السلام عليكم و رحمة الله أول مشاركاتي في المنتدى :) ..

عزمت على شراء Fj لكني لا زلت متردد بين 2009 و 2008 و بين البازعي و جميل .. لأن البعض يقول ان فيه فرق كبير في المواصفات..

ذهبت لجميل أمس و شفت Fj 2008 و قال الموظف سعره 115 و قلت له ما الفرق بينه و بين 2009 ؟؟ قال الفرق الكاميرا و التشغيل بالريموت .. قلت طيب قفل التراكشن؟؟ قال موجود في المويدل القديم و أشر لي على زر A-track !!!!! , وقال أن 2008 بـ115 و 2009 بـ121

ثم ذهبت للبازعي و لقيت 2008 بـ 118.500 و 2009 بـ 124.500 .. و اللي نصحني بالبازعي يقول ان جيبهم فيه فتحة كهرب 110 ورا مثل الجيب الأمريكي لكني ما شفتها....

ما الفرق بين مواصفات الوكالتين؟؟ وهل الفرق بين البازعي و جميل يستحق 3500 لأني ما لاحظت فرق ؟؟!!!

انشاء الله ان اهل الخبره يفيدونك

مااتوقع فيه فرق وشوف انت السعر والضمان واختر الانسب لك

انا اقول ان ابو جميل افضل

:)

اذا تبي نصيحتي خذ لك 2009 لانه مافيه فرق وايد بالسعر

نحن بالامارات عندنا 2009 ب 133 الف

ال 2008 عند أبو جميل الفل مع تضليل عازل عليه عرض ب 114000
وال 2009 رقم 1 ب 11000 ورقم 2 ب 120000
هذا كان يوم الخميس 30 اكتوبر 2008

ال 2008 عند أبو جميل الفل مع تضليل عازل عليه عرض ب 114000
وال 2009 رقم 1 ب 11000 ورقم 2 ب 120000
هذا كان يوم الخميس 30 اكتوبر 2008

فكرت في 2008 لكن ابو جميل يقول ما فيه من 2008 إلا بيج فقط ..

2009 متوفر كل الألوان لكن ما يدرون متى يصل !!

شكرا ابو مشعل

اخوي شف ترى الإف جي وارد البازعي ما يجي معاه هوك تأكد ولا صاجة ولا تكاية للراكب اللي بجانب السائق ولا سبووفر السماعه الخلفيه الكبيره هذا بالنسبة للبازعي موديل 2008 وانت تأكد بنفسك لان اخذته منهم ونقصت علي كل هذي الأشياء


البازعي غير اللاند لا تاخذ منهم افضل اللاندات في السعودية عندهم

أخوي نصيحتى خذ 2009 وسعره من جدة فرع طريق الأمير سلطان 118500 ومعي تسعيره رسميه منهم لشركة التقسيط وأما مسألة 2008 فيه فاصل تراكشن فهذا كلام فاضي ولا كان ماشفت الشباب منزلين 100 موضوع لطريقة فصل التراكشن ولعلمك موظفين الشركه مايدرون وين الله حاطهم ارسلت أخوي لهم يقولون له والله مافي فرق والكتالوج موجود ويوم عطوه الكتالوج طلع فيه كاميرا وفاصل تراكشن لكن اصبر يمكن هالأسبوع ينزل ولعلمك بايعين بجده سيارتين بس ما فى الا اللون الأبيض .

2009 عند ابو جميل فالرياض بيطول خاصه 1 اسود يعني اذا ما عندك مشكله تفوت عطله الربيع انتظر 2009 بعد ما تدري يمكن يزود السعر يعني بتغامر انتظر 2009 والا وسع صدرك وخذ 2008 وفلها بعطلة الربيع ولا تقرب الخليجي ولا البازعي خلك على ابو جميل حتى لو من معرض اهم شئ يكون سعودي

السلام عليكم ورحمة الله وبركاته
انا من رأيي خذلك 2008 لان مااحس ان لها فايده الكمره وزر التراكشن تركبه ب80 ريال
وانصحك تاخذ اف جي 1
انا معاي اف جي 2 وندمت اني زوة 10000 ريال على اشياء مااستفت منه
وهذه وجهة نظري ولك الخيار

اذا اوضاعك الماديه زينه خذ 2009 وعساه الف مبروك مقدما
ويعطيك خيرها ويكفيك شرها

يااخوان اقدر اركب التشغيل بالريموت؟؟ انا سيارتي 2008
وياليت اللي عنده خلفيه يقولي كم سعره
وشكر جزيلاً

خذ 2009 عندنا بـ 124 الف فيه كل شي بس الا الريموت عن بعد


يااخوان اقدر اركب التشغيل بالريموت؟؟ انا سيارتي 2008
وياليت اللي عنده خلفيه يقولي كم سعره
وشكر جزيلاً


انا حصلته في الوكالة وعتقد يقدرون يركبونه

جرب تروح للوكيل وبتحصل هو ريموت خارجي

توكل خذ 2009

اف جي سبورت ..اشكرك على الرد

اخوي كلهن رقم 2 فيها دفلك

واختلف ال2009 بالكميراه و فاصل الاربااااق وكلها مو مهمه

انا لو بمكانك اخذت 2008 رقم 2 سعودي بس مو من الوكيل من اي موزع وسعر 110

يا اخوان انا رايح لوجميل قبل كم يوم بالشرقيه وسألت الموضف عن مواصفات الفل 2009 قالي مانع انزلاق كمره وسألته فيه تشغيل عن بعد قالي لا ابي يالربع اتأكد ابو جميل حط تشغيل عن بعد ولا لا

وتحيتي

مرحبتين يالغالي..
انا عندي 2009 ... وأخذته من عبداللطيف جميل
ما فيه تشغيل عن بعد للأسف...

2009 فرق السعر فيه ترى فيه اشياء غير المذكوره و مهمه

وبالنسبه للسعر الياباني متوقع له زياده للاسف وتأكد كلامي ( ال 15% ) في الجريده قبل فتره لتويوتا


بالنسبه للون انصحك بالفضي الجديد الغامق على الاقل لون جديد ومميز اكثر