حصريا == مراية + شاشة + كيمرا + جارمن + فيديو + صور =900 درهم فقط ==بشرط وااحد


الشرط هو توفر نوكيا N95 العادي أو N95 8GB أو N82
والسبب وجود مخرج للتلفزيون من هذه الهواتف بالإضافة إنها أيضا تحتوي على جي بي إس ريسفر

بالنسبة إذا رغب الأعضاء بشرح تنزيل الجارمن على هذه الهواتف الرجاء الطلب وسيتم طرحه في موضوع مخصص للفائده

نأتي للأسعار:
هناك نوعين من الشاشه وهم نفس الشكل الأولى الي عندي بـ 450 درهم والثانية بـ 600 لإحتوائها على بلوتوث و تركب على المراية القديمة بدون تخريم

الكيمرا أنواع فيه بـ 300 و فيه 500 و فيه بـ 800 نوع كينوود

أيضا يتم تركيب ترانزميتر و التوصيل بالراديو عن طريق الإف إم و بـ 150 درهم

أصبح السعر للكل على فرض التركيب 450 +150 + 300 = 900

حاب تختار بلوتوث + 150 أنا عن نفسي سيارتي بلوتوث من الوكالة

وكذلك بالنسبة للكيمرا أنا ركبت الكينوود بـ 800 بس الي بـ 300 مافيها شي الصراحه حلوة بس أنا أحب الكينوود



الآن الفائده الأولى هي مرآه لتشاهد للخلف طبعا الوضوح أقل بقليل عن الطبيعية ولكن أنا تعودت عليها صار لها 5 أيام و مع رداءة الصور و أنا آسف لهذا الشىء لكنه واضح في الصورة الرؤية الخلفيه للسيارة

http://img529.imageshack.us/img529/430/89753469bv1.jpg


والأن عند وضع الجير على السيوس (R) تكون هنا الصورة معانا


http://img529.imageshack.us/img529/4247/12798859ur6.jpg


وهذا الواير يتم توصيله بالهاتف نوكيا N95 طبعا

http://img529.imageshack.us/img529/5046/94401874le5.jpg


إختار TV-out Cable

http://img505.imageshack.us/img505/550/34958881wh3.jpg


بعدها ستظهر شاشة الهاتف بس للأسف التصوير تعيس و الثيم الي مركبه فاتح لكن في الصور الباقية سيتضح أكثر

http://img80.imageshack.us/img80/6613/84037824uz2.jpg


هنا بعد تشغيل الجارمن من التلفون و جعل الصور عرضيه لتأخد مقاسي الشاشه بالكامل

http://img505.imageshack.us/img505/2719/79434422bl3.jpg


هنا يمكنك تصفح هاتف صور و فيديو و بالنسبة لصوت الجارمن و الفيديو الي بالتلفون عن طريق الترانزميتر بيكون عن طريق الإف إم قناه تختارها مسبقا من الكهربائي
أنا عندي 78.7
والصوت ممتاز على سماعات السيارة

http://img505.imageshack.us/img505/2871/58032052us5.jpg

هذي صورة الكيمرا الخلفية إسمحولي فالليل في نص كتابة الموضوع تذكرت إني ما صورت الكيمرا و رديت أصور وإن شاء الله تكون واضحه
ملاحظة: إستخدمت نفس مسمار الي يثبت الليت الأبيض الي ينور الرقم لعدم رغبتي بالتخريم

http://img521.imageshack.us/img521/7049/95954855hv2.jpg



وفي النهاية قد حصلت على الي أريده بسعر أنا اعتبره خيالي جدا في حالة توفر هالتلفون معاك
و أيضا يمكنك تركيب بوكس يشيل 6 سيديات إذا تريد تشوف فيديو بس عن نفسي ما أحب أشوف أفلام فالسيارة

و في الهاية السموحه إذا قصرت في توضيح الرجاء تنبيهي و بوضحه أكثر

الرجاء وضع شعار الموقع على الصور

وشكرا لك على هالموضوع المتميز

الله يعطيك العافيه اخوي بس كيف الشاشه ركبت على المرايا وماتأثر على الاستخدام العادي

الأخ أبو ساهر: يا ريت لو نقدر نرفع الصور على الموقع نفسه و تكون خاصية للأعضاء فقط بنرتاح أكثر أناأدور في النت عسب أرفع الصور بس حاليا أعتقد ما أقدر أعدل عالموضوع لأنه مر أكثر عن 5 دقايق

الخ كولا لايت المرايا تركب كبس على الأصليه و ما تتأثر أبدا

شرح واضح ومفيد ...

شاكر لك اخوي

* تم تذيل الصور بشعار الموقع

حلوة الحركة
ومشكور على تفاعلك
كنت افكر اسويها بس افضل الشاشة العادية

يعطيك العافيه ع الموضوع المفيد،،،



تقبل مروري،،،،

ابداااع
ولله طالعه تجنن "(ما شاء الله )"
واول ما افضا بزينها ان شاء الله
موفق بإذن الله ... لك مني أجمل تحية .

مشاء الله عليك اخووي ..

شغلك حلوو ونظيف ..

واحلى شي تثبيت الكيمرا ..

