخصوص الرحلة متى حابين تروحون؟ السنة الياية؟ ولا هاي السنة؟

تتوقع كم تكون الرحلة؟ احس نقعد في كل بلد يومين يكون شي طيب منها نرتاح و نزور المكان الي نحن فيه.

نحن إن شاء الله رايحين صلالة حدود الـ1300 كيلو رحلة طيبة و خفيفة :)

و روحة الى اوروبا شي ممتاز جداّ و فكرة الصراحة تحمس الواحد.. شوفو الي يناسب الاغلبية و سووه
أهم شي نحصل أكبر عدد من المشاركين..

شكرا يا اخي الشامسي على حسن تعاونك وياليت تقدر تساعدنه واحنه نحتاج جهات رسميه وشركات تساعدنه على الجوله او الرحله الاوروبيه واذا كنت تعرف جه او شركه ممكن انه تدعم هذي الرحله ونكون لك شاكرين وهناك اقتراحات بتنسيق الرحله من اليوم الى اليوم المتفق عليه بعد الاختيار اليوم المناسب لأنطلاق الجوله ونتمنى ان الجميع يتعاون ويانه لان الجوله للجميع والاعضاء الي يشاركون فيه راح يمثلون زملائهم الي ما يقدرون يشاركون
و الاقتراح هو ان يشارك برحله عدد لا يتعدى 12 سياره ولا يقل عدد المشاركين عن عدد 6 سيارات حيث ان كل سياره تحمل شخصين لتعاون على الطريق وتكون الرحله منضمه ونستطيع السيطره على اي مشكله تواجه المشاركين بالرحله ويوجد اقتراح ان يوزع جهاز وكي توكي على جميع السيارات المشاركه حتى يتسنى لنا التواصل مع بعض اثاء الرحله

فكره ممتازه

وليكن التسجيل والتنسيق في هذا الموضوع

والله فكره اكثر من رائعه

اهم شي وزارة الخارجيه لتنسيق مع الدول اللي راح تمرون فيها ..

يا شباب من اليوم راح نبده بحصر أعداد المشاركين حتى يتسنا لنا الترتيب والتنضيم

مثل هذه الرحلات يبيلها دراية واخذ فكرة طويلة بابسط التفاصيل المسبقه وخصوصا بوجود راعي يتحمل الفريق
السالفه يبيلها همه شوي وتخطيط فوق الممتاز
معاكم ان شاء الله بس عطوني الوقت الكافي قبل الرحلة عشان التنسيق
يعطيك العافية يا البراق

انا اشوووف انه يجب رسم مخطط للرحله قبل التسجيل بالموضوع

شي جبار و فكره قويه
يبيله والله

انا معاك يا عبدالله برسم الخطه قبل التسجيل للمشتركين

بروح معاااااااكم عاد انا كنت بكسب شهر كامل لووووول خلاص انا اصير المرشده السياحيه حقكم d:

شكرا وما نستغني عن خدماتج

[quote]
تفكير سليم

والحمدالله امنيتي بتحقق اني اروح بسيارتي الى اوربا

وصح كلام الشباب شي ضروري يكون تنسيق وتخطيط

والاهم الدعم والتجهيز

عسالله يوفقنه انشالله والصراحه يا شباب قبل يومين عرض علي شخص من شركة زين بدعم الرحله بمبلغ جيد يقدر 10% من القيمه المقدره من مصاريف الرحله بشرط وضع ستيكر أعلاني على السيارات المشاركه برحله وتكون شركة زين من الشركات الراعيه لرحله بشكل مبدئ وأرجو من الاعضاء المساعده على جلب بعض الشركات للمشاركه في دعم الرحله لو بمبلغ رمزي كي يساعدنى على تكملة باقي مصاريف الرحله
سوف اوافيكم انشاءالله بأي أخبار جديده

الفكره أكثر من رائعه بس ماوضحت متى الوقت وياليت تكون وقت إجازه نقدر نحقق الحلم صراحه ودي بها الرحله من جد شي والله يوفق الجميع

الى الامام يا قروب الكويت

بأذن الله في تقدم مستمر مدام الاعضاء على قلب واحد

واحد من الاصدقاء بيخاطب وزارة الخارجيه عن الموضوع .. واحتمال يتكفلون بتكاليف وحصانه للمشاركين بالرحله ..

نتكلم بالتفاصيل حين الموافقه من وزارة الخارجيه ..

وعاااش القروب


طبعاً انا مراااافق ما اقدر اروح بسيارتي :) الا اذا جهزتها 100% .

