هلا بيكم اخواني وغلا

حبيت بس اجس نبض شباب الشرقيه لان قرروب البحرين يوم الجمع في تجمعهم الثاني كانوا يخططوا لان يكون تجمع خليجي ومن ضمن الاقتراحