السلام عليكم

اخواني ابسأل عن مشكلة أعاني منها وودي أعرف هل هي في سيارتي أنا فقط أم لا

لما أقوم الصبح وأشغل السيارة كم تتوقعون تقعد لين تحمى ؟

بالضبط 10 دقايق !!

نقول في الصباح بسبب البرد

طيب والظهر لما أطلع من الدوام ؟

نفس الشيء نفس المدة

هل من حل ؟

او هذا عيب في السيارة ؟

والله يا اخوي انا احسب من دقيقتين الي خمس دقايق لين تحمى وبعدين اتوكل على الله .

يعني انت الي تمشي والا الحرارة ترتفع طبيعي؟

مزاجي

كل السيارات كذا يبي لها وقت ليت ترتفع الحراره

انا نفس الشي عندك بكل وقت لازم تنتظر شوي لين ترتفع الحراره

تحمي الين يرتفع عداد الحراره وبس

اخوي السياره هي كذا،،،

صوتها يهدا بس عداد الحراره ما يتغير،،

تحيتي

هلا فيك اخوي ...

حتى انا عندي نفس المشكله ماترتفع على طول تطول شوي حتى في الظهر مثل ماقلت اخوي

اتوقع ان المشكله عامه لجميع الأفجيات ياخي اطرطع بعض المرات احميها 5 دقايق وامشي...



تحياتـــــي ...

شوف الاف جيه فيه حماي طبيعي لما تشغل هو بيحمي نفسه بعدين لهدا صوته تقدر توكل على الله ولا انا غلطان هذا كلام ناس خبره ولا انا غلطان وشكريا لكم جميعا هع

انا احميه الين ينزل الكمبرشن ( rpm ) الى 900 ثم اسير

اخواني هل تعلمون ليش حنا نحمي سياره هوانه يطلع الزين الى راس المكينه او هد المكين مهب في عداد الحراره بس الناس يقسونه بعداد الحراره لكن من ينزل الريس عندك يعني الزيت وصل للراس او الهد بعدها تقدر توكل والله مذكر اني حميتهاء حتى في عز البرد والحمدلله السيارة معي لها السنتين والحمدلله كل شئ تمام

واي مناقشه او استفسار في الموضوع انا حاضر

انا احميه الين ينزل الكمبرشن ( rpm ) الى 900 ثم اسير

كلامك صح
وهاذا دليل على إن الزيت يتحرك بشكل طبيعي في المكينه

يسلمو الجميع عالردود الحلوه

وشكرا لطرحك السؤال :) من قدها سيارتك عندها واحد يدلعها :) يكافيك شرها

مره كلمني واحد خبره بالسيارات وقالي عن الحراره بالضبط نفس كلام الاخ عمدة خط قطر
لكن قال: قبل ما تدق السياره سلف (تشغلها يعني) اول شي شغل الناريه اللي تطلع صورة البطاريه والزيت والعلامات كلها
وانتظر شوي حتي 30 ثانيه او دقيقه (تتبرمج السياره وتستعد من نفسها للتشغيل) وبعدها تحس ان طلعت اصوات هوا انفتح او شي تحرك او او او او او ...الخ
وبعدها دقها سلف
وانتظر اكثر شي 10 دقايق

لكن دقيقتين بدرجة الحراره الطبيعيه جيد
بالبرد البرد اول ماتشوف الدخان بدأ يطلع اقل مو الدخان البخار يعني بدأت تسخن .. وان تكود بخار كثير ان السياره صارت حاره والجو الخارجي ابرد من الداخلي اللي بالمكينه ..
بالضبط نفس جسم الانسان لو كان بالبرد يلاحظ ان يطلع منه بخار كأنه مدخن هههههه

وتقبل مروري :)
وان شاءالله اللي قالي المعلومه يطلع صج خبير ومايفشلنا جدامكم :)

أشكر الجميع من كل قلبي على اهتمامهم بسؤالي

والله ما توقعت كل هالعدد من الردود

لاكن الي شدني اخوي عمدة خط قطر

يعني الي فهمته من كلامك انه مو لازم انتظر الى ان ترتفع الحرارة الى النص أو تتعدى حرف C

هل هذا الي أنت تقصده ؟

عن نفسي خلك نضامي يعني خل السياره تسخن براحتها عشان طولت عمر السياره وشي ثاني التسخين زين لسياره لانه لو متسخن ممكن تكسر المكينه ليش لانه الايل يكون بارد مسخن نفس الانسان لو تروح تلعب كوره اول شي تسخن وتلعب ولو متسخن ممكن يصيدك شد غضلي يعني محطو لك هذي الاشياء عن الحراره وغيره اله لتكون عارف ان السياره يبي له تسخين

