سلام عليكم ياجماعه ابي اعرف اذا في صعده عاليه طبعا رمل شلون اوافق بين القيير والدبل القير احطه على اي رقم 1 ولا 2 ولا 3 ولا D والدبل اشغل الخفيف ولا الثقيل بالصعدات
لان صراحه انا عليمي على التطعيس وابي استفيد من اهل الخبره لان اليوم طلعت للبر وماقدرت اصعده حاولت كثير وماقدرت وفي اف جي ثاني يصعد الصعده كامل غثني حيييل ماعرف شقاعد يسوي. وانا اوصل للنص بس ويغرز وابي اعرف بالنسبه للبنزين ادوسه كامل قبل لا اصعد ولا بنص الصعده ولا شلون

شف اخوي لازم اول شي هواء الكفارات 15 واقل الدبل الخفيف ال 4 والقير على 2 اذا كانة مو معزم
يعني من تحت المرقا او الطعس هع
اتمنى اكون افدتك

واخوي نسيت اخبرك لو ترقا وبالدبل الثقيل يكون اقوى لكن مضر جداا لسياره
تحياتي

الدبل الخفيف مع تنقيص الهواء مع اخذ عزم كافي قبل الطلعه اذا كانت قويه وبس

بسم الله

اولا ظغط الكفرات 15 وإذا نزلته زيادة انتبه تسايف لان ممكن يطلع الكفر من الجنط وتروح فيها

اشبك الدبل الخفيف وحط القير على L وقبل ما تبدى تطلع بـخمسه امتار او اكثر ادعس الدعسه كلها عاد على حسب الطعس وانا هذي طريقتي واكيد فيها اخطاء لكن اسأل زي ماقلت ما اتحمل اي شي يصير بسبب كلامي:d

شباب معليش اشوف اكثر العالم ما يعرفون الا نمرة رقم 2 ودبل ومدري ايش!!!!!!!!

يا الحبيب شف انا أغلب طلعاتي نفود وتطعيس ولله الحمد ما اذكر غرزت ابد وهذا فضل من الله ..

بعد ما شريت الاف جي فرق معي التطعيس لان الموتر عزم وخفيف ..

الخلاصة : هي على حسب السواق والطعس وانت فيك الخير والبركة .. اهم اهم اهم شيء في التطعيس نسم الكفرات لو معك طيارة والمعقول انك تحط فيها من 15-18 بعدين سم بالله واشبك الدبل الخفيف اذا كنت ما فصلت مانع الانزلاق عشان تريح الموتر وخل النمرة على 4 عشان تخلي الموتر يرتاح في التنقل بين النمر القوية بحد معقول واذا شفت ان الطعس رفييييييع مرة وخف العزم نزل لنمرة 3 مع اني ما اتوقع تحتاج هالنمرة ابد ..

ملاحظة : في التطعيس لا تفكر في شيء اسمه فرامل بقوة هذا أكبر غلط .. الشيء الثاني اذا حسيت الموتر طاح في رباضة وبدأ يغرز لا تدوس له لان هذا الغالط الثاني لكن خل رجلك على البنزين وخل دوستك وحده ومنتظمة يعني متوسطه لانك لو دست يبي يحفر الكفر وينزل الموتر وفيه حركة ايضا تنفع في هالحالة وهي انك تدوس وتفك الين تحس الموتر بدا يرقص بعد كذا اذا فز امش ووسع صدرك......

العذر والسموحة على التطويل يا شباب..مجرد رأي شخصي قابل للرفض..

يجي منك يا واثق مشالله عليك

شرح بالتفصيل الممل

بس اشوف ضغط الهواء 15 و أقل تمام بس 18 كثير

انا امشي على 10 و الحمدلله ميه ميه

ما واجهت اي صعوبات

و الله يعطيك العافيه

كفيت ووفيت

اخوي لو لاحظت قلت في كلامي انه يوم شريت الاف جي فرق معي التطعيس ليه لان الموتر يعطيك..والله اوقات تستحي تنسم!!!
الموتر ما شاء الله ما سقت في النفود مثله ..

هذا الاف جي يا حبيبي
والله انا بعد استحي انسم
واوقف في اول البر مشان انسم << مع االهايلوكسات والدداسن << هههه
وانا والله ما انسم الا عشان المطب يخف علي
والمطانيج اللي تذبح وتفكك الموتر لذالك انسم
تحياتي

السلامـ عليكمـ

شباب مجرد رآي انا اشوف لية بعضكمـ التواير ينسمها لين 15-18 وبعضكم على 10 سلااامااات

ترى الاف جي خفييف و الله يا الربع خفيف وانا قد جربتة في الرملة وقنصنا علية وهواه على 20 وبعض المرات على 25 بس اكيد يفرق على حسب السواقة واذا كانت التواير تواير وكالة ولا تواير بالون ...

