السلام عليكم ياشباب وشلونكم وش اخباركم

ياشباب انا طلعت مع اخوي black_list يوم الخميس مع القروب وبعد التطعيس عبينا كفراتنا هوا وطلعناوسمعنا حنه (صوت عالي في المكينه) وقفنا شوي وبعدين مشينا ولاحظنا اننا اذا غير القير من النمره 4 الى 5 يرجع على n وبعدين يرجع للخامس ودا اخوي فراس (black_list ) اف جي الى الوكاله يوم السبت
انا اليوم طلعت بسيارتي مع اخوي ابو فيصل للثمامه وبعد التطعيس عبينا كفراتنا ورجعنا وانا بطريق صارت لي مثل مشكله اخوي فراس والمشكله انه ما عندي ضمان لان موتري خليجي
المهم وصلت الرياض وبعد ما قربت من البيت اذا هديت اسمع صوت في القير اذا القير نزل نمر اسمع صوت بعد كل نمره صوت زي اللطقه(طع)
وش رايكم شباب وش السوات ووش تتوقعون المشكله وودي اعرف ورشه زينه برياض ازين فيها السياره

اسف على الاطاله
انتظر الردود باسرع وقت

وده للعضيب تراهم كويسين
وكم ممشى موترك يمكن ماغيرت زيت وفلتر قير

انا موتري ما مشى الا 15 الف بس توني على زيت القير وانا انشالله بكره بوديه ميزان العضيب الي بصناعيه القديمه مخرج 18 الله يعطيك العافيه على مرورك ولا عدمناك

غريييييييييييييييييييييييييبه
ياكثرهم اللي يرااقون مراقي اطول من اللي بالرياض
ولا جا موااترهم شي
اتوقع المشكله انكم ترقون وتعلكون القير بواحد ياخي ارحمو شوي
حط القير بدي واشبك الدبل وخذ عزم وترقى المرقى بدون ما تلعن القير
ولا شي
ماقول الا الله يعينك
وتحياتي

لالا ان شاء الله امورك طيبه بس هذي كبوه حصان .. الله يستر(سيارتي خليجيه اكلناا خابور),, واذا تبي نصيحتي رح لورشة سوافي عزالله شغلهم عدل.
اف جي العلياا بشرناا عن سيارتك اذا رحت للورشه .........سلااام يابرينس!

انا ما شي موتري اكثر من 55000 ما غيرت زيت القير
هل يضر

انا ما شي موتري اكثر من 55000 ما غيرت زيت القير
هل يضر



اخوس غلط كبييييييييييييييييييييييير وتحمل اللي بيجيك

معروف تغير زيت المكينة كل 20 الف وكل 40 الف تغير الزيت مع الفلتر

اخوس غلط كبييييييييييييييييييييييير وتحمل اللي بيجيك

معروف تغير زيت المكينة كل 20 الف وكل 40 الف تغير الزيت مع الفلتر



وين يالحبيب زيت المكينه كل 20 الف !!!!!!!

والله عزوزFj خوفتني لما قلت غلط كبير @@ !!

قلت الله يستر ولا اتأكد وارتاح
طلعت غلطه من قرائتك :)

الله يعينك اخوي اف جي العليا والله سالفتك مامرت علي وان شاءالله مافي الا الخير
والشباب ماراح يقصرون ان شاءالله ..

بس طمني شيصير معاك وشنو المشكله !!

وتقبل مروري وان شاءالله مافي الا الخير ..

الله يستر يعني قير الاف جي خرابيط مايتحمل .... علطول يطيح ؟

انا الحين موتري ماشي 12 الف وفي ال15 تشيك كامل ومعروف السياره تبدل ايل المكينه كل 5000 كيلو متر والقير كل 20 الف كيلو متر وسير المكينه الجنزير الي داخل المكينه قبل في تيوتا كان حديد الحين بلاستك يتغير كل 100 الف كيلو متى على حسب خبرتي فيي المكانيكه وعن طقت القير الف جي بذات لو تعطيه الدبل السنقير نسميه عندنى يعني الخفيف وتطعس يمشي حاله يعني ميحتاج تدل القير اله في وقت الضروره وفي ميزه انه يوازن نفسه يعني لو رقى مكان عالي هو ينزل نمره عشان يشيل نفسه مب تعذبه في الواحد واله الاثنين خله على راحته ورجعت القير في احتمالين على حسب خبرتي يا ترس اخترب واله زهره الي في القير بس ان شاءالله مافي شي وارجو اني فدكم تحياتي

شـكــ وبارك الله فيك ـــرا لك ... لك مني أجمل تحية .

طيب ممكن تقول لنا عن كريقة استعمالك له

يعني كيف كان اسلوبك بالسواقه واذا هو مثل ما قالوا الاخوان تعلقه على الاول فعلا معهم حق

على العموم قولوا لنا وش صار معكم الى الحين

إن شاء الله ماتشوفون إلاكل خير ..

المشكلة يا إخوان إني إذا حطيت القير على الـD مع الخفيف ..

إذا رقيت الطعس .قبل ما أوصل فوق .. يعني أحيانا بمنتصف الطلعة وأحيانا بآخره ..

يريح القير وينهد عزم السيارة وأجيك مدحدر بالريوس .. يعني يكون مثلا على الثاني بعدين أثناء الطلعة يروح للثالث ..

فأضطر إلأى إني أحطه على L مع الدبل الخفيف ..