السلام عليكم

للمعلومية ياشباب مافية احد يحمي السيارات الى الخليج او العرب بمعنى اصح

تدرون انه ممنوع بالدول الغربية تحمية السيارة مثل المانيا وغيرة لان الكربون اللي يطلع اثناء التحمية يلوث الجو يعطونك غرامة لو تحميها
ابد وخر الثلج وحرك
عن نفسي انتظر عداد الضغط الين ينزل لرقم واحد وامشي

هذا ابوي ماعمرة حمى السيارة والسيارة تمام ماشاء الله وقد ساق اللينكن و المرسيدس والان لاندكروزر ولاقد حمى ويهاوشني اذا حميت السيارة
ماغير اصبر دقيقة الادقيتين وامشي


واسف على الاطالة

ودمتم

أشكر الجميع من كل قلبي على اهتمامهم بسؤالي

والله ما توقعت كل هالعدد من الردود

لاكن الي شدني اخوي عمدة خط قطر

يعني الي فهمته من كلامك انه مو لازم انتظر الى ان ترتفع الحرارة الى النص أو تتعدى حرف C

هل هذا الي أنت تقصده ؟

اخوي انا اقصد في كلام اذا نزل عندك الريس استناء بعد ماينزل دقيقه وبعدي توكل على الله لن السيارة الجديده كلها فيها الريس اتوماتيكي يرفع الريس اللين يرتفع الزيت للراس

واي استفسار او توضيح انا حاضر

مشكورين جميعاً على اهتمامكم

الحين اتضحت الفكرة وكل واحد ساهم من عنده الله يجزاكم خير

حرك السيارة بعد دقيقة أو دقيقتين من نزول مؤشر الضغط الى 1
ولست مضطر الى أن تنتظر وصول مؤشر الحرارة الى النصف

وعاد التفصيل ذكرتموه من قبل

دمتم بود

شوف المعلومات الصحيحة مهوب كلام الشيبان



أحد الزملاء رجع من ألمانيا ، فكنت أتكلم معاه عن السيارات الألمانية هناك وطرق القيادة في السيارات ، فقال لي كلام استغربت فعلا منه ، وهو ان الألمانيين ما يحمون سياراتهم في البرد ، ويقول خويي ، إني أشوف الكثير منهم يشيل الثلج من السيارة ثم يشغلها لمدة لا تزيد عن دقيقة ويدعس؟؟؟؟؟؟ ويكمل زميلي كلامه ويقول أنا سيارتي الأكورد مطلعها من الوكالة عام 2003 وإذا حميتها أتركها 30 فقط حتى اضمن دورة الزيت في المكينة ثم أعشق وأمشي؟؟؟؟
كلام خويي لعب في راسي شوي ، قمت قوقلت الموضوع في المواقع الأجنبية ، لقيت الكثير منهم يقولون إن تحمية السيارة يفترض أن لا تتعدى 30 ثانية ، ويقولون إنك اذا طول المدة اللي تحمي فيها موترك فإنك تستهلك مكينة سيارتك؟؟؟
وأنا أنقل لكم هناك بعض الكلام اللي قريته ونبي نتناقش فيه شوي ...

موقع حديث السيارات الشهير cartalk.com قرأت فيه التالي وهذا إقتباس من حوار Click and Click:


TOM: Actually, what you've been told is correct, Carolee. Modern cars don't need to be warmed up at all. Nor do older cars.

توم : ما سمعت عنه صحيح ، لا تحتاج إلى تسخين على الإطلاق .

RAY: If your car starts and doesn't stall when you put it in gear, it's ready to go. In fact, the best way to warm it up is by driving it.

راي : إذا اشتغلت السيارة ولم تدقر أو تجيم عند تعشيق الجير ، فهي إذا جاهزة للقيادة ، فأفضل طريقة لتسخين السيارة هي بقيادتها .

TOM: It's best to drive it gently for the first three to five minutes, to allow the oil to fully warm up and thin out. So, you don't want to pull out of the parking lot and immediately floor it on a highway ramp. But driving it gently is an ideal way to warm it up.

توم : من الأفضل قيادة السيارة بهدوء لثلاث إلى خمس دقائق الأولى ، حتى تسمح بتسخين الزيت ، لذا فليس عليك الإنظلاق من الموقع مسرعا إلى الطريق السريع ، لكن القيادة بهدوء هي الطريقة المثالية لتسخين السيارة .