ملاحظة / مثل ما قالك اخوي اذا غرزت مب في طعس في ارض مستوية ولا على راس طعس اذا حسيت انك بتغرز والموتر ثقل من اولة حاول تكسرة يمين ولا يسار تخرج من طريق الرباضة

لكن مع الايام بتكتسب خبرة وبتتعلم ولا تخاف محد طلع من بطن امة فاهم في الطعوس

اخوي مع كامل احترامي لوجهة نظرك لكن مسألة التنسيم انا تكلمت عنها بشكل عام باعتبار متوسط..يعني التنسيم يختلف باختلاف المنطقة والرمل اللي فيها لكن احب اضيف معلومة قد تخفى عن البعض وهي ان التنسيم يريح القير بشكل ما تتصوره .. ولاحظ ايضا ان فرق التنسيم يفرق في الضغط Rbm عن تجربة .. يعني 15 اريح للقير من 25 مثلاً..صدقني 15 تحس انك تزحلق موب تطعس ..

وفيه ايضاً ملاحظة : هذي دايم اشوفها تصير من الشباب وهي من أكبر الاخطاء اثناء التطعيس .. بعض الشباب اذا رقى طعس ووصل فوق ثم ثقل عليه الموتر مررررة يعني يبي يوقف يلف يمين والا يسار وهذا غلط ما بعده غلط لان النتيجة ان السيارة تثولث (راعيها يقشر بصل) والحل الصحيح انه اذا حسيت الموتر وقف خلك على وضعك وحطه في R وارجع بشوي شوي وانتبه انتبه تلف وانت ترجع عشان ما يجي مقطع بكرا في اليوتيوب {انقلاب اف جي 56 قلبة في النفود} ..

هذا اللي عندي واي اعتراض او استفسار انا حاضر <<< برنامج ساعة حوار خخخخخ

شباب معليش اشوف اكثر العالم ما يعرفون الا نمرة رقم 2 ودبل ومدري ايش!!!!!!!!

يا الحبيب شف انا أغلب طلعاتي نفود وتطعيس ولله الحمد ما اذكر غرزت ابد وهذا فضل من الله ..

بعد ما شريت الاف جي فرق معي التطعيس لان الموتر عزم وخفيف ..

الخلاصة : هي على حسب السواق والطعس وانت فيك الخير والبركة .. اهم اهم اهم شيء في التطعيس نسم الكفرات لو معك طيارة والمعقول انك تحط فيها من 15-18 بعدين سم بالله واشبك الدبل الخفيف اذا كنت ما فصلت مانع الانزلاق عشان تريح الموتر وخل النمرة على 4 عشان تخلي الموتر يرتاح في التنقل بين النمر القوية بحد معقول واذا شفت ان الطعس رفييييييع مرة وخف العزم نزل لنمرة 3 مع اني ما اتوقع تحتاج هالنمرة ابد ..

ملاحظة : في التطعيس لا تفكر في شيء اسمه فرامل بقوة هذا أكبر غلط .. الشيء الثاني اذا حسيت الموتر طاح في رباضة وبدأ يغرز لا تدوس له لان هذا الغالط الثاني لكن خل رجلك على البنزين وخل دوستك وحده ومنتظمة يعني متوسطه لانك لو دست يبي يحفر الكفر وينزل الموتر وفيه حركة ايضا تنفع في هالحالة وهي انك تدوس وتفك الين تحس الموتر بدا يرقص بعد كذا اذا فز امش ووسع صدرك......

العذر والسموحة على التطويل يا شباب..مجرد رأي شخصي قابل للرفض..




رأيي من رأي الاخ كفى ووفى

وكل الشباب ماقصروا كل واحد عطاك طريقته وعليك تختار على حسب سواقتك

تحياتي .

بي النسبه لي انا احط الكفرات 10 و الدبل الخفيف والقير على L ومشاء الله ما بقا طعس الى وانا فوقه

أخوي غلط انك تحطه في L لانه راح يدمر عليك المكينة ..

واثق
كفي ووفي ومافي بعده كلام
اما بالنسبة للكفرات (التواير) يعتمد عالمكان اللي انت صاعد له .... ان كان طبيعي الهواء مال توايرك 35 نزله لي النص يعني تقريبا 18 وان كان 40 نزله 20 لأن عرض التواير لها #1 تأثير بالرمل
والله يحفظك وانا مع كلام واثق 100%

اوف اما 10 وين ينفسخ الكفر


فوردات ننسمها على 20 تمام


اصلن جيب مايحتاج تنسم كيف تخليه 10 احسن شي تخليه 20 واذا غرزت بع نفسك وخل الموتر ههههههه

والله ياشباب التنسيم صراحة ضروري جدا جدا ... مو عشان التطعيس عشان ظهرك والله مالها

داعي ترجع البيت وانت مكسر وحالتك حاله..

أنا مره طلعت البر طبعا اول ماشريت الأف جي كنت بهايط عليه قلت ماراح انسم الكفرات بخليها على 35 والله ياعيال ما وصلت الطعس الا وانا راجع انسم تكسر ظهري ...

وثاني شي عشان الموتر مايتفكك عليك ..

وبالنسبة للدبل والقير انا اضم صوتي مع الشباب واقول الدبل على الخفيف والقير على 2
هذا عند الطعس فقط اما وانت تتمشى في البر حطه على الـ D وريح الموتر

عاد الحين يجي دور السواق هل يثبت جدارته ويرفع راس ( الأف جي )....؟

انشاء الله ما اكون ازعجتكم أو طولت عليكم تحياتي....