يعني هل بتكون ضارة بشكل كبير ؟؟

وين يالحبيب زيت المكينه كل 20 الف !!!!!!!



والله الوكالة كلامهم كذا كل 20 الف ما جبت شي مني ومن زماااان حتى الوالد من ايام الكرسيدا :d كل 20 الف يغير زيت القير وكل 40 الف يغير الزيت مع الفلتر عفوا انا اقصد زيت القير المكينة طبعا كل 5000

الله يستر يعني قير الاف جي خرابيط مايتحمل .... علطول يطيح ؟

اخوي اي سيارة توماتيك لازم تهتم بشكل كبير بزيت القير لان ناس كثيرين يغفلون عنه ولا يغيرونه

اخوااااااني انا عندي نفس المشكلة ورحت للوكاله وشيكو عليه مااافيه شي

معلووومة زيت قير الاف جي يغير كل 80 ألف ادري بتستغربووون بس انا سألت الوكااله وقالولي كل

80 ألف والأف جي ماله عيار زيت قير وأذا نقص الزيت ولا شي تولع لمبة في الطبلووون

تحياااااتي

انا الحين موتري ماشي 12 الف وفي ال15 تشيك كامل ومعروف السياره تبدل ايل المكينه كل 5000 كيلو متر والقير كل 20 الف كيلو متر وسير المكينه الجنزير الي داخل المكينه قبل في تيوتا كان حديد الحين بلاستك يتغير كل 100 الف كيلو متى على حسب خبرتي فيي المكانيكه وعن طقت القير الف جي بذات لو تعطيه الدبل السنقير نسميه عندنى يعني الخفيف وتطعس يمشي حاله يعني ميحتاج تدل القير اله في وقت الضروره وفي ميزه انه يوازن نفسه يعني لو رقى مكان عالي هو ينزل نمره عشان يشيل نفسه مب تعذبه في الواحد واله الاثنين خله على راحته ورجعت القير في احتمالين على حسب خبرتي يا ترس اخترب واله زهره الي في القير بس ان شاءالله مافي شي وارجو اني فدكم تحياتي

طيب يا الحبيب انا متى اغير زيت الجير
ماشي موتري 55 الف
وكم التكلفه مع الفلتر

هل قير الاف جي هو نفسه اللي على الفورتشنر ؟

السلام عليكم ورحمة الله وبركاته

ياجماعة الخير انا اليوم ردو علي الوكاله وراح يصلحونه على الضمان
وبرضوه اخوي اف جي العليا دخلوه على الضمان مع ان موتره خليجي لا كن قالو هاذا عيب مصنعي

وبالنسبه للجلد انا احط القير على 2 مع الدبل الخفيف واراقي واللي يقول كذا تجلد الموتر وتحن عليه

اقولكم من كبر طعوس الرياض !!!!

والله الحين انا تخوفت من السياره الحين طاح القير وش اللي يضمني انه ماراح يطيح ثاني مره

والله مع الوقت عرفت ان السياره بلاستيك في بلاستيك والسياره مش ولابد!!!!!!!!!!!!!!!

ودمتم بحفظ الله وحفظ اقيوركم............. :)

السلام عليكم ورحمة الله وبركاته

ياجماعة الخير انا اليوم ردو علي الوكاله وراح يصلحونه على الضمان
وبرضوه اخوي اف جي العليا دخلوه على الضمان مع ان موتره خليجي لا كن قالو هاذا عيب مصنعي

وبالنسبه للجلد انا احط القير على 2 مع الدبل الخفيف واراقي واللي يقول كذا تجلد الموتر وتحن عليه

اقولكم من كبر طعوس الرياض !!!!

والله الحين انا تخوفت من السياره الحين طاح القير وش اللي يضمني انه ماراح يطيح ثاني مره

والله مع الوقت عرفت ان السياره بلاستيك في بلاستيك والسياره مش ولابد!!!!!!!!!!!!!!!

ودمتم بحفظ الله وحفظ اقيوركم............. :)
تبيع موترك

تبيع موترك

هههههههههههههههههههههههههههههههههههههههههههههههههه

لا عاد وين

شوف دام قالوا لك انه تحت الضمان وفعلا فيه عيب معناته انها قطعه فيها خطأ وغيروها اكيد طبعا بوحده غير تماما لتجنب مثل هذي الاعطال مره اخرى ( انت تتكلم عن سمعة شركه )


وبالنسبه للخليجي هذا تأكيد انها من تويوتا المصنع و ان دل يدل على حسن اخلاق الوكيل ( لانه ببساطه كان ممكن يعقدها في كل الحالات )

الحمدلله على السلامه

اخوااااااني انا عندي نفس المشكلة ورحت للوكاله وشيكو عليه مااافيه شي

معلووومة زيت قير الاف جي يغير كل 80 ألف ادري بتستغربووون بس انا سألت الوكااله وقالولي كل

80 ألف والأف جي ماله عيار زيت قير وأذا نقص الزيت ولا شي تولع لمبة في الطبلووون

تحياااااتي


والله غريبة لان الوكالة قالو لي احرص تجينا 20 فا توقعت على شان زيت القير عموما إذا مشيت 20 الف ورحت لهم بأسألهم عن هذي المعلومة

تسلم يالغالي على الرد
وصدقت شركة عبد اللطيف جميل غير شكل
ويمكن لو وكاله غيرها ماسوت هالسوات

fj عادل تشتري 200 الف :)

ومت بود.............. :)

