صباح / مساء ... الخير حبايب قلبي

انا بصراحة معاي مرسيدس 2006 حجم 200 وناوي اشتري لي جيب تعرفون مقبلين على شتاء

والواحد لازم يكون معه جيب وكان لافت انتباهي الاف جي بشكل ملحوظ << حلوه ملحوظ خخخخ

اللي ابيه منكم يا ابطال الاف جي تقنعوني بالجيب من مواصفات وامكانيات والفرق بينه

وبين اي سياره غيرها ........ طبعا الموضوع لي استفيد ولغيري اكيد راح يقرا الموضوع ويقتنع

ان شاء الله بهالجيب ......... ويعطيكم العاااااااااااااااااااااافية .

بصراحه المميزات :
الشكل حلو وغريب
قير اوتو 5 سرعات
قوة المكينه على وزنه الخفيف يعطي عزم جبار
طبعا مافيه اي اكسسوارات داخليه
فيه مثبت سرعه وتحكم بالصوت والمسجل بالدركسون
فيه دوف لوك والتراكشن هذي في الفئه الثانيه فقط ..
بس
هذي مواصفاته باختصار

هلا والله اخوي

لا تسأل عن الاف جي ذاك اليوم انا قاايم عليك انت والمرسيدس حقتك خخخخخ
أخوي اتوقع انه من افضل السيارات في فئته خاصة وان سعره حلـوو بالنسبة لمواصفااته
وغير كذا 2009 بينزل الحين بمواصفات جديدة اللي هي كاميرا ونيكل عند اللمبات وتشغيل عن بعد من الريموت يعني مواصفات حلوة

واي طلب او استفسار عندك ابد لا يردك الا الكيبورد

تحيــآتي لكـ

استر على الرجال ياااولد^^^


المواصفات
مممممم

6 سي دي 9 سماعات ،،
تحكم دركسون
مثبت سرعه
8 ارباقات <== الله لايحيجك لها،،
دبل قير
حساسات خلفيه
هوك خلفي للقلص
هزاز
كاميرا خلفيه
تشغيل بالريموت
مانع انزلاق ومدري كم ميزه على الفرامل


ممممم

اتوقع هاذي بالاضافه للذكروه الاخوان،،


بالتوفيق ومبروك مقدما

نسيت اقولك اذا نويت


لاتفكر بالاسود يقولون يخرب بسرعه وتخبط المكينه ويفرط القير على طوول



لكن الابيض حلو وعملي

ولا لايا Best Fj ؟؟

اقول يالذيب لا تطلع اشاعات عن اللون :)
ترى فيه متعصبين للاسود :)

اخوي اف اف جيه جيه،،

السياره حلوه مره ويكفيك تجربه وقناعه رح لأقرب محل استئجار وطق لك واحد يوم واحد بس،،

وجرب فيه كل شي،،

وانت احكم،،،

وبالنسبه للمواصفت ما قصروا الاخوان الا انهم نسوا ان ابعاده عجيبه :)
قصير ومرتفع يمديك تلبقه وين ما تبي،،،
وسواقته جدا ممتعه مقارنه بغيره،،،


تحيتي

انا شايف واحد بيغلط عليه و جاب طاري اللون الاسود

شباب ما اتفقنا حتقلب عنصريه على كذا

حبيبي اتوكل على الله

ازيد شويه مواصفات :-

المكيف مشالله ما يحتاج و فتحات التهويه في كل مكان

الجنوط مقاس 16 حقت الشركه

سماعة اوفر خلفيه اضافيه بزر تحكم خاص

سقف أبيض بالاضافه الى الداخليه سوداء اللون

رساوه على الطريق و افضل سياره في عام 2008 على الطرق الوعره

هذا و الله اعلم ,,,

أفـــآ ياالذيـــب الحين الاسود صار مهب زين

المشكلة كل مارحنا نتمشى تلبق الابيض على جنب وتنقز معي خلني اشوفك مرة ثانية تركب معي<< فضح العالم هههههههههههههه