وفي موقع آخر وقعت على شخص يسأل عن المدة المثالية لتسخين السيارة ، فكانت الإجابة الأفضل (حسب تقييم الموقع )



Start, run for 15-20 seconds, put it in gear and go. Drive like an old woman until the temp needle starts to move.

شغل السيارة من 15 إلى 20 ثانية ، وعشق الجير وانطلق ، وسر على الطريق كأنك إمراءة عجوز حتى يصل مؤشر الحرارة إلى الدرجة الطبيعية ثم تحرك بحرية ...



وهذا مقال طويل عن تسخين السيارات في البرد / ويقول بأن السيارات لا تحتاج إلى تسخين أكثر من 30 ثانية باستثناء السيارات القديمة ...

كود :

http://www.motorpoint.com.au/warm-up-the-car.asp



عموما لا شك أن عندنا في السعودية تسخين السيارة يعتبر من الأساسيات في أسلوب المحافظة التقليدي على السيارة ، ولكن الغرب معروف ان عمر سيارتهم أطول بكثير والبرودة عندهم لا تقارن بالرودة عندنا ، ومع ذلك يتعاملون مع سيارتهم بهذه الطريقة ....
أنا شخصيا احمي سيارتي من نص دقيقه الى دقيقه

لكني في المستقبل سأقود سيارتي في الخمس دقائق الأولى كامرأة عجوز

والله احترنا بصراااااااااااااااااااااحه
ماندري وش نسوي
على العموم العجوز هي افضل طريقه الى الان
تحياتي

اخوي طبيعي هذا كل السيارات كذا

السيارات الجديده ماتحتاج تحميه

بس شغل واستنى دقيقه بالكثير

وحرك

بس اول 5 دقايق خلي سواقتك هاديه

كانك شايب

وراح تشوف عداد الحراره يرتفع هذي احسن طريقه

<<<< لقيتها في احد المواقع وخبراء السيارات كلهم يقولوا كذا

بالنسبة لي أنا شخصياً أحمي السيارة لمدة دقيقة وأمشي على بركة الله

وحكاية التسخين أنا مقتنع إن السيارة بعد ما تشتغل هي بكيفها تبغا تسخن والا بكيفها ماشي ماشي

تقبل تحياتي على الموضوع

انا احمي لمده دقيقتين السياره 2009

والله انا يوميا .. اشغل السيارة .. انتظر إلين ماينزل الآر بي ام إلى تحت الواحد

اعشق الـ D واتوكل على الله :d

والله انا يوميا .. اشغل السيارة .. انتظر إلين ماينزل الآر بي ام إلى تحت الواحد

اعشق الـ D واتوكل على الله :d

نفس النظام

شغل السويتش لين يروح الالارم و حرك و امشي بهداوة يعني الريس ما يطلع عن 2 .. و انتظر الحرارة تطلع براحتها .. دقيقتين بالكثير تكون الحرارة ارتفعت

السلام عليكم ورحمة الله وبركاته

كيف الحال يا شبااب حبيت اقولكم شي

لا تنسون انه المروحه في الأف جي صدر يعني شغال اول ما تشتغل السياره يعني تبطي السياره لين تسخن

ولاتنسون مو بس زيت المكينه الى يسخن زيت القير بعد و ماء الرديتر و قزوز علشان ما تنشعر

يعني افضل شي لين يرتفع المؤشر فوق C

هاذي نظريتي

و كل واحد و طريقتة
و شكرا لكم

السلام عليكم ورحمة الله وبركاته

انا انتظر دقيقتين وبعدين ادعس على البنزين بصورة تدريجية لين 1500/2000
وكون ثابت بعدين اتوكل على الله


الخطأ انك اتشغل السيارة وتعطيها بنزين مرة وحدة


ينكسر معاك المنيفول او بداية الشكمان او الهدرز

لانة يكون بارد ويدخل علية هواء ساخن = تمدد الهواء فجاء يكسر الهدرز

بالنسبة لي .. كانت معي الألتيما قبل كذا لمدة سنتين .. وأول ماشريته كنت متبهذل من حكاية التسخين لأنه كانت تجلس أكثر من عشر دقايق .. لكن بعد فترة من الاستخدام .. انخفضت فترة الانتظار إلى قرابة الدقيقتين أو ثلاث دقائق ..

حاليا إذا كنت مستعجل ما أنتظر أكثر من دقيقة .. لكن بالمقابل ما أفجر السيارة على طول ..

أما إذا ما كان وراي شيء .. فــ ماوراي شيء أجلس أنتظره أربع أو خمس دقائق ..

وبالمناسبة أعرف واحد من الأقارب .. مايعترف بشيء اسمه تسخين السيارة .. حتى في البرد ..