السلام عليكم ورحمة الله وبركاته


على فكرة ؟؟؟؟؟؟؟؟؟؟؟؟؟


زيت الجير والفلتر لل fj مايتبدل ابدا ااااا مدى الحياة



شوف الكاتلوج وأتاكد

واذا احد قالك غير هذا الكلام حتى الوكالة اتاكد انهم مايعرفون شي

انا مع اخوي ابوفاطمه سعيد

كلامه 100% سليم

شباب ميزة قير الاف جي اذا احتر ((سخن )) اللموتر يفصل القير حتى تبرد حفاظاً عالمحركات
عموما اذا جيت تطعس خل الكفرات على 10 الى 15 وارتح

ياجماااااااااااااااااااااااااااااااااااااااااااااا اعة الخير التطعيس ماله دخل
هم قالولي عيب مصنعي
واليوم انا رحت للمهندس وسألته ليش المشكله طلعتلي انا وخويي بس

قالي انا مستلم امس سيارتين نفس مشكلت بالضبط !!!!!!

مع واحد من الشباب باثفندر اذا طعس كثير واحتمى القير يعلق على النمره الثانيه ما يطلع منها الين يبرد ثم يرجع الموتر طبيعي ....

الظاهر اذا طلعت السياره ابروح اشتري مبرد قير حفاضا على سلا مته

يا شباب الموتر قووو القير تصميم سبورت هذا كلام مكانيكي
شباب الي خايف على موتره يعلمني انا ابي اشري واحد لخوي

انا أتوقع ياشباب انه سوء استخدام بعدين تقول خويك اسمه بلاك لست؟.!!!!

أكيد الاسم اثر على القيير؟!!ـــــــ

امزح معك بس اتوقع انها مشكلة بسيطه وانشاء الله مابتكلفك شئ ارجوا التواصل معنا بعد حل المشكله.

^^^^^^^^^^^^^^^^^^^^^^^^^^^^^^
^^^^^^^^^^^^^^^^^^^^^^^^^^

ما اقول شيء :) اذا صار اسمي يأثر على القير هاذي مشكله :)

بعدين سبق ووضحت لكم ماهو سوء استعمال لو سوء استعمال ماصلحته الوكاله على
حسابه !!!

^^^^^^^^^^^^^^^^^^^^^^^^^^^^^^
^^^^^^^^^^^^^^^^^^^^^^^^^^

ما اقول شيء :) اذا صار اسمي يأثر على القير هاذي مشكله :)

بعدين سبق ووضحت لكم ماهو سوء استعمال لو سوء استعمال ماصلحته الوكاله على
حسابه !!!

انت تقول 200 ريال ولا الفين شوف لنا في السعر...ههههه
طيب عاادي يا عزيزي هذا خطا في صناعة الجير بس موترك ...

طيب عاادي يا عزيزي هذا خطا في صناعة الجير بس موترك ...

مافهمت عليك والله :confused::confused:

السلام عليكم اسف اني اطلعت عليكم بس ما قصر اخوي بلاك ليست رد عليكم
والمشكله مو سهله لانهم بيركبون لنا قير جديد القديم خلاص خربان وانا بنسبه لي الموتر ببيعه اذا جاب لي سعر زين ويا اخوي عادي انا موتري اسود موديل 2008 ماشي 15600 كان تبي تشتريه

اسف على المداخلة

لاوالله خذه لك محد يشترية

وانا معجبني موتري للنعلة
يعني موترك خرب المواتر كلها بتخرب عيب مصنعي بسيارتك
والله يستر من الجايات بمكن تغير المكينة بكبرها
المواتر حضوض يمكن تلقى واحد يسبب موتر كله خراب ومحافظ علية والثاني يمدح فية ماقد خرب علية مع انه حايسة

ودمتم

اسف على المداخلة

لاوالله خذه لك محد يشترية
ودمتم

وش اللي ياخذه له محد يبي يشريه ؟

ليش اخذه لي محد يبيه وثاني شي رح للوكاله وشف كم اف جي عندهم خربان قيره المهندس قايلي بنفسه ان قي الاف جي قيره فيه مشكله ويحتر بسرعه
انا احب الاف جي بس لما تعاف نفسك شي ما تقدر تغصب نفسك عليها
وبنهايه على مااضن انت مالك دخل في بيعتي لموتري هاذا شي خاص فيني
والموتر عاجبك الله يوفقك ويديم ها المحبه
وكل واحد له رايه
اسف على الاطاله

صراحه موضوع مميز .. قصدي قير فآشـل ....

أنا بعد القير عندي بدا يلكلك .. يعني مآش مهوب على خبري ...

ويا اخوي اسديراوي2008 ... صراحه اسلوبك روعه .. تقول للرجال محد يبي موترك
وانت موترك فيه عيب مصنعي .. ما بقا الا تقول انت حظك أقشر يا منحوس يامسكين .. هذا اللي نآقص


ههههههههههههه من جد في ناس عليهم اسلوب غريب .. عاد الطبايع تختلف

عموماً .. يا أخي وحبيب قلبي (أف جي عليا) .. لا يضيق صدرك وصلح قيرك وان شاء الله
اخر الخرآبات .... لا تستعجل بالبيع .. مع اني فكرت بسالفتك يوم تقول سيارات جمرك امريكي
فكرة روعه .. بس بتأكد منها واشوف اذا الفرق يسوى تفلت على الأف جي حقي
وقضبته المعآرض ... خصوصاً أنه واقف في الورشـه الحين .. خربآآآآآآآآآآآآآن .. مع انها مهيب عوايد تويوتا



لكن ... أنت شف وش يصير عليك وعطنا خبررر خيوووووووو ...