السلام عليكم
انا موافق علي الرحلة
واللة يوفق الجميع

يا جماعه انا احاتي البانزين سفرتي من الكويت لخبر بالسعوديه عبيت بنزين ٥ مرات تقريبا !!!
الاف جي يصرف بشكل مجنون بانزين يعني اذا كان عددنا كبير راح نوقف كل ساعه او ساعتين محطه وكل وقفه راح تاخذ وقت و غير الي ممكن لا سمح الله تحوشهم مشاكل بسياراتهم ... غير تاخير الحدود
يعني الله يساعدنا اتوقع راح تكون الرحله طويله وفيها تاخير لان كل ما كبر العدد صار في تاخير

صح كلامك يوسف
عين الصواب
وتكلمنا انا والعتيبي بهالموضوع

والحل هو تغليص العدد
عدد السيارات مو الشباب
وكل سياره تكون فيها 3 اشخاص
انا احتمال كبير اكون مرافق
واذا مو مرافق راح اكون معاكم بسياره لاند كروزر <----- ادور الراحه لووووووول
طريج طويل مو غشمره

بس صدقني الرحله راح تكون ممتعه اذا كثرت فيها التعطيلات بالطريق

لا تحاتي راح نقعد مع رحاله من الكويت وبنستفسر عن اهم الامور اللي مفروض نعرف عنها للرحله ..

اذا صارت هالرحله

راح يكون انجاز للقروب للكويتي

:)

السلام عليكم
انا موافق علي الرحلة
واللة يوفق الجميع


اخوي بوصخي يعطيك العافيه

بصراحه اول مره اشوف نكك معانا بالموقع

منور الموقع
و ويهك خير علينا دام دخلتك الموقع مع رحله حول العالم لووول اقصد اوروبا ..

عموما منور وان شاءالله نتعرف عليك اكثر :cool:

رحـــــله في قمه روعه


بس ع فكره لآزم يكون تنسيق الرحله وقتها ع اجازه الشباب للكل يعني اللي بدوام او يكون بالجامعه يعني بالملخص


تكون الاجازه موفقه علينا كلنا ويكون العدد كبير عشان نسوي غزو ع اوربا غزو fj

وان شاء الله الوعد يكون ع صيفيه الجايه ^_*

:)

يعطيك العافيه اخوي

كلام سليم

لاالةالاالله

كلام سليم وفي محله انا بنسبه لي ما اعاني من هل مشكله بسبب وجود تانكي اضافي في سيارتي اما بنسبه الى الاعضاء فهيه مشكله لاكن توجد حلول كثيره لحل المشكله الحل الاول هو تقليل عدد المشاركين ويكون عددهم لا يتعدى 8 سيارات حتى ماتكون الوقفات كثيره الحل الثاني ماناخذ ويانه سيارات مرفع حيل لازم تكون الرفعه بصيطه يعني ما يتعدى 2 انش لان كل ما ارتفعة السياره صارة تقاوم الهوى اكثر ويزيد صرف السياره بشكل هذه الحل الثالث ان السرعه لا تتعدى 120 كيلو في الساعة بمعنى اصح نثبت السرعه على 120 ونكون على خط سير واحد الاول هو الي راح يصير عليه التعب حيث ان السياره الاوله هي الي راح تقاوم الهوه وتساعد السيارات الاخرى على شق الطريق في الهواء وبذالك نقلل الصرف على السيارات الخ .......... ياشباب مدام نحن في الفتره التجهيزيه لتنسيق الرحله لا بد من مشاركة جميع الاعضاء في هذه الموضوع لمساعدتنا على معرفة المشاكل او العقبات التي ممكن ان تئثر على الرحله وطرح الحلول الجيده لحل هذه المشاكل و العقبات قبل ان نطرح الموضوع في المنتدى العام

وشكرا

بسم الله الرحمن الرحيم
السلام عليكم ورحمة الله وبركاته


اولا:-اشكر واثني على افكار قروب الكويت الرائع على هذة الفكرة الاكثر من الرائعة(يسلمو على هيك مخ)

طبعاً انا لم قريت الفكرة وايد تحمست للرحلة ،بس مثل ما قلتو الرحلة يباله شغل وترتيب وامور كثير ،لنجاح الرحلة

انا واعوذ بالله من كلمت انا ودي اشاركم النقاش وراح يكون عندي اقتراح واعتراض واخر شي واهم شي فكرة

اولاً:- اقتراح و ليس معارضة:

اقترح ليش ما تكون الرحلة فقط على الصعيد العربي فقط (بحيث نزور وباذن من الله جمع البلدان العربية في شهر )

الحين في شباب قاعدين يدعون علي هههه

راح اقولكم السبب:-

1-راح تكون تكلفة الرحلة طبعا اقل بكثر وراح يكون الترتيب لها اسهل .

2-الرحلة راح تكون تجريبية (ان شاء الله راح نتعلم منها اشياء كثيرة )بتفيدن في الرحلات الاكبر ان شاء الله.
3-اذا كانت الرحلة الى الدول العربية فقط .ما راح انواجه صعوبات مثل الى راح انواجة في الدول الغربية.

وبــــــــــــــــــــــــــــــــــــــــــــــــ ـــــــــــس:(

ثانيا :-الاعتراض:-

طبعا بعض الشباب يعطون رقم محدد للسيارت المشاركة في الرحلة،انا طبعا اعترض لان هناك كثير من الشباب الي ودهم يطلعون ويسافرون مثل هذا السفر ،وغير كذ الرحلة على مستوى الخليج يعني مستحل اقول مثلاً:من الكويت سيارتين فقط ومن الامارات سيارتين فقط و.........
الامر صعب جداً
يعني انخلي العدد مفتوح

وعلى سالفة التاخير في البترول طبعا راح نتاخر ولا تنسون هناك وقت للصلاة ووقت للغذاء وغيرة من الامور الي راح تاكل الوقت.

