..

السادة ادارة منتدى اف جي العربي
نسخة بعد التحية .. لقروب الغربية
نسخة بعد التحية .. لمشرف قروب الرياض
نسخة بعد التحية .. لمشرف قروب القصيم
نسخة بعد التحية .. لمشرف قروب الشرقية
نسخة بعد التحية .. لمشرف قروب حائل
نسخة بعد التحية .. لمشرف قروب تبوك
نسخة بعد التحية .. لمشرف قروب الكويت
نسخة بعد التحية .. لمشرف قروب الأمارات
نسخة بعد التحية .. لمشرف قروب عمان
نسخة بعد التحية .. لمشرف قروب البحرين
نسخة بعد التحية .. لمشرف قروب قطر

السلام عليكم ورحمة الله وبركاته

بداية" أتقدم لسيادتكم بجزيل الشكر والتقدير على مالقيته من دعم متواصل وحسن معاملة منكم , ومن زملائي الأفاضل خلال فترة اشرافي في هذه المنتدى مما كان له الأثر الطيب في نفسي .
وأفيدكم بأنه نظرا" لظروفي الخاصة وأسباب شخصية أخرى , فأنني وبكل مافي النفس من مشاعر أخوة ومحبة أتقدم لسيادتكم بإستقالتي عن منصبي وعن اشرافي لقروب الغربية اول قروب في هذا المنتدى ,

اتمنى من جميع اعضاء قروبي العزيز الأستمرار على نفس النهج المتبع اللي كنا عليه وانهم يوقفو وقفه واحده ويكونو يد وحدة زي ماعودوني دايمن ويساندو المشرف الجديد ويكونو معاه واقفين وقفه صادقه و انا اغلبكم عندو رقمي راح اكون معاكم في كل مناسباتك وطلعاتكم وجمعاتكم الخاصة .

حابب اشكر كل من وقف معايا وساندني وخلا قروب الغربية افضل قروب متواصل اعضائه مع بعض زي الأخوان دا إذا مو اكتر .. تجربة السنوات اللي عشتها معاكم كانت نقله لشخصيتي ونقلة شاملة كاملة للحياة انا معاكم حسيت انو مافي شي اسمو مستحيل وعرفتوني معنى الصداقة صح عرفت رجال فيكم لو كنت احتاج شي اول حاجة افتكرها هوا انتو ومن دونكم انا ولا شي :

ساري

عمار الصيرفي

الشيخ محمد عزوني

عبدالعزيز - التنين

محمد باصقر

نايف السليماني

عبدالعزيز العيسى

عمر مدني

محمد القزلان

تميم

وائل أخويا الصغير

أمين

عزوز مكة

حسام وصاحبو

هذولي مكسبي من القروب دا كلو وان شاء الله ما اكون نسيت عزيز

شكر خاص لأحمد رئيس المنتدى

شكر خاص لأبو تالا على كل الدعم اللي قدمو ليا شخصيا وعلى المساعدات اللي كانت منه وكسبت أخو في الرياض وان شاء الله متواصلين على طول

قدمت دي الاستقالة بعد تفكير عميق مع نفسي وصليت استخارة وربي خيرني وياليت تدعولي كلكم بقلوبكم الصافيه انو يسهلها عليا ويفك كربي يارب

وبالنسبة لأدارة القروب بعد كدا حيمسكها ساري وبحكم انو ساري نائب الرئيس الأول وابغاكم توقفو معاه كلكم وانا اولكم ويوم الأجتماع حنتكلم عن الموضوع دا بعمق اكتر دعواتكم حبايبي

ويارب ما اكون نكدت على احد أو ازعجته ويارب اكون ساهمت في صداقات جديدة للكل

وصدقوني الواحد ولا حاجة بدون اصحابو

تحيتي للكل

انتهى

..