ويوم سألته .. قال تسخن في الطريق !! .. لكن قيادته بعد التشغيل تكون هادئة جدا لمدة مايقارب الدقيقة ..

وللعلم .. كان معه ماركيز موديل -88:D.. ثم فان GMC موديل 98 واستخدمه لمدة عشر سنوات .. ثم كامري 2003 .. ولاتزال في خط الخدمة .. ثم سوبر بان 2005 وأخيرا كابريس 2007 ..

وماشاء الله السيارت كله ماشية معه زي الحلاوة .. وبدون تسخين ..

مجرد انتظار لثلاثين ثانية بعد التشغيل ومن ثم القيادة بهدوء لدقيقة تقريبا ..

من وجهة نظري...
طريقة العجوز أفضل طريقة .. وأنا أتبعها ...

تشغل السيارة... إلى ما ينزل الآر بي إم تحت 1..
وبعدها أمشي بس سواقة هاديــــة.. لما ترتفع إلى المعدل الطبيعي..

ومن وجهة نظري.. أعتقد أنها الطريقة منصفه... وجيدة...

تحياتي لكـــ،،،

اقول خلك مع العجوز
والله الاف جي له 3 اسابيع معي ماشاء الله تبارك الله
ولا قدحميته اكثر من دقيقتين عشق والحق دوامك
اخوي انا زميلي مهندس ميكانيكي جامعي
يقول السيارت الجديدة فيها محمي تماتيك للمكينة يعني:
انت امشي بشويش وهي بتحمي نفسها بسرعة وبعدها تسهل الله يسهل امورك

والله اعلم

انا اذا كثرت 3 دقايق وامشي

بس لما تمشي مو تدعس لازم دعسة خفيفة الين تحس السيارة خلاص اتحمت من الحرارة او تحسها كدا

تحياتيـ

ياشباب كثير من الناس يقوم بتحمية سيارتة للمحافظة عليها

ومن فوائد تحمية السيارة
1- اطالة عمر المحرك.
حيث أن البرودة لغرفة الأحتراق بمحرك السيارة من شأنها أن تكسر الشنابر أو بتأكل البساتم أو تكسر البلوب أو جلد البلوف مما يتسبب في تبخر الزيت من المكينة.
2_ يحافظ على الدبة (الكنداسة) من الصدأ والتأكل.
حيث أنة عند تحمية السيارة في الصيف أو في الشتاء تجد أن هناء قطرات من الماء تنزل من السيارة هذة القطرات تتجمع في الدبة وتتسبب في اتلافها وتجد أن هناك كثير من كبار السن ممن يحمي السيارة بأن الدبة تبقى جديدة حتى بعد عدة سنوات واما الشباب فلا تستمر معهم أكثر من سنتين وتنتهي تماما.
ودمتم بود

السلام عليكم ورحمة الله وبركاته

انا احميها دقيقه واحدة دقيقتين وانا ماااااااشي

وامشيها مثل العجووز وتسخن ,,

التسخين اصلا الطويل يصغر من عمر السيارة

شوف ضغط المكينه اذا انزل من 1 توكل على الله :)

عمدة خط قطر صح كلامك

وعلى فكره تقريبا اكثر السيارات لازم تحميهم لمده خمس دقايق تقريبا

ولا تنسون تفتحون النوافذ عشان تغير الهواء داخل السياره

وتوكل على الله

اخوي خمس دقايق تكفي بالغرض وتوكل على الله

ماشاءالله الاخوان جميعهم ما قصروا ....انشاءالله افادوك

(( اذا حطيت المفتاح في السويتش اعطيه دقه وحده وراح تسمع صوت ان ما خاب ظني هو يا طرمبة البنزين تضخ يعني يمكن 8 ثواني بعد كذا شغل السياره لمدة دقيقه لد قيقتين بعدين اتوكل على مهلك الى ما يطلع rpm))

الاخوان اللي يقولون في اوروبا ما يحمون سياراتهم

وهذا صحيح بس مو علشان السيارات مفروض ما تتحمى لا ابدا المسألة علشان الزيت اللي عندهم خفيف وهم ياخذونه بالعمد علشان ظروف الجو ..

الزيت عندنا ثقيل ووصوله وتوزيعه على اجزاء المكينه ياخذ وقت ..

عموما عشر دقايق مبالغ فيها كثير اخوي حمي السيارة لما يتحرك مؤشر الحرارة وبعدها تحرك لكن الافضل اخوي انك تمشي شوي شوي في البداية علشان الزيت يتوزع كويس والتروش تأخذ مكانه الصحيح ولما توصل الحرارة لوضعها الطبيعي انطلق ..

اعتقد انه شي عادي