ثالثاً:-واهم شي هي الفكرة

ابيكم كلكم اتحضرون اله حاسبه

طبعا انا سويت التقديرات على عدد السيارات المحددة وهي 12 سيارة كحد اقصي اوكي

لو افترضنى ان كل سيارة فيها 3 اشخاص

يعنى 3*12=36 شخص راح يكونون في الرحلة اوكي

لو كل شخص من ال36 شخص دفع 250- 300 درهم كل شهر

خلو حسابتنا على 250 درهم في شهر اوكي

36شخص *250 =9000 درهم في شهر واحد بس اوكي

لو افترضنا ان الرحلة راح تكون في شهر 1(بداية السنة )

خلونا نحسب من شهر 9 لين شهر 1

يعني 5 شهور

5*9000=45000 درهم (ضربنا المبلغ الشهري ب عدد الاشهر)

يعني نحن بامكان نضع ايدنا بايد بعض ونحاول انطلع ولو مبلغ مثل هذا ،وطبعا هذا مع العدد الافتراضي ولكن انا اتوقع راح تكون المشاركه كبيرة وفعالة اذا كان الوقت مناسب للجميع،ونحن بهذي الحالة طلعنا مبلغ البترول تقريبا.

ونحن طبعا يمكن انشارك ويمكن ما انشارك صح

ويمكن نطلع الرحلة ويمكن ما نطلع صح

علشان كذ نحن نفتح المجال لكل الاعضاء بالدفع والمشاركة في هذي الجمعية.

والعضو الى تكون امورة ميسرة ويقدر يسير الرحلة ،خلاص يعتبر دفع المبلغ ولا يرد له شي.

اما العضو الي شارك في الجمعية و ما حالفة الحظ في الرحلة لها احد هدي الخيارات:-

1-اما يسحب افلوسة كلها من الجمعية.

او

2-يخلي افلوسة في الجمعية وراح اتكون له الاولوية في الطلعات الجاية، طبعا مع مراعاه بعض الشروط مثل (يدفع نص المبلغ في الرحلات الثانية).

او

3-يخلي افلوسه في الجمعية و راح تكون لها الصور والفيديوات المتعلقة بالرحلة حصرية له من قبل ان يتم تنزيلها في المنتدي ،طبعا مع مراعاه بعض الشروط.

انا من خلال فكرتي المطروووة ابي ابين نحن نقدر انساهم ولو بشي بسيط ،بحيث يساعد الجمعيات او الموسسات الي راح تدعمن يكون لها يقين ان نحن فعلن نبي انحقق هذا الشي .

وهذي نهاية مشاركتى ،وطبعا هذا صوتي ،وصوتي لا يعلو على الادارة .

اتمنى اني ما طولت عليكم

واي استفسار او استجواب انا حاضر و بالشوفة.

وتحياتي:d

الله يعطيكم العافيه يا شباب
مجهود جبار تشكرون عليه

شباب حددو التاريخ عشان نشوف وضعنا معاكم او لا

الوقت المقترح حتى الآن شهر 4 القادم

الفكره اكثر من ممتازه و الله يعطيكم العافيه و انا معاكم ان شاءالله ...

يجماعه تره السافه مو شويه لازم تكون لكل واحد ميزانيه عاليه لانه لكل واحد ميزانية البانزين 4000 دينار كويتي
غير الخربات الي بتصير بلطريج ياجماعه انا اقول نو نشحن سيارتنا اهناك او انروح اهناك تكون احسن او يعطيكم العافيه

يجماعه تره السافه مو شويه لازم تكون لكل واحد ميزانيه عاليه لانه لكل واحد ميزانية البانزين 4000 دينار كويتي
غير الخربات الي بتصير بلطريج ياجماعه انا اقول نو نشحن سيارتنا اهناك او انروح اهناك تكون احسن او يعطيكم العافيه

4000
؟؟؟؟؟؟؟؟؟؟؟؟؟؟؟؟؟ من قالك انه هالمبلغ يبه في ناس من قبل رايحين وكلفتهم 2000


وشنو خربات بعد ليش سيارتك بكل سيرفس لمن تشمي 5000 تخترب
المشي الي انت مشيته بسيارتك يمكن لي امريكا لو تخليه خط واحد

4000
؟؟؟؟؟؟؟؟؟؟؟؟؟؟؟؟؟ من قالك انه هالمبلغ يبه في ناس من قبل رايحين وكلفتهم 2000


وشنو خربات بعد ليش سيارتك بكل سيرفس لمن تشمي 5000 تخترب
المشي الي انت مشيته بسيارتك يمكن لي امريكا لو تخليه خط واحد

عبدالله الربع كل مره يرحون اشتركيه عنده بسلوى اتكلفهم 4000 او انت او راحتك
او على فكره تره روح بس او الرده يشحنون سيارتهم ;);)

مـتآبع لفكرتكم وبالتوفيق جمييعا ان شاء الله