يالله حيهم:D .. شخباركم عساكم بخيير .. انا الصراحـــه من زمان صارلي وانا معزم اني اشتري لي الاف جي (الوحش) طبعا قلت بنطر 2009 عشان اكون المستفيد من ناحيه الموديل والاضافات .. رحت عند ابوجميل فالخبر اعتقد ( مع العلم انا من البحرين) سرنا له عاد شفنا كل شي والحمدلله عجبتني السياره وطلعت ارخص من البحرين عاد انا عزمت اني خلاص راح اخذ .. مع الايام صارت الازمه الاقتصاديه وطبها تأثرت التويوتا ف كثير من الناس قالوا ليانطر بينزلون الاسعار وخاصه في السعوديه لان وارده كثير ومع الازمه بتنزل الاسعار .. وشوفت عينكم قريب بندش شهر 2 ولحين لا حس ولا خبر .. وانا من د شفقان على الموتر وداش خاطري ..

السؤال يا اخواني وحبايبي .. هل بتنزل الاسعار في السعوديه ؟ في اخبار و كلام اكيد او كلام ناس ؟ والله انا اخاف اتسرع واندم بيني وبينكم !!!:(
ابي فزعتكم ياهل السعوديه علومني وش اسوي انطر لي شهر 3 او مافي امل تنزل او وش السالفه !! ترااااه الموتر معذبني :confused:

وماتقصروووووون وعساكم عالقوه ..
اخوكم FJ9

اكيد هل السعوديه بيعطونك الجواب الشافي..
بس في اعتقادي انه الاسعار راح تنزل على اساس هالازمه الاقتصاديه..
و شوف الشباب شو يقولون لك..

والله يخوي ماقاعد نشوف ولا نسمع بشي وانا من كثر ماني مستعجل على الموتر !! والله اني قررت شنو باضيف عليه من تعديلات وشاشه و و و !!!! اقووولك ماني بصاحي خبلني هالموتر @@

ههههههههه ادري انه هالموتر يخبل لانه عندي وعارف هالشي..
كل ما تسوي ما تخلص.. وتبا تضيف اشيا..
والله يقدم الله فيه الخير.. ويقولون كل تأخيره فيها خييره..

ومبروووك مقدما.. ويعطيك خيره ويكفيك شره..

لا اصبر وانا اخوك الاسعار انشاء الله بتنزل الحين هو بدا بالعروض حقته
مثل بدون دفعه اولى بدون كفيل بدون رسوم ومن هالامور بس اصبر وانشاء الله بتنزل
الاسعار

السلام عليكم ورحمة الله وبركاته
هلا والله بولد بلادي
انا اقول اصبر ليه بداية 2 مع اني متاكد ان الاسعار ماراح تنزل في الخليج لان اعتماد الشركات الحين على البيع في دول الخليج لان السوق الوحيد الي ما تاثر امريكا واوربا تظررت وايد يبووون يعوضون في الخليج
اذا بداية اثنين مانزلت الاسعار يعني ماراح تنزل

اذا فية نزول للأسعار وانا استبعد هذا النزول بيكون بعد الربع السنوي الاول
اقتصاديا تقسم السنة4 ارياع يعني بعد شهر 3 بعدتسكير الحسابات اذا فية خسائر سوف يتم البيع حتى لو براس المال لتغطية النفقات



هذا والله اعلم

الموتر مهوب طاير واحنا تونا في بداية 2009 لو تصبر احسن لك

الي انا سمعته ان عبد اللطيف جميل زاد اسعاره 15% وقطع الغيار بعد

وهذا الي عندي ياليت الشباب يفيدونك

وبالنسبه لي انا الاسبوع الجاي يبي يطلع موتري 2009 مليت وانا انتظر ههههههههه

ارجو من المشرفين نقل الموضوع لقسم المناسب،،،

اما عن سؤالك من رأي لو تصبر شوي احسن لك،،،


تحيتي

خلك مع المثل اللي يقول ( الصبر زين وفية مقضاة ثنتين تكسب جميل وتاخذ الحق وافي )

