السلام عليكم

اليوم مريت على سوافي وشفت شغلهم صراحه رووووعه

وقابلت المهندس فيروز (سئلوني الناس:D)

وأخذت منه البروشور حق خدماتهم وكان ودي اصوره لكم بس ماعندي سكانر

بس ابكتب لكم الخدمات واسعارها وان شالله تفيدكم

نبدأ أولا بإسم الورشه

مركز سوافي للتجهيزات البريه لسيارات 4*4

مدينة الرياض - صناعية الفوزان مخرج 18 بإتجاه الشرق

إحداثيات الموقع

N 24 - 37 - 720
E 046 - 48 - 777


من أبرز خدماتهم

تركيب بطاريه إضافيه للسياره واللي تشغل بها جميع الأجهزه الإضافيه

مثل الأيكوم والملاحه والديفيدي والإضاءه الخارجيه او للكبوت وكذلك الثلاجه

وبكتب لكم تفاصيل اسعارها كما يلي:


-تركيب البطاريه الإضافيه = 900 ريال

-تركيب محول كهرباء 220 فولت (600وات) = 550 ريال (عدد 2 فيش)

<== يعني تقدر تشبك شاحن مثل شاحن البيت للجوال واللاب توب

-تركيب لمبات داخل الكبوت (عدد 2) = 120 ريال

-تركيب لمبات داخل السياره (للسقف الداخلي) = 120 ريال

-تركيب وتجهيز اسلاك للثلاجه = 120 ريال

-تركيب ماطور هواء (أبوجمل) = 370 ريال ( الماطور صراحه أعجبني ويبدو اصلي)

-تركيب تانكي ماء(95لتر) = 1200 ريال

-تركيب وتسليك أسلاك وأريل الآيكوم = 160ريال

-إضافة عدد 2 ولاعه = 120 ريال

-تركيب فاصل:D للـABS بـ = 80 ريال


وبالنسبه لشاشة الديفيدي يقول هاتها من برا وانا اسويها لك

ونفس الشي بالنسبه للأيكوم والثلاجه وجهاز الجارمن

وسألته عن تانكي للبنزين وقالي انه شغال على تانكي ويبي يجربه

واذا نجحت الفكره راح يبدأ يركبه للي يبيه


أتمنى تفيدكم هالمعلومات واللي عجبه موضوعي

يدعيلي ان الله يوفقني وأنقل عملي للرياض

أمنياتي لكم بالتوفيق

كفوووووووووو
والله
مع إني من جدة
لكن مشكور على الجهد الرائع

جده عذاب

ماعندي هيك محلات

شو هيدااااااااا

ياخي انواع القهررررررر وربي

ما قصرت حبيبي بس أسعاره نار
خذ على سبيل المثال المحلو قيمته تقريبا200 وباقي أغراضه 50 ريال والمكسب المبلغ المتبقي يعتبر غالي
التانكي 50 لتر ماء ركبته 300 ريال يعني هم غالي
ولمبة الكبوت أنا مركبها ما كلفتني 50 ريال يعني غالي وغيرها
لا تستعجلوا لكم الخيار سبق وحطيت رقم الأخ عبد الله في قسم بيع السيارات تراه أرخص بكثير ويمكن يتساعد معك بالسعر وتراه سعودي الجنسية

المضحك 160 تمديد كيابل الآيكم والله الشغله ما أخذت مني وقت فكيت كلبسات الديكور ومددته من الخلف حتى الأمام وسحبتله كهرب من البطاريه مباشره وحطيتله فيووز والشغله كلها كلفتني كيبل متره 5 ريال يعني 3 متر وعلبة فيوز 5 ريال كيف يا خذون هالمبلغ
فاصل الإنزلاق اصبروا وبتأكد إذا الكيبل موجود من أساسه 80 ريال غالي لأن الفاصل قيمته بالكثير 20 ريال

الماطور نوعيته ممتازه وقيمته 220 ريال طيب الباقي كله على القاعدة



بالأخير الله يربحهم بس حاول أنت قبل ما تروح أحد وتمديد وترهيم الشيء السهل يمكن أنت تقدر عليه بدون الرجوع إلى الورشات

ومشكور أخوي على المعلومات
تقبلوا مني هذا الكلام

مشكور اخوي اسعارهم شوي غاليه

عموماً انا ودي اركب الماطور

والفاصل بس قبل ابي اجيب الفاصل الاصلي من الوكاله

الله يعطيكم العافيه ياشباب على اتواصلكم

وان شالله انكم استفدتم

والف شكر للمشرف وصاحب الموقع على التثبيت

ننتظر جديدك أخوي إف جي 2008

شباب الماطور هذا حق ايش
ويعطيكم العافيه على الموضوع

يسلمو علي المعلومات ,,,,,,,,,,,,,,,

يعطيك العافيه اخوي على المعلومات رغم ان به شوية غلا لاكن اذا شغلهم نضيف لا والله يستاهل وبالنسبه للماطور هذا للهواء اذا بغيت تنفخ الكفرات وانت بعيد عن المحطات يساعدك كثير

شغله غالي جدا ومو زي اول نظيف

البطاريه لو تجيب كل عدتها شغل يد اعرف واحد بسعر 100 ريال وكل شي عليك

(( بخصوص مااطور الهواء )) انا جاي مع سيارتي ماطور تويوتا بالشنطه حقت السلامه وكنت بصراحه مستحقره الين قبل فتره نسم جيب اخوي 470 وكان الكفر الامامي جالس على الجنط المهم قلت ابجرب انفخه بدال الفك والتركيب وتدوير القفل ...وفعلا طلعت الماطور وشبكته بالطفايه وشبكته بالكفر وقلت للسواق يجلس عنده ,, انا دخلت متوقع بياخذ له ساعه جلست 10 دقليق ورجعت الا وهو نافخ الكفر ورافع السياره ... بصراحه تفاجأت وقلت هذا مايتفرط فيه

يعطيك العافية اخوي

السلام عليكم ورحمة الله وبركاته ,,,,

يسعدك ربي ,,, يعطيك العافية ,,,, جهد مشكور

ولكن ملاحظة أسعارهم غالية :-(

المنفاخ قيمته من 235 - 265 ريال والتركيب بـ 120 ريال ؟؟؟؟؟ كثير مرة

نور الكبوت يركبونه مع الفاصل بـ 35 - 50 ريال

محول الكهرب قيمته 140 ريال ,,,, والتركيب ب 410 ريال ؟؟؟؟؟؟ أكثر من الكثير

وزي ما قال " بن عبدالرحمن " ,,, في شغلات تسويها بنفسك ,,,أفضل لك

وختاماً,,,,

أكرر شكري لك على اثراءنا بهذه المعلومات القيمة

كل الود مع التحية

أخوك / فتى الجبل

بارك الله فيك ورحم الله والديك, يعطيك الف عافيه