السلام عليكم
شباب انا عندي محل تأجير سيارات وافكر اجيب هالسيارات اف جي 2011 - باترول 2011- ربع 2011- شاص 2011 - تشارجر 2011 -كامارو 2011 تتوقعون انجح ولا لا انا عندي يارس كرولا كامري بس ابي اجيب سيارات غير عن مكاتب التأجير الثانيه عطوني رايكم ترى محلي ببريده
:confused::confused::confused::confused::confused: :confused::confused::confused:
sea0devil
02-07-2011, 09:43 PM
شوف اتوقع يصير استخدامه خطأ يعني دخول البر فيه والتزوير على المكينه فا اشوف ابعد عن السيارات الي تفتح لهم مجال للأستخدام الخاطئ
AR_REEM
02-08-2011, 06:36 AM
شف يالغالي ترى كل السيارات اللي ذكرته كله فوق 100
الف وشوف انت كم تبي سعر تأجير الوحده منهم باليوم
أذكر الاف جي يوميته كانت بــ 400 طيب الكامارو بكم
يوميته ؟ نصيحه لك أبعد عن الشاص والربع لانها مواتر
تفجير وإذا كنت تبي أحد الربع والشاص خذ الشاص أفضل
لانه يخدم افضل من الربع . وبالنسبه للباترول أنا من رأيي
انك اتغير إلى لاند كروزر gx أو gx.r محرك 6 سلندر
لانه مرغوب أكثر من الباترول ولاتنسى أن في ناس
ماتهمه سيارات الاجار ويكرفه كرف وباختصار يالغالي
سيارات مثل اللي ذكرت ماتصلح اجار نهائيا . بالتوفيق لك
ملكـ الاحساسـ
02-28-2011, 12:46 AM
الله يوفقك اخوي
واذا تبي التميـــز خذ كمارو - اف جي - سيارات ريبـــة كورفت
وحاول تقرب أكثر من التويوتا لأنه تصبر يعني حقت كرف
MjNoFJoN
04-13-2011, 11:06 AM
شف يا الغالي انا اكلمك عن محل ايجار في الرياض السيارات الي تمشي وانت عارضها فوق
1 الاف جي
2 الشرجر < خذ v6 وابعد عن الv8 وحاول انك تصبر لانهم بينزلون شكل جديد في 2012
3 الباترول << مع اني افضل انك تاخذ جمس سوبر بان افضل منه لان اغلب الي بياخذونه منك يبون يسافرون او يجربونه فقط >> وانا ما اايدة لاني اشوفه دايم واقف في محلات الايجار مايمشي سوقه بس ممكن يمشي في القصيم بسبب طبع اهلها
ونجي الحين للسيارات الي تبي تجيبها
الحين اغلب الشباب يشترون ربوع ويفجرونها وهي بداراهمهم اجل وش لون لو كان ايجار يا اخي والله انك حبيب تبي الناس يتعلمون الرفع عليه ودابجون به في الطعوس خطر ماتشوفه داخل في رالي حايل وماخذ المركز الاول اذا جبت ربع انا اول من ياخذة منك ارسلي رسالة على الخاص واجي استاجرة
والشاص ما انصحك انك تجيبه واذا بغيت تجيبه جب لك هايلوكس غماره افضل لان سوق الهايلوكس في الاجار مااااشي في الرياض لدرجة انهم في بعض المواسم يوصلونه لل160 ريال في اليوم ووهو في الايام العادية 100 واذا كنت صامل بتجيب شاص برضوه انا اول من يستاجره منك
اما الكمارو ابعد عنها لانها غاليه و التشارجر تقوم مقامها واذا بغيت تجيبها لا اوصيك بال v8