سؤال : كيف وصلة الكيمرا .!؟ لاسلكي او واير من داخل السيارة ؟؟

واير من داخل السيارة بس شغله نظيف الحمد لله

والله شي فوق الخيال

ما شاء الله تبارك الله .. تضبيط واضافات عجيبه

والسعر حده كووول

الله يعطيك خيرهم ويكفيك شرهم ويبعد عنك عيون الحساد

تحياتي
اخوك محمد

ماشالله عليك شغل وافكار ممتازة
سؤالي كيف تم تمديد الواير بحيث انك تحط ريويس ودايركت تشتغل الشاشة>>> هل العمليه تحتاج مهندس ولا ممكن انا اسويها

بإختصار سؤالي كيف يتوافق تشغيل الكاميرة بعد ماتحط علىr ؟؟ هل يوصل الحساس على القير؟ ولا على الكمبيوتر؟؟

ما شاء الله فعلا حركه حلوه

حركااااااااااااااااااااااااااااااااااااااااااااااا اااااااااااااااااااااااااات

ما شاء الله شغل نظيف
لكن عندي سؤال
كيف تشتغل الكميره تلقائيا اذا حطيت القير على الريوس ؟
ووين احصل هذي القطعة الي تركب فوق المراية ؟

أخ ارتست و أخ البا شا

تقريبا سؤالكم نفس الإجابة بشرحها أولا أول ما تحط الجير على الـ R فيه واير يوصل الى الليت الأبيض في في خلف السيارة ويخليه يتشغل و يبين إن السيارة بترجع للخلف الكهربائية بدون إستثناء الي يركب تلفزيونات و كيمرات يعرفون هالواير و عادة يكون تحت الدواسة البلاستيك على يسار كرسي السايق و يستخدمونه و يشبكونه مع الكيمرا بحيث أول ما يوصله كهرباء ليشتغل الليت الأبيض بنفس الوقت يوصل كهربا الى الكيمرا و تشتغل

بالنسبة الى المحل في أبوظبي إسمه الحوسني في شارع السلام الباركن الأول

تحياتي

الصراحه ابداع منك هالحركه
وجاري التنفيذ من الاسبوع القادم

مشكور على التوضيح الوافي والسهل الممتنع
على تجاوبك السريع وحبك لإفادة الجميع

ما شاء الله أفكار خياليه وبسعر مناسب

الله يعطيك العافيه عــ الموضوع :)

يسلمو علي الموضوع ,,,,,,,,

ياسلام عليك من وين خذت المرايا

أبوظبي شارغ السلام الباركن الأول محل الحوسني

و قالي واحد من الربع يوم شافها إنها بـ 250 درهم في المركز الصيني تضايقت شوي لأن فرق 200 درهم نص القيمة تقريبا بس أنا خلاص ركبت بضمان سنة من المحل

يا سلام عليك شرح واضح بس نحصله في السعوديه

ما شا الله شغل نظيف :)

عالبركه،،،


تحيتي

اخوي انا واجهتني مشكله وحده بس

وهي عدم دقة الجوال في استقبال اشارة الgps الاقمار الاصطناعيه ( جربنا ال N95 العادي و ال8gb و N82 الفضي )

بس تظل الفكره جميله

سيف نجد
ممكن يعتمد على نوع البرنامج الي تستخدمه في تلفونك

خرايط نوكيا
أو
خرايط جارمن
أو
خرايط رووت 66
أو
خرايط توم توم

أنا عن نفسي بدلت الي N82 الأسود و حاط جارمن الفيرجن الأخير V 5.10

لأني لاحظت إنه أقوى من إرسال الجي بي إي الي في الـ 95

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .

ألف مبروك بصراحة شغل حلو ربي يبارك لك في السيارة

ياشباب اللي يعرف وين تباع بالرياض يخبرنا

سيف نجد
ممكن يعتمد على نوع البرنامج الي تستخدمه في تلفونك

خرايط نوكيا
أو
خرايط جارمن
أو
خرايط رووت 66
أو
خرايط توم توم

أنا عن نفسي بدلت الي N82 الأسود و حاط جارمن الفيرجن الأخير V 5.10

لأني لاحظت إنه أقوى من إرسال الجي بي إي الي في الـ 95



لا حنا جربنا الجارمن بعد بس الفيرجن القديم الي قبل 5 , اما هذا الفيرجن الجديد اتفق معك فعلا فيه تحسن واضح لاستقبال الاشاره وجربناه في اسواء جهاز وهو ال E90 وتوي مخلص التجربه ماشاء الله اشتغل بشكل ممتاز جدا وحتى صاحب الجهاز ما صدق انه اشتغل لان جودة الاشاره كانت اقوى من برنامج نوكيا الاصلي " مع العلم انه مازال هناك اخطاء في الملاحه مقارنتا بأجهزة الملاحه المحترفه "

اخوي انا جاي من الرياض عشان اشتري مرايه زي هذي

ممكن تقولي وين احصلها فيه ؟ ؟

تقبل فائق احترامي وتقديري

ماشاء الله . من وين :)خذت المرايا

ما شاء الله والله سعر خيالي

وممكن اجهزه ثانيه بعد E71 يسوي نفس الحركه

تحياتيـ،،:)

أخ حكيم الرأي
هذى موجوده في أبوظبي إذا فعلا عزمت طرشلي عالخاص و بشيلك و بوديك بنفسي للمحل شو تريد بعد


THE BLACK FJ

للأسف ما يركب عالـ E71 و السبب لأنه لايوجد به TVout

تحياتي