خالد الحمادي
10-18-2008, 04:50 PM
السلام عليكم ..
هذا أول موضوع لي في المنتدى .. عندي استفسارات بسيطه عن الاف جي 2009 . عندي اف جي جديدة و لونها أصفر .. حبيت أغير السقف .. بخليه أسود ( جلاد ) .. وين أحسن محل في أبوظبي أو دبي أو الشارقه .. و كم أسعارهم ... و هل أغير لون المدعميات اللي على الجوانب باللون الأسود و لا أخليهم بلون الوكالة ؟؟؟؟
و بالنسبة لإكسسوارات السيارة من الداخل .. و ين تنصحوني أشتري .. من أي محل في الامارات و و ين مكانه ؟؟؟ وين ممكن أحصل الاضاءة الداخلية ... ؟؟ اللي لونها أصفر ؟ و تنور منطقة وضع الرجل لما تفتح الأبواب؟ ؟؟
شو تنصحوني أغير في السيارة من الداخل ؟؟؟
و شكرا ...
.
الأبيض
10-18-2008, 05:15 PM
بالنسبه للجلاد عندك شركة http://www.foilacar.ae في دبي
كولا لايت
10-19-2008, 06:52 AM
ان شاء الله اهل الامارات مايقصرون معك
خالد الحمادي
10-20-2008, 04:42 AM
مشكورين على الردود
أنا شقت واحد صبغ السقف في وكالة الهايونداي ب 900 درهم .. شو رايكم مو أحسن من الجلاد؟
اف جي طيار
10-21-2008, 12:10 PM
أنا توني مكلم واحد في الشركة هاذي اسمه ضرار قالي بس السقف بجلده لك ب 4500 درهم نهائي . أعتقد أنه أغلى عن اللزوم ولا شو رايكم .
fj عيناوي مهموم
10-21-2008, 12:53 PM
اخوي اذا بتركب جلاد بيطلع عليك غالي
بس السقب بيطلع حلو
بس وين المكان ؟
والله ما اقدر افيدك انا الي اعرفه ان محل الشكيلي فالعين يركب جلاد بس سعره ما اعرف
السموحه اخوي
.U.A.E.F.J.
10-21-2008, 01:44 PM
الصراحه أخونا الإبيض كفا و وفا
لان الجلاد فـ هـ الشركه غالي بس شغلهم مضمون
ويعطيك عليه ضمان
ومحد يقدر يعرف إنه مجلد
واذا فـ المستقبل لو حبيت تغير بإمكانك لانه جلاد أما الصبغ مصيبه
والسموحه
sam88
10-23-2008, 10:40 AM
أنا توني مكلم واحد في الشركة هاذي اسمه ضرار قالي بس السقف بجلده لك ب 4500 درهم نهائي . أعتقد أنه أغلى عن اللزوم ولا شو رايكم .
أخوي صح كلامك ان اسعارهم وايد امبالغين فيها بس بيعطيك ضمان 3 سنوات أنا سألت الي يركب (الفني الي يركب ) قال عادي أتخليه اكثر من هالمده
أو في محل ثاني في عيجمان خلف اللولو سنتر اسمه (خط الفن) يمكن اسويلك نفس الشغل ب400 درهم والمكان معروف أو وايد شباب ايسروله أكثر شي حق التخطيط النيسان والستيشن التخطيط الجانبي شغل عدل وبيعطيك ضمان بس 6 شهور
ونته اختار وين تبا التسوي 4500 ولا400 درهم
mohammads1
10-24-2008, 02:35 PM
في واحد في إمارة عجمان اسم المحل (( خطاط عجمان )) يسوي جلاد حق السقف بسعر رخيص !!
اطلب رقمه من الاستعلامات !!
خالد الحمادي
10-25-2008, 03:48 PM
مشكورين يا شباب على مساهماتكم ..
أنا شركة فويلا كار .. مره عطوني سعر 4000 و مره 3500 بس للسقف .. بس والله الغالي سعره فيه ..
الواحد يدفع و لا يروح للرخيص و يندم بعدين ...
شكرا
http://uaesm.maktoob.com/up/uploads/c3578638d9.bmp
شرايك في هاللون :D هذا موتري هههههه :p إن شاء الله بييب لك رقم المحل :)
UAE_123
10-29-2008, 03:30 PM
أنا موتري أصفر ..
و صابغ موتري على الاطراف اصفر و في النص أسود ب 1000 درهم !!
في وكالة هيونداي .. !!
عبدالله المهيري
11-03-2008, 11:02 PM
مرحبا اخوي فارس في محل فالعوير اسويلك الجلاد ولو تبا الموتر كامل بعد عليه عشر سنوات على الصبغه والجلاد يعني لو بس شمحه بسيطه يعدولك لاتسوي نفسي سرت محل في عيمان سويته ب650 لا ونه ضمان 6 شهور يوم قلتله 6 شهور شويه قالي لاخلاص سنه واخر شي تعوفه تعرف ليش لون الجلاد يتغير من الحراره واذا انته راعي خطوط شراتي تراه بيخترب من جدام اول اسبوع كنت عاشق موتري ومن عقبها عفته وشهرين واجلعه ومن غير جيه مايعطيك ضمان عصبغه بس شوف المحل الي فالعوير سقف والبمبرات اكيد ارخصتراه غالي سمعت بورش مسوي الموتر كامل ب25الف اما ال
FJ_AD
11-04-2008, 11:30 AM
اممممم
شي وايد محلات تسويلك جلاد ...
انا سويت جلاد اسود مات للبابين الصغار الي ورا
سويت فشارع السلام فبوظبي... ثاني باركن
اسعر 90 للبابين الصغار
وعن الصقف سألته قالي ب 700 او 600 تقدر تظاربه على السعر
وقالي ضمان سنه ... واذا تبا تشله سوي بووولش