انشالله تامر امر اشوف وارد لك خبر
بس اقول تصدق شكله حتى انت موترك مب محظوظ وليش تقضب موترك للمعارض انت ماتحب موترك لنعله غريبه

ههههههههههههههههههههه ايه كنت احب موتري للنعله .. بس أكتشفت اني ماحولك احد وطلع موتري خرطي خخخخخخخخخخخ .. الله يرجك خيووو

السلام عليكم ورحمة الله وبركاته

يا شباب اشوف سوالفكم كثرت عن القير و قير طاح و مدري وشهو السياره فيها مشكله مشكلت سيارتك

بنسبه لي انا ما شاءالله عليه في البر اقلبه قير عايدي ولا صارف فيه شي و الحمدالله
و قاطع فيه نفود السر 40 كيلو و راجع و الموتر توه ما مشاء الى 28000 كيلو
يعني كل الأف جي فيها مشكله بالقير لا يا اخوي المشكله في سيارتك و الدليل انه بيصلحونه
الوكاله على حسابهم

و شـكــ وبارك الله فيك ـــرا لك ... لك مني أجمل تحية .

طيب ياخوي الصيانه في فرع العليا العام فيه 5 اف جي كلهم خربانه قيورها غير الفروع الثانيه معقوله كلها عيوب مصنعيه انا ما اعتقد ان تايوتا وصلت لها الفشل

يازقرت يعني اول ماتشوفون اف جي خرباان تقولون قير... يخوي يمكن المكينه والا الدفرنس ...الخ
عالعمووم اف جي العلياا روق المنقاا شوي صادق تبيع الوحش ماهقيتها منك

السلام عليكم ورحمة الله وبركاته


لو سمحت اخوي اف جي العليا



ياريت الكل يشارك في الاستفتاء عشان نطلع بنتيجة عن مشكلة القير


في هذا الموضوع

http://www.fjarabia.com/vb/showthread.php?t=2421

انا متاكد انه القير وكلموني الصيانه وقال، لي انهم بيركبون قير جديد وانا ببيع السياره بس اذا جابت سعر زين
انا الحين ةاخل وبصوت

زيت جير الاف جى long life يتغير على 80 الف كيلو يعنى موفر فى الصيانة فقط الفنى يشيك على التسربات فى زيت القير تحت السيارة لما يرفعها على الجيكات كل موة توديها الوكالة و معلومة الاف جى مافيها عصا مستوى الزيت القير بدون

أخوي ( Fj Sky ) .. شف حنا ما جبنا طاري القير وخرابيطة وبدينا نهذري فيه ونحـش الا لأننا شفنا شي لو شفته ان تبيع موترك من بكراً ....


أولاً .. حنا أخويا ثلاثة أنا وأف جي عليا وفارس .. كل مواترنا القير مش ولا بد .. وكل سياراتنا الثلاثة بالوكالة .. لا تقول سوء استعمال ولا حـظ ولا صدفه .. أنا أشوف تطعيس وسواقه أف جي عليا الصراحه سواقه وتطعيس محترم يعني ما يفجر موترة ولا شي .. وفارس نفس الشي


لكن انت الظاهر منتب مقتنع إلين ما يخرب قيرك ياشيخ من الحرة ان تجي وتلعن اللي مصنع القير ،،، وانت تقول ان موترك ماشي 28 ألف وما فيه شي .. أنا موتري الحين مشا 42 ألف وتوه القير يخرب

((من غير شر على موترك يا عله ما يطب الوكاله خربان قل آمين ))

عموماً ... أف جي عليا طرح هالموضوع ما قال عارضوني وقولوا ان القير ما فيه شي وان موتره فيه البلا .. لا هو يبي يستفسر كم واحد اشتكى من القير .. ووش الحل فيه واللي عنده خبره بالقير ولا شي يعطينا تعليقه ..



تحيآتييييي للجميع

طيب اخوي اف جي العليا ...موترك عليه جنوط كبار؟

لاني سمعت ان الجنوط تنهي القير والكارونه

يا إخوان ..

قبل أمس الصباح (يوم الجمعة) طلعت للثمامة مع واحد من الشباب ..

فصلت مانع الانزلاق وقمت أدور شوي بالسيارة .. وفرفرت شوي وحنيت على القير .. لكن مهب لدرجة إنه يطيح علي !!

المهم شبكت الفاصل وطلعنا من الثمامة .. أو ماتعديت محطة خزام ويصير معي بالضبط نفس مشكلة الشباب اللي فوق ..

قبل ما يعشق للخامس يفصل (كأنك حاطه على الـN) بعدين يشبك بعد ثانية أو ثانيتين ..

مشيت وكنت متهيأ نفسيا لأي خراب بعد ما قرأت الموضوع هذا ..

يوم وصلت لإشارة المعارض اللي على خريص .. قبل ما ينزل القير من 2 إلى 1 نتع معي نتعة شينة ..

المهم اتصلت على الوكالة وحجزت موعد اليوم .. رحت لمهم الظهر وقالوا لي ماعندنا فني للقير ..

احجز موعد عند الفرع الثاني اللي عند كبري الخليج ..

حجزت موعد بكرا العصر .. والله يكون بالعون ..

يعلم الله إني منقهر .. الموتر توه ماشي 30000 بس ..

لكن بكرا أعلمكم وش صار معي إن شاء الله ..