أخوي اف اف جي جي

بالنسبة للألوأن هذي مسألة ذوق
لكــن نصيحة من مجرب للون الاسود اذا انت من النوع الموسوس وتخأف على البوية ترى الاسود بيتعبك خاصة جو الرياض تراب وغبار لكن اذا ماهمك ها اشي ولك في الاسود ابد توكل على الله

والله يكتبلك مافيه الخير


تقبل تحياتي

الوعد بعد سنه اذا مالقيتك عند التلميع الساطع وابو هنود يفرك في البدي ماكون ابو سعود ،،






طعني اشتر ابيض،،


وخل عنك الاسود

والله الأسود مافيه مثل هيبته وبعدين فيه ميزه وهي لون السياره زي لون الصدام والزوايد اللي فوق الكفرات عند الرفرف المهم اقولك ما فيه مثل الأسود وخاصة إذا كان نظيف ومظلل لكن يتعبك كل يومين ثلاثة تتوصخ السيارة وانا كم مره جربت في عز الظهريه احط يدي على الكبوت واحط يد ثانية على التنده فرق بين السما والأرض يدك اللي على الأسود ما تتحمل اكثر من كم ثانيه من الحراره
لكن الابيض تمام في النضافة لكن شكله مب ذاك الزود لكن ما عليه

والله الاف جيات الاسود كثيرين بالمنتدى <===خايف ينجلد


لكن الشجاعه تغلب الكثره ،،

اخوي على ما اعتقد العكس الكثرة تغلب الشجاعه ;)

الاعضاء كفو ووفوا
ولك الاختيار
لكن اذا تبيه مؤقت لاتاخذه لأن السياره تنحب وتخليك تتعلق فيها :)
وموفق خير

عزوز Fj

الشجاعه تغلب الكثره وانا اعطيك الدليل ** الذيب يدرع بالغنم ولا يحسب حسابها ،،


<=== هههههه والله مدري وين سامعها،

شباب للأسف طلعنا من محور الموضوع وصرنا نتكلم في اللون الرجال يقول أقنعوني ليش أشتري اف جي
انا مثله متردد اليومين هذي وناوي فالمجرب ياليت بكل امانة يذكر عيوبه
الحراره البنزين واهم شي بالنسبة لي السفر هل السيارة مريحه للمسافات الطويله (الدمام - جده)
الانوار في الليل المطبات مريحه ولا لا (تنسيم هوا لان التريل بليزر جبلي المرض بالتنسيم)

^^^^

ولا يهمك ياخوي

الحراره الحمد لله تمام
النزين ما يصرف لكن تانكيه صغير،،
السياره مريحه كمقاعد وطريقه جلوس ومطبه حليو ،، لكن بالخط الرساوه مب ذاك الزود بس تصميمها والقزاز الامامي يشكل عائق للهواء،

الانوار الحمد لله ما اشتكيت منها

بالنسبه للتنسيم مافيها تنسيم لكن فيها اصوات هواء



تحياتي،

رساوته طيب تقارن باي نوع من السيارات وما مدى ازعاج الهوا

مممممممم

والله مدري تقارن بااي سياره


لكن نصحيه استاجر يوم وبتشوف كل شي،،عيوب ومميزات وكل الي خاطرك فيه



لان صعب اقول لك كل شي

يمكن السياره بالنسبه لي راسيه وبالنسبه لك مب راااسيه يعني لازم تستاجر وتدفع 500 ريال اجار احسن من 120 الف ثم تندم لاسمح الله،،،





تحياتي،،

خذ النصيحه من مجرب ولا تاخذها من طبيب


اتوكل على الله


و بالنسبه لموضوع الهواء في جلود تنباع عند محلات الزينه تكتم الصوت نهائيا

كفيتو و وفيتو يا حبايب قلبي بس بقينا بمشكلتين

الهواء _ الرساوه بصراحه اقتنعت بان استاجر يوم جيب

على شان امسك فيه طريق لاني انسان راعي سفرر واحب اكون مرتاح بالطريق

ويا بيست فضحتنا الله يجزاك خير ههههههههههههههههههههههههه

مسوي اتكيت ومرسيدس وحركات واخر شي تقول سيارتي طلعت عليك خربت برستيجي خخخخخ

يعطيكم الف عافيه حبايب قلبي ...