السلام عليكم

تصدقون هذا اللي حصل لي اليوم يوم رحت لوكالة تويوتا قسم السمكرة بالدمام

جيت له ووريته القزازة قلت له بدت تنرمل وانا توني مغيرها ماصار لها شهر وماشية بعد التغير 2000 كيلو متر بس

قال لي عادي

قلت له الاجواء صافية ومافيه غبار شلون تنرمل

قال القزازة مسطحة ماهي مثل اي سيارة

قلت له يعني عيب في السيارة

قال لا هذا اجوائكم والسيارة مو مصنعة عشانكم وانت شريتها برغبتك

قلت له اذا هي مو مصنعه علشانا ليش تبيعونا اياها

ماعرف يرد طبعا قال احنا مو مسؤولين عن القزازة لو تنرمل بعد ماطلع من الوكالة مباشرة

يعني ماعليها ضمان

سألني انت عندك تأمين

قلت له ايه

قال وين قلت له بالوكالة

قال اجل مايصلحها التأمين الا اذا كانت مكسورة

لو قايل له اني مأمن بره قال يشملها

باختصار

الرجال كلامه فيه لف ودوران

اقوله هذه ثاني مره تصير لي وانا مغير القزازة عندكم بالوكالة 1700 ريال

قلت له بره يغيرونها 600 ريال

واذا على هالحال اغيرها تجاري قال ركب تجاري

طبعا

الشخص هذا من جنسية عربية وانا مستغرب كيف يخلونه في الوكالة واللي بيطرد الزباين وبيخرب سمعة تويوتا

لانه الفلبيني قبل اقتنع في كلامي وعرف انها عيب في القزازة وقال بيغيرها اصلا لانه عليها ضمان 6 شهور وهي ماخذت شهر


لكن اذا اعترف مهندس تويوتا بعيب هالقزازة وانها ماتصلح لاجواءنا ما اقول الا وين مسؤولين تويوتا عنه

اخوي طيب ركب تظليل من برا

زيبارت عندهم تظليل خارجي يحمي من الترميل

انا قزازتي مع اني خطوط كل يومين امسك

والخط الي امسكه معروف انه مرره وسخ ودايما غبر


بس ما اشوفها اترمت مررره بشل سئ يعني حالها مقبول والترميل مايبان الا اذا دققت

هدء من روعك يارجل مرحبا بك في وكلاء دول الخليج :) العيب على العميل ولس من المصنع
ودمت بود :)

اخووي احنا عندنا في السعوديه قزاز حق تايوتا مو زين حق الوكاله
ولاكن انت غير القزاز الصناعه السعوديه افضل من الوكاااله

اخوي انت عبداللطيف،،

اي شي يسير لموترك انت المسؤول عنه،،،

ما اقول الا الله يعوظك ويعيننا عالوكاله الخايسه ذي :)

تحيتي

مشكورين على رفع المعنويات

انا ماهمني لو اغير القزازة في السنة مره مثلا

لكن المصيبة كل ما اروح خط تنرمل وش دعوة\


بالنسبة لزيبارت رحت لهم قالوا ماعندهم حماية خارجية

بس رحت لمحل في الدمام اسمه قمة الحماية شارع الملك سعود

قال بيركبها لي حماية سمكها 4 مل بس يقول مالها ضمان على الترميل يقول الضمان على الكسر
طبعا سعر القزاز الاصلي 1200 مع التركيب 1700 ريال
القزاز السعودي 600 ريال مع التركيب

الحين بما انها مانرملت الا شي خفيف شكلي بركب عليها العازل وكل مره ينرمل العازل بيغيره تقريبا سعره 400 ريال

بس والله مادري عن هالمحل يقول نوع الحماية اللي عنده امريكية
وشكلي بسوي كامل على الانوار والوجهية بعد لانه سعره مناسب تقريبا

يابن الحلال حط لك تظليله ام ثلاثين ريال وكل 3 شهور غيرهن:)

الله يعينك

ام ثلاثين ريال ماتتحمل بسرعة تنخدش جربت ركبتها

يعنى شو تنرمل؟

يعني تصير الرؤية مب واضحة بالقزازة كلها خدوش

اخووي احنا عندنا في السعوديه قزاز حق تايوتا مو زين حق الوكاله
ولاكن انت غير القزاز الصناعه السعوديه افضل من الوكاااله




^^^
الكلام هذا عين العقل

اخوي هذي المشكلة تحصل في تايوتا ربع والشاص ( الحوض )

والسبب ان زجاج الوكالة الاصلي ! سمكة ضعيف

بدلها من المحلات برا افضل لك

عندي في موتري قريبا تغير الزجاجة الامامية للمره الخامسه !
وشكلي بتصير عندي خبره في طريقة تركيب الزجاجة الاماية للاف جيه

يا عزيزي الموظف هذا ليتك ترفع فيه شكوى لادارة تويوتا بالدمام بأسمه وبتصريحه واذا ودك ارسلها لي وانا اقدمها للاداره الرئيسيه بجده

هذا ما يفهم لانه حتى في امريكا والي هو اكبر سوق في العالم و اول نزول للfj كان فيه من 2006 كان ومازال عندهم هذي المشكله وهذا اكبر اثبات انه ما عنده سالفه وبعدين الجيب معد للبر يعني من الطبيعي انك تسوقه بأجواء سيئه . المختصر الشخص هذا ما عنده سالفه

وبالنسبه للزجاجه الاماميه صحيح انها هشه لكن تذكر انه عند حدوث حادث لا سمح الله تتهشم الزجاجه لقطع صغيره لحماية الركاب وصدقوني ما فيه اسوأ من انها تطيح عليكم اوصال ممكن تنغرز في الركاب الامامين

والله يعينكم عليها

والله القزازه الي قدام الكل يعني منها وبسرعه ترمل

ومن ناحية القزازه السعوديه مموجه يعني واضحه انا تجاريه وهذا عيب بعد

يمكن حلك الوحيد انك تضلل بس