اهااااااااااااا الحين عرفت السبب من محطة الخزام فيها جني يعدم قيورنا

والا ياشباب وش رايكم :)

طيب

ممكن نستفهم

1- انتم لما وديتوها للوكاله وش قالوا بالضبط المشكله ( لاني مستغرب انه ولا واحد فيكم الثلاثه ماحاول يعرف وش المشكله بالضبط )

2- هو ترى ممكن تكون برمجة الجير فيها مشكله تسببت في هذا الشي وتم تحديثها

3- طيب هل انتم فعلا مواظبين على الصيانه بشكل دائم ( يعني كل 5 الاف كيلو عند الوكاله )

4- وشي الاعراض الي حسيتوها قبل ما يخرب ؟؟

5- ممكن ترسلون لي ارقام بطاقات الصيانه و الفروع الي رحتوها على الخاص؟ ودي اتابع الموضوع بشكل شخصي وان شاء الله برد لكم الخبر اليقين

6- انا منب فاهم سبب الاستياء وهم مغيرين لك الجير كامل على حسابهم ؟؟؟ من غير قلق

يا إخوان ..

قبل أمس الصباح (يوم الجمعة) طلعت للثمامة مع واحد من الشباب ..

فصلت مانع الانزلاق وقمت أدور شوي بالسيارة .. وفرفرت شوي وحنيت على القير .. لكن مهب لدرجة إنه يطيح علي !!

المهم شبكت الفاصل وطلعنا من الثمامة .. أو ماتعديت محطة خزام ويصير معي بالضبط نفس مشكلة الشباب اللي فوق ..

قبل ما يعشق للخامس يفصل (كأنك حاطه على الـN) بعدين يشبك بعد ثانية أو ثانيتين ..

مشيت وكنت متهيأ نفسيا لأي خراب بعد ما قرأت الموضوع هذا ..

يوم وصلت لإشارة المعارض اللي على خريص .. قبل ما ينزل القير من 2 إلى 1 نتع معي نتعة شينة ..

المهم اتصلت على الوكالة وحجزت موعد اليوم .. رحت لمهم الظهر وقالوا لي ماعندنا فني للقير ..

احجز موعد عند الفرع الثاني اللي عند كبري الخليج ..

حجزت موعد بكرا العصر .. والله يكون بالعون ..

يعلم الله إني منقهر .. الموتر توه ماشي 30000 بس ..

لكن بكرا أعلمكم وش صار معي إن شاء الله ..



يا سسسسسسسسلآم .. مثل ما قلت يا اخوي قناص هو اللي صار مع الشباب كلهم

وتصدق اليوم خربطت علي طرنبة البانزين ويوم راجعت الوكالة قالوا القطعة كاملة موب عندنا
نبي نطلبها لك من اليابان وسعرها فوق 2000 ريال من غير الفيش اللي يجي معها ، والفيش هذا يجي مع اسلاك مدري وشو سعرها مدري كم .. يعني غاليه على ما اعتقد

وحتى بالتشليح ما يقل سعرها عن 1700 ريال .. ولا تلقاها الا نادر

ياخي بدت تكثر المشآكل الله يستر يا شباب

يا سسسسسسسسلآم .. مثل ما قلت يا اخوي قناص هو اللي صار مع الشباب كلهم

وتصدق اليوم خربطت علي طرنبة البانزين ويوم راجعت الوكالة قالوا القطعة كاملة موب عندنا
نبي نطلبها لك من اليابان وسعرها فوق 2000 ريال من غير الفيش اللي يجي معها ، والفيش هذا يجي مع اسلاك مدري وشو سعرها مدري كم .. يعني غاليه على ما اعتقد

وحتى بالتشليح ما يقل سعرها عن 1700 ريال .. ولا تلقاها الا نادر

ياخي بدت تكثر المشآكل الله يستر يا شباب

لحظه اخوي تعال دقيقه ليه ما تكون مشكلة الرمل الي في التانكي من المحطه ( مابانت عند غيرك لانه عندهم فلتر بنزين قبل الطرمبه او انها ما تبان معهم الا متأخر ؟؟

على العموم انه فيه رمل داخل التانكي هذي مشكله بسيطه اعرف وشلون دخل ؟؟ اتوقع من المحطه او لما كنت تعبي كان فيه غبار او ابسطها احد حطه لانه ما له قفل وحب يخربه عليك ؟؟؟

على العموم هذي ورقتين فيها وصف عن اخلاق الجير ( طريقة تفكير كمبيوتر الجير )

http://i236.photobucket.com/albums/ff231/ez616/auto1.jpg

http://i236.photobucket.com/albums/ff231/ez616/auto2.jpg

لا ياخوي الباشا سيارتي مافيها جنوط وكاله ما ركبت عليها ولا شي الا فاصل مانع الانزلاق
وياخوي قناص البعارين انت موترك ماشي 30 اما انا مامشى الا 15 الف ما طلعته الا قبل عيد الفطر بيومين والله كلمه منقهر شويه عليها بس خلها على ربك
وياخوي يف نجد انا قالو لي الوكاله باستلم السياره يوم الخميس وبيعطوني تقرير مفصل على السياره وبوافيكم باخبار

اخوي
سيف نجد انا سالتهم وقلت لهم وش اسباب خراب القير قالو لا تشيل هم هذا
عيب مصنعي قلت عيب مصنعي المفروض يظهر من اول ماشريت النوتر

سكت ولا رد !!