حبيبي هاني انا مو من الناس إلي يعبرو بالكلام
فالله يوفقك ويسعدك انشاء الله
وانشاء الله نشوفك في الطلعات الجايه والله يحيك في سيارتي
ومبروووك لحبيب قلبي ساري

هاني والله يعلم مافي قلبي لك من معزة وغلا لك
ولو اتكلم من اليوم الى بكره صدقني الكلام مايعبر مافي قلبي لك من محبه
عزيزي هاني انت من الناس الواحد يعتز بمعرفتهم ولا يفرط فيهم مهما صار او ابتعدنا
صح السيارات والقروب هما الي عرفوني وجمعوني بيك بس بعد ماعرفتك صدقني لا السيارة ولا المنتدى الي يفرقني عنك شئت ام ابيت ساكون صديق عزيز واخ لك مهما حييت
والله على مااقول شهيد
اخوك العزيز /وائل

اخيراً استقلت ...!

ههههههههههه عاد لو انك بيسيرو الحين بنحط بدالك ناصر الجوهر

الحقيقه هاني اديت وكفيت واجب الاشراف على اكمل وجه وتستاهل التكريم وانا من هذا الموضوع اطالب بتكريم شخصي لك في اقرب خرجه للقروب على ما اعطيته للمنتدى من وقت واقتراحات..الخ

واكيد لكونك صديق مميز بالنسبه لي ولاعضاء المنتدى وخاصه قروب الغربيه ورغم انه يضايقني انك بتترك الاشراف لكن انت وظروفك ما راح ابدا نضغط عليك وانت يا هاني صديق رائع ومن خلال صداقتي معك ما شفت منك الا كل طيب وتقدير ومحبه واحترام ومن ملاحظاتي التي اعجبتني فيك رغم ارتباطاتك العائليه بحكم انك متزوج الا انك كنت حاضر في اغلب المناسبات والخرجات اللي مع القروب ((علشان تشيش ههههههههه)) امزح هع هع ....

من مميزاتك دعمك للقروب بتشجيعك وافكارك وكنت تتميز الحقيقه بخفه روحك وتواضعك ومحبتك لمعرفة الاعضاء وافادتهم و الاستفاده منهم .. وهذا طبعا لن يتغير باذن واحد احد

وما اقول الا الله يعطيك العافيه والصحه واكيد شغله انك ما تكون مشرف هنا ما تمنع انك تكون متواصل مع القروب مثل ما كنت مشرف بالعكس ان شاء الله تاخذ راحتك اكثر ......

وانا لكوني عضو من اعضاء منتدى الاف جي في قروب الغربيه ارشح تعيين العضو امين مشرف آخر لقروب الغربيه لانه في نظري يستحق من نواحي عديده وافكاره دائما ما تجد استحسان وتقبل في المنتدى ولديه امكانيه في التواصل مع الاعضاء عن طريق الفيس بوووك او عن طريق جواله وصدره رحب ما شاء الله ...

تقبل تحياتي اخوي هاني وزورني في الغرفه الجديده في القهوه لا تنسى ولا وربي حذف من البيبي لو ما تجي ... (هع هع )

السلام عليكم ورحمة الله وبركاته

الله يسعدك ويوفقك ياهاني وييسر امورك

والله زعلت لمن شفت العنوان لاننا خسرنا اخ وصديق عزيز

صح انت اتعرفت عليك قريب بس احترمتك وانت تفرض احترامك على الكل

مااقول غير الله يسعدك ويوفقك

اخوك اسامة الحربي

..

تركي .. حبيب قلبي واعتبر كلامك كلو وصلني الله لايحرمني منك يارب

وائل .. شكرا على الكلام حبيبي وان شاء الله مايجيك مني غير الطيب وليا الشرف حبيب قلبي معرفتك

عزوز مكة .. تسلملي حبيبي وكلامك دا تاج على راسي وان شاء الله جيك جيك اليومين دي

اسامة الحربي .. الله يسعدك حبيبي اخو وعزيز وان شاء الله متواصلين مع بعض في البلاك بيري وبقية طلعات القروب تسلملي حبيبي

..

