السلام عليكم

اهنيكم واهني نفسي على هالمنتدى الجميل وتشكر الادارة عليه


موتري سلمكم الله اف جي خليجي جديد مابعد مشى 200 كيلو , فيه هزة تشبه هزة الترصيص ,, اذا وصلت 100 واحيانا 90 يرج الدركسون رجة مزعجة جدا وتضيق الصدر :( ,, وتستمر حتى 120 ,, وش الحل ياجماعة الخير :( علما ان موتري خليجي هل جميل يصلحة على الضمان ولا كيف

اشكركم

نعم يصلحه رح للصيانه ودخله تشييك ب 100 ريال

وبعدين اذا خلص ارجع لهم وقل عندي رجه لان الهدف يدخل السستم

انا مدخل سيارتي وهي وارد بازرغة اليمن

رصص الكفرات اوحتى غيرهن لانهن ممكن خربانات من كثر الوقفه بالمعارض

ظبي والباشا ما قصروا،،

وترى موتري كان فيه رجه مثلك تطلع على ٩٠ وتروح بعد ١٢٠،،،

قالوا لي هاذي رجه طبيعيه لأن الكفر توه جديد،،

وصحيح بعد فتره راحت،،،


تحيتي

اخي الكريم عيبه لازم كل مره تعمل ترصيص صارت معي الان

عالضمان لايهمونك قدم شكوى على 8002444400

او رح لميزان المجد ترصيص بـ 100 ريال او بـ 80 ريال واحسن من الوكاله

وش ترصيصه يا عم انت وياه ..
الرجال مطلع الموتر جديد ومن أولها يروح ويرصص ويخنبق ..

أنا لو إني منك رحت نطلته على اللي شريته منه وقلت له يروح يصلحه في الوكالة على حسابه ولا ياخذه

اتوقع مايشمله النظام بس جرب طريقت اخوي ظبي
والدعوه بسيطه سو ترصيص ارضي بورشه صح

شف يالغالي ,,

أنا مثلك بالضبط سو مثل ماقال أخوي ظبي دخله مره تشييك عادي بدون مشاكل ,,

وبعدين أرجع وقلهم فيه رجه وخلهم يرصصون واذا ماضبط أرجع وهكذا,,

المشكله تضبط شوي وترجع..:(

تراني رصصت عندهم 4 مرات ولا راحت الا بعد3000

من التواير جرب ترصصهم

والضمان مايشمل الا المكينة والقير :)

هلا اخوي
بخصوص الرجه هذي سويلها ميزانيه لأن الميزانيه بتكون مو معدله انا سويت ميزانيه راحت الرجه

السلام شباب
اناسيارتي فيها نفس المشكلة بالضبط وديتها للوكالة رصصوها وما تغير شي وبعد فترة كلموني الفرع الرئيسي لتيوتا من جدة و قلت لهم عن المشكلة و حجزوا لي موعد ور جعتها لهم.
بس الحين ضبطت

شكرا على ردودكم

الحقيقة الرجة خفت كثير , يبدو لي ان السبب كان زي ماقال اخونا , الكفرات جديدة وضاربتها الشمس ومنسمة وقت طويل , خفت الان بنسبة 90%

اخ مشعل ماتدري وش سوو الوكالة بالضبط

لاني صعب ادخل موتري الوكالة حالياً , يتأخر .

شكرا مره ثانية