اليوم العصر الساعة 4 عندي موعد مع المهندس .. أبشوف وش يقول وأرد لكم ..


حصل معي مشكلة ثانية وهي إن القير بعض المرات يبتل على الثالث وما يغير للرابع ..


وبالنسبة لمحطة خزام .. وارد إنه يكون حاطين به جني (ترى اللي حاطينه شركة نيسان)

انا موتري ماشي 50 الف تقريبا و لاعب في امه لعب و ما صار به شي الحمدلله

هاه بشر وصار معك ياقناص ؟

شوماخر Fjuae السيارات احظوظ
وانت ان شاء الله من المحضوضين

ودمت بود............ :)

منهو القناص

مهب انت قناص البعارين
الا انت وش صار عليك ؟

هلا والله .. أمس انشغلت وما دخلت أكتب وش صار معي ..

على العموم .. رحت لمركز الصيانة اللي عند كبري الخليج .. وانطقيت حوالي ساعة إلا ربع ..

المهم جاء المهندس .. قال لي ما أدري وش المشكلة بالضبط .. لكن بنجرب السيارة ونرد لك بعد ثلاثة أيام ..

يقول لو كانت الشغلة توضيب أو تغيير قير ما راح تأخذ السيارة إلا بعد 15 يوم تقريبا ..

الله يعين ويسمعنا خير إن شاء الله ..

عند اي مهندس حطيتها ؟

عند عماد الدين؟

السلام عليكم

شباب والله الموضوع يخوف

أنا عندي 2009 هل تعتقدون انه بيكون أفضل من 2008 ؟

وودي أسأل يا شباب

كل الي خربت قيورهم

هل كان بعد التطعيس ؟

يس كان بعد التطعيس

بالنسبة للمهندس .. أظن اسمه (محمود صدقي) مصري ودمه خفييييييف ..

والمشكلة صارت معي بعد التطعيس .. أول ما طلعت من البر ..

ابد يافراس بكره او بعده بتطلع وركبو قير جديد وقالو لي اذا استلمت السياره بنعطيك تقرير كامل عن السياره


ياخوي مزاجي ايه بعد التطعيس كلنا

والله كويس فرعك انا توه ماجاء القير من جده

الله يعين ان شاء الله

إف جي العليا ..

أنت بأي بأي مركز ؟؟

وكم له من يوم عندهم ؟؟

انا بمركز العليا العام عرفته الي مقابله وكاله نيسان جنب جمعيه الاطفال المعاقين
انا دخلته الله يسلمك يوم الثلاثاء الي راح وقالولي انه بيطلع بكره او بعده واذا سيارتك سعوديه يعطونك سياره بيديله

وهاذا رقم المهندس الي اتعامل معه بلوكاله
0515034458 واسمه محمد هاشم سوداني محترم

^^^^^^^^^^^^^^^^^^^^^^^^
^^^^^^^^^^^^^^^^^^^^^^^

ياخي لا تقهرني سياره بديله ودلع انا الفرع اللي انا فيه قالو الغو التعاقد مع شركة تاجير السيارات من شهر

أنا قال لي السيارة البديلة نعطيك إياه إذا تأخر تسليم السيارة في الموعد المحدد ..

أما قبل كذا .. مافيه ..

الآن معي أفيو من شركة ذيب ..

ياشباب ..

كلمت المهندس قبل شوي .. قال : عندنا الآن 3 سيارات غيرك عندهم نفس المشكلة ..

وكلهم يحتاجون تغيير قير ..

طيب وبعدين ..

قال : طلبنا لهم من اليابان لأنه مافيه عندنا بالكمية هذي .. وبعدين شكل السالفة مطولة وأكيد راح يجينا سيارات ثانية ..

لأنه خلال 3 أيام جاءهم أربع سيارات ..

المهم أنا طالع الآن آخذ السيارة .. لأنهم قالوا تحتاج شهر تقريبا ..

وبيتصلون علي إذا وصل القير ..

الله يعين ..

حبيبي لا يلعبون عليك لو كانت السياره في فرع "كبري الخليج "

تراهم طالبين 15 قير وقالو انها وصلت جده وخلال يومين بالكثير وهي عندهم

وتركيب القير ماياخذ اكثر من ثلاث ايام

ودمت بود...... :)

رحت لمهم أمس الصباح وسألت المهندس : عادي آخذ السيارة ؟؟

قال : آآآآآ مافيش مشاكل .. المهم طلعت مشوار برى الرياض بـ100 كيلو ووقفت عند واحد من الشباب ..

يوم جيت أبحرك إل القير مايعشق .. الوضع كله على الفاضي .. يعني بالـD زي الـN ..

اتصلت على المهندس قال لي رجعه لي .. المهم أخذت سطحة ووديته للرياض ..

يوم وصلنا هنا ويصير طريق خريص مسكر كله عشان القمة حقت الأبطال..

المهم نزلته عند البيت وأوديه يوم السبت إن شاء الله ..

----------------

أخوي بلاك .. هل أنت متأكد إن جايهم 15 قير ؟؟

لأني شكلي أبتهاوش معهم يوم السبت .. يقول لي شهر وما فيه سيارة بديلة ..

الله يقلع من جمعهم مصارية قريح ..