والموأشرة تدل علي النزول الاسعار في جميع السلع

انا ما اتوقع ان فيه نزول في الاسعار

والله اخوي بيني و بينك داام مثل ما تفضلو بعض الاخواان ان بدت العروض ان بدون كفيل و بدون دفعه اولى و الخ و حتى لو تلااحظ ان الاعلاناات في التلفزيون اكثرها عن السياراات و لو تجيي الاماراات و تشوف كيف الافجيهات موقفه عند الوكاله كنت بتنظره بس بتقول ان الاسعاار بتنزل
بس صبر ترا الصبر جميل احسن من انك تتسرع و تندم بعديين و لو انت صدق مستعجل احسن لك انك اذا عرف احد في امريكا خل ايبه لك بنص القيمه اللي هنا يعني لو هنا 130 بيجيبها لك بـ 65 و طبعا رسول الشحن مع الجمرك تقريبا 20 و انت مرتااح و المواصفات الي فيه احسن عن الخليجي

والله ياخوي انا نفس موضوعك صابر من رمضان وسألت الشباب وقالوا انتظر لكن صراحة مليت وإستخرت الله وارتحت والحمدلله الله وفقنى وطلعت الموتر قبل 10 ايام واخذته من موزع ب115800 مع العلم انه بالوكاله 118500 وقرأت موضوع لأحد الأعضاء يقول صار بالوكاله 119500 فعليك بالإستخاره والله يسهل امورك .

تسلمووون يالربع وماقصرتوا .. انشالله انا نطر لي نهايه شهر 2 او حتى 3 بس انشالله تنزل ونفتك من هالنطره .. واشكركم على هالمنتدى الروعه والاعضاء (الاكثــــر من روعه) ..

شف خذها نصيحه مني اذا دخل المنتدى بستمرار تبي تتولع وتستعجل بالشراء يعني انس الموضوع الى نهااية شهر 2
نصيحه
تحياتي

انا زيك من رمضان أبغى اطلع واحد قلت استنى 2009 وبعد ما نزل جت الأزمه الإ قتصاديه
قلنا عساها ترخص زي حاير مدري أطلع ولا استنى موضف الوكاله قالي حينزل عروض في شهر 3
وقال بس ما أعتقد انه بتنزل الأسعار العروض بتكون في إكسسوارات تظليل و على الأقساط يعني مالها داعي

الصبر زين غيرك كثير صابرين

سعر الاف جي يوم الخميس الموافق 3/2/1430هـ
عند الموزع لتويوتا ( الكثيري ) FJ2 بـــ 119000 ريال و FJ1 بــ 109000 ريال
وعند وكاله ابو جميل فرع السويدي ( شارع عائشة ) 125000 ريال مع الشاشه وتضليل الزجاج عازل طبعاً FJ2 و FJ1 ما سألت عنه

وقطع الغيار
انا قد شريت فلتر الزيت 13 ريال والان 16 ريال
وقد شريت فلتر الهواء بـ 90 ريال والان 124 ريال

يعني ما فيه امل تنزل الاسعار بعد الارتفاع

واسف على الاطاله

السلام عليكم
أشتريت إف جيه 2 موديل 2009 بـ120 الف كاش مع تظليل عازل كولايت
سألتهم عن الأسعار بتنزل قالي رئيس قسم المبيعات صاحب الوالد قال عندنا عروض في شهر ثلاثة ويقول العروض ماهي تخفيض في الأسعر بس مثلا على الأقصاد بيكون بدون دفعة أولى ولا تظليل مجانا أو صيانه مجانيه هذا نقلا عن الموظف وإنشاء الله اكون افتك

عقبال باجي الوكالات
شـكــ وبارك الله فيك ـــرا لك ... لك مني أجمل تحية .

الاسعار زادت عند ابوجميل

الاف جي 2 صار ب 123 الف

ياريت لو تستخير ربك وبتشوف نفسك حق ايش ترتاح
تقبل مروري اخوك بن صقر

والله اخوي انا عندي خبر من كذا واحد مختص اقتصادي وعددلوي مجموعه وكالات وقالوا من الصعب ان هالوكالات تخفض السعر لأن هناك عقود مع الشكرات الام في بلاد التصنيع واتفاقيات وكلام اقتصادي بيني وبينك ما فهمت نصه بس من ضمنها وكاله عبداللطيف والله واعلم هالشي انا ما ااكده لك لكن هذول ناص عندهم معارض ويفهمون بهالموضوع اكثر مني والله اعلم