السلام عليكم ..

هلا والله بالشباب ..
كيف حالكم .؟؟

عندي كم سؤال عن الإف جي بالنفوود ..

السؤال الأول :
بالنسبه للقير .. وش احسن .. احطه على D ولا على 2 ولا 3 ولا وش ؟؟

السؤال الثاني :
بالنسبه للدبل .. انا سمعت انه اذا حطيت الدبل الخفيف ما يحتاج تفصل مانع الإنزلاق ..
وش الطريه الأحسن للنفود ؟؟
احط الدبل خفيف وافصل المانع ولا ما يحتاج افصل المانع ؟؟
ولا ما اشغل الدبل الا عند الحاجه .. وش الأفضل ؟؟



وآآآسف على الإطاله ^_^

عن نفسي افضل انك تشبك الخفيف وحن عليه على الموتر خلك في الامور البسيطه الين ما تستكشف امكانياته بنفسك شوي شوي

وبالنسبه للجير خله على الرابع هي الفكره انه ما يعشق للخامس وهو ال D في حالتنا بس وانت ان شاء الله منتب واصل لهذي النمره

كفيت وفيت يا سيف


انا عن نفسي احطه على الدبل الخفيف H4

و دبل السرعات على D3

و الحمدلله ميه ميه

مشكورين عالإفاده ..

الدبل على H4 وراح يفصل مانع الانزلاق تلقائياً , قد يشبك احيانا لكن في اصعب الحالات .

بالنسبة للقير حطه على D ماهي مشكلة . اما اذا كنت ناوي تصعد تل رفيع تحكم بالقير بنفسك حسب ارتفاع التل . هذه وجهة نظري وهذا اللي اعملة من عرفت الاوتوماتيك ولا يضر الموتر ان شالله

عن نفسي انسم التاير 10 واتمشى بدون دبل طبعا على الشيروكي واحيانا الدبل الخفيف للاطمئنان وبالنسبه للتنسيم كل ماتنسم اكثر كل ماتريح الساره وتوفر دعسة البنزين وحدك 10 عشان مايفصخ التاير من الرنق

اخوي اذا شغلت الدبل القير ينزل نمره من حاله لكن اذا بمكان وخايف تغرز خله على 2 او 3
والدبل الخفيف ممتاز واذا شغلت الدبل مانع الانزلاق يفصل من حاله