ايه انا متأكد المدير خالد"مدير الصيانه" رحت لمه ووراني طلبيات القير وكان مكتوب بالاميل 15 قير

والله يعينك بس انت المفروض ما استلمتها راح يقولولك انت تتحمل المسؤليه ليه طلعت السياره من عندنا وانت اتعرف ان القير معــــــــــــــــــــــــــــــــــــــــــــــــ دوم

وهاذا والله اعلم

ودمت بود..... :)

ياشباب أنا صارتلي نفس المشكله وش السالفت ياعيال سياراتنا بدت تخبط أنا بروح للوكاله بكره السبت اليوم

مقفلين مايصير ياشباب تقعد عندهم شهر حرام ماهقينا الشتاء يجي عشان نطلع للبران عموما بكره بروح

وبشوف الله يعينا عليهم وعلى قلقهم ...


تحياتـــــي ...

الغريبه انه ولا واحد مشتكي من جده ؟؟؟؟؟؟؟؟؟؟؟؟؟؟؟؟؟؟

زي ماقلت اخوي سيف نجد الظاهر هي دفعه من الدفع اللي جت للرياض

ممكن بس يا شبااااااااااااب تكفون كم مشة موااتركم يوم يخرب القير ؟؟
وممكن لان جده ما يطلعون للبر ولا يفصلالترااكشن >>> توقع فقط

أخوي أنا موتري ماشي 55000

أنا موتري ماشي 30000 ...(الموتر شاريه من الشرقية)

اليوم أزعجن المهندس المصري .. كلمن يوم الخميس يقول وين السيارة .. واليوم الصباح اتصل يقول لازم تجيب السيارة اليوم ..

الله يعيييين بس ..

واي 0950
قناص البعارين
طمنونا وش صار معكم وبأي فرع دخلتو السيارات؟

توي داخل البيت ..

دخلته بفرع كبري الخليج .. وحصلت عندهم 2009 نفس المشكلة .. وراعيه رجال كبير وكان زعلااااااااان ..

قعدت أسولف معه يقول إن القير فيه طقطقطقطقطقطقطقطقطقة قوية ..


المهم يقول المهندس سيارتك احتمال تخلص الأربعاء أو الخميس .. واحتمال تنتظر أسبوعين زيادة ..

بالنسبة للسيارة البديلة أباخذ منهم سيارة يوم الأربعاء إن شاء الله ..

لكن الله لايحوجنا للبديلة وتطلع سياراتنا كلنا إن شاء الله ..

غريبة ياشباب , انا موتري ماشي 51000 ولاعنه لعن , في الطعوس , وله سنه وشهرين ,

والحمدلله مافيه مشاكل ماشاء ا لله تبارك ا لله ,

غريبة والله

غريبة ياشباب , انا موتري ماشي 51000 ولاعنه لعن , في الطعوس , وله سنه وشهرين ,

والحمدلله مافيه مشاكل ماشاء ا لله تبارك ا لله ,

غريبة والله

نفس الشي و نفس المده بس الفرق كارف ابوه بالشوارع و الحفر و المطامر وتفحيط خفيف اقل شي في اليوم اذا ما طلعت 70 كيلو

ياناس اول شي نبي نعرف وشي المشكله بالضبط

طيب شوفوا طلع فيه قيرين اوتو مهب واحد

Repair Manual Contents
A750E Automatic Transaxle

A750F Automatic Transaxle

ياليت الي خرب قيره يعطينا الرقم

نفس الشي و نفس المده بس الفرق كارف ابوه بالشوارع و الحفر و المطامر وتفحيط خفيف اقل شي في اليوم اذا ما طلعت 70 كيلو

ياناس اول شي نبي نعرف وشي المشكله بالضبط

طيب شوفوا طلع فيه قيرين اوتو مهب واحد

Repair Manual Contents
A750E Automatic Transaxle

A750F Automatic Transaxle

ياليت الي خرب قيره يعطينا الرقم

اخوي سيف نجد القيور الموجودة في الخليج كلها A750F ولذلك لكون A750E هو القير الخاص بموديلات الدفع الخلفي فقط .. واعتقد في دول الخليج لا يوجد غير ال 4*4..واللي هو A750F


اتمنى اني افدتك :)

موترى ماشى 58000 كل يوم معدل 250 كيلو و اروح بر والحمد للة القير مافى شى الموتر طبعا من عبداللطيف جميل - الدمام ش الملك سعود

تحياتى

السلام عليكم ورحمة الله وبركاته

ياجماعه كثر الكلام عن القير ومشاكله وصدقوني القير وصوت الدقه اللي فيه شي طبيعي وسيارتي ماشيه اكثر من 80 الف وتوني مطلعها من الوكاله وتوهم يغيرون زيت القير والفلتر . يعني تغيير الزيت كل 80 الف مو 40 الف . والدقه اللي عند الاشاره هذي طبيعيه صارت لي باكثر من سياره حتى الالماني هذي معناها قوه القير مو خراب فيه . ويدل على ان القير اقوى من الماكينه

وصدقوني الوسوسه الزايده مالها داعي يعني طعسو وعليكم بالعافيه او وقفو السياره عند الباب وارتاحو . الف جي موجود من 2005 في امريكا ماسمعنا عن خراب قير وادخلو مواقع الاف جي الامريكيه وشوفو بعيونكم . هذا اكبر دليل

أخوي black list أنا سيارتي لها أسبوع بالضبط في فرع العليا وانشاء الله بتطلع بكره على كلامهم يقول اذا وصل القير اليوم من جده بكره تستلم سيارتك واذا وصل القير بكره , بعد بكره تستلم سيارتك...


تحياتــــــي ...

