انا رحت لمحل دار موجه وحصلت جهاز قارمن موديله 1410 من قد جربه وهل تنصحون فيه ولا لا

السلام عليكم.

انا ودي اخذ واحد والله ويكون كويس للبر والمدن والخطوط الخارجية وسهل.
ولو يكون واحد من الشباب اللي لهم خبره بالموضوع هذا ينزل بموضوع مفصل وكامل عنه.

ما انصحك بمحل دار الموجة مدري وش قصتة اسعاره غالية

انا شريت قبل اسبوع نوفي 1310 بـ 800ريال

ويوم رحت لدار الموجة قالي 1299 << هذا وهم مسوين عليه عرض وسعره قبل التخفيض اتوقع 2200 ياشيخ حرامي

والفرق ضمانة سنتين والمحلات الثانية سنة وحدة



اما من ناحية الجهاز قبل ماتشترية اسال عن البلوتوث والاف ام تقدر تسوي اقتران بالجوال ولا لا

لان فيه نوعيه البلوتوث فيه سئ نسيت اي اصدار والجهاز بشكل عام كويس مش بطال

سلام

بالنسبه للــ 1410 جعاز حلو و ما عليه كلام

انا عندي و استعملته و ما قصر لا هنا بالسعوديه ولا في امريكا

و طبعا فيه افضل منه لكن نسبه و تناسب بالنسبه للسعر يعتبر جيد

البلوتوث حقه زين بعد و لك تحديث خرايط مجاني بعد ما تشتريه لمده 50 يوم عن طريق النت من موقع قارمن

الصوت فيه واضح لكن الصوت العربي فيه مايعتبر مثل الانقليزي ( بالنسبه لي حاط الجهاز كله انقلش ) افضل اشوف

دار موجه غالي علشان ضمانه الممتد لسنتين + لك حق ترجيع الجهاز لمدة 3 ايام اتوقع + استبدال في حالة العطل او الكسر تحت ضروف عاديه طبعا + صيانه مجانيه مدة الضمان + تدريب مجاني عن كيفية الاستعمال + تحميل احداثيات مجاني

اعتقد كل ها المجموعه للي اول مره يشتري جهاز قارمن يستاهل تزيد عليه فلوس و لو حتى وصلت للـ 1000 زياده عادي بما انك بتكون مرتاح و تلعب بالجهاز مثل ما تبي كتجارب و الثاني ان شاء الله اشتره لو تبي مستعمل لانك بتكون دارس الجهاز و ما عليك خووف


اتمنى اكون افدتك لو بالقليل اخوي و بالتوفيق

انا معاي انصحك تاخذه وانت مغمض جهاز روعه وهل موديل اكبرهم شاشه شاشته 5 والباقيات 4.3
وينفع للبر والمدينه واغلب الدول العربيه رحت عليه الصمان والدهناء وفيه بلوتوث يشبك علي جوالك جد جهاز روعه وبي 800 ريال

الحين اي واحد اللي ب800 ومن وين ؟؟