هاني انت استقلت عن القروب بس مكاانك محفوظ في قلوبنا ولازلت معانا ورئيسنا

لان بصراحة لولاك ماكان شفنا دا القروب ولا كان اتعرفنا على الشباب الطيبين

وصح الاف جي هوا الي جمعنا بس ماراح يفرقنا او يفرق القروب

والله يوفقك في حياتك

وهاني ترا الاف جي 2011 مره يمدحوه هههه يعني لو طفشت من الجمس و حبيت تغير خخخخ

كيف تحط ساري بدل الشيخ زوووون
هههههههههههههههههههههههههههههههههههههههههههههههههه هههههه

حبيب قلبي يا هاني مع احترامي الشديد لساري و عمار و الشيخ زون

الاستقاله دي تبلها وتشرب مويتها مهو بعلينا هالكلام وبعدين ياخي اتخيل كدا بس اتخيل كدا معايا رئيس قروب غيرك ما يجي بعدين مين حليبس الكوتش الاكوست الاخضر والساعه الخضرا يوم العيد الوطني اوف اوف واف

ما ادري ايش اقلك بس استقالتك دي انا ما اعرفها ولى شفتها انت حبيب وعزيز

يا شيخ خلي الرجال يتقاعد ...هيسير عضو في الجروب معزز مكرم مريح راسه من التفكير و التخطيط و التصحيح و الترتيب و التفعيل و ووو هههههههه

عجييييب عجييييب والله وتستقيل يا عم هاني... انا بقولك هي بصراحه رئيس مو رئيس معزتك وحده

ماشاءالله الشباب ما قصروا وكتبوا ما تركولي كلمه اقولها ... (( يعني خلاص كفايه فرش))

اهم شي يا عمي نشووووفك وتكون معانا ... بالنسبه لعم ساري ما يحتاج بطــــــــل قدها وقدوود

بالتوفيق يارب
وتقديرك واضح
تسلم يارب

..

تسلمولي كلكم الله يسعدكم

..

:)

الله يعطيك العافيه اخوي هاني

بصراحه يضايقني اني اشوف احد المشرفين البارزين بالموقع يعلن هذا الشيء.
لكن اعلم انك انسان صريح وشفاف .
الله بفرج كربك ويطمنك يارب ..

الله يكون في عونك

لكن ضروري نشوفك يا هاني ..

و موفق خير

تقبل تحياتي اخوي

..

متواجد معاكم في المنتدى على طول يأحمد ولا يهمك حبيبي

..

كأني قريبت اسمي بالموضوع ؟؟
هاني مو على كيفك تحسب اسامي الناس لعبه تحطها وين ما تبغى
بعدين استقلت ولا ما استقلت اناااااا ماااااااا فرررررقت معااااااايا
لانووووو
خلاص احنا اصحاب بمشرف ولا بدون فهمت ولا لا

الله وحده يعلم مافي القلب لك يا هاني ..

والله يشهد اني ماجلست معاك لكن انت انسان عزيز وغالي

انسان له بصمه في الموقع ..

كبيــر يا هاني وراح تبقي حبيبنا يالغالي ..

السلام عليكم ورحمة الله وبركاته

الله يسعدك ويوفقك يا هاني

صح انا ما قابلتك ولاشفتك ولا تكلمت معاك بس من كلام اعضاء القروب وحبهم لك دخلت في قلبي وانشالله اشوفك في اقرب فرصه

محبك / صهيب خالد

صهيب كم تدفع واجيبو لك بكرا خخخخخخخخ

..

خخخخخخخ قزقز

..

لاتسلك ها وجيب الواي بايب حقك ببلاش ومنظف الفلتر ببلاش صاحبك انا استحي على دمك ههههههههههههههههههههه