شباب فيه شغله مجننتني

وهي انه لا في الامارات و لا بجده حتى فيه احد صارت معه هذي المشكله وش معنى الرياض ؟؟؟؟؟؟

أخوي سيف .. قناص البعارين شاري موتره من الشرقية يعني المشكلة في الشرقية والرياض..

اوكي ما اختلفنا

انا اقصد ان قناص البعارين متواجد في الرياض صح ؟ لانه حتى الخليجي الي في الرياض نفس المشكله

السلام عليكم

اولا : اف جي الخبر انت تقول حنا ناس موسوسين والخ......

انت وش تبي بالضبط تبي يخرب موترك عشان تصدقنا !!!!!


واي 0950 انا كان كل يوم يقولون بكره السياره تطلع والا يومك هاذا ماشفت الموتر!!!!!!



سيف نجد والله انا نفسك ودي اعرف ليش الخرابات بالرياض فقط؟؟؟؟؟؟؟؟؟

يمكن اهل الرياض متهورين حبتين ـــــــ او

مضروبين عين بطعس خزام

ههههههههههههههههههههههههههههههههههههههههههههه

العين حق

لكن الشيء الوحيد المشترك بإعتقادي هو الوكاله وصيانتها

فيه شي ثاني مشترك غير الطعوس ؟؟

انا ما اعرف من الشباب اللي اخربت قيورهم الا اف جي العليا

وابو فيصل

:)

معليش يااستاذ سيف مافهمتك صح :)

بس ترى اف جي العليا ماعمره دخل سيارته للوكاله ابدا"

ومع المشي بالموتر لا حظت ان زيت القير تبخر بسرررررعه :)

ياشباااااااااااااااااب ..

اللي ماطلعت سيارته .. يتصل على هاتف الإدارة في جدة .. ويرفع شكوى باسم المهندس ..

أنا من يوم الأربعاء وأنا اتصل على المهندس ومايرد علي ..

قمت أمس واتصلت الساعة 8 الصباح على الإدارة ورفعت شكوى وهايطت شوي ..

الساعة 3 العصر اتصل علي الفرع اللي عندهم السيارة .. يتأسفون ويعتذرون ..

بعد العصر اتصل المهندس يتأسف ويتعذر وماعاد إلا يحب رأسي (بالتلفون) .. المهم سكرت منه ..

بعدين اتصل علي الساعة أربع ونص يقول سيارتك جاهزة تعال .. ما كان الوقت يمدي أمس ..

لكن اليوم إن شاء الله أبروح لهم .. وقبل شوي اتصلوا علي مرة ثانية يتأسفون على التأخير ويعرضون خدماتهم ..

إذا طلعت إن شاء الله أبجرب السيارة وأعطيكم انطباعي .. وهل تغير شيء بالموتر ولا لا ..

وش صار استاذ قناص على الموتر عطنا انطباعك عنه

يعني رجعنا لدائرة الصفر

طيب خلينا نشوف ( بس كيف يتبخر الزيت وهم يقولون انه ما يتغير الا كل 80 الف ؟؟؟ )

ياخوي قناص البعارين ياليت لو تعطينا رقم الاداره بجده وياليت لو تعطينا انطباعك عن السياره
ياخوي سيف نجد انا خويي معه افالون من الرياض مره ولعت عليه لمبه زيت القير وهو بطايف وكان وقتها راجع لرياض ولا اهتم لها قال اذا وصلت لرياض اوديها للوكاله المهم يوم وصل عند القويعيه ويخرب قيره وداه للوكاله وغيروه بس على حسابه لانه كان برا الضمان وسألهم عن المشكله قالو له انه في التايوتا اذا ولعت لمبه الزيت يتبخر الزيت على طول

المعذرة ياشباب على التأخير .. لكن والله إني ماقدرت أدخل إلا الآن ..

الموتر .. الحمدلله أخذته من عندهم قبل أمس الصبح (يوم الإثنين) ..

انطباعي بشكل عام .. أول كان يعشق معي للخامس على سرعة 70 كم/س تقريبا ..

الآن يعشق معي على سرعة 120 كم / س تقريبا ..

التغييرات أو التبديلات أصبحت أكثر سلاسة وهداوة ..

فيه ملاحظة بس إنه شاطحة شوي .. وهي الــ ABS صار يشتغل معي واجد ..

يعني كل لفة أحصله يشتغل (مبالغة)

والملاحظة الثانية إن صوت الحزام رجع بشكل مزززعج .. والطريقة ما صلحت معي مرة ثانية ..

بالنسبة لرقم الإدارة للشكاوى : 4 4 4 4 8 2 6 2 0

اتصل عليهم وامسح بهم البلاط وشب على المهندس اللي عنده سيارتك ..

وإن شاء الله تسلك أموركم ..

ماشاء الله الله يديييمه هيييك خيو

الف مبروك على طلعة الموتر

وعقبالي ياااااااااااااااااااااااااارب:)

مبروووك اخوي قناص ... حتى انا عندي نفس المشكله ABS على طول يشتغل
وصوت الحزام صار مززززززعج...

اكيد راح يرجع صوت الحزام لانهم افصلو البطاريه وانعادت برمجة الكمبيوتر من الاول

طيب اخوي قناص البعارين ابسالك كم سؤال>>>> ابلشبه ههههههه
الحين عقب القير الجديد ما شا الله لما تصير واقف باشاره ثم جيت تنقل القير من D الى N تحس بنتعه خفيفه ؟ والسؤال الثاني العكس يعني هل تحس بنتعه عندما تنقل القير من N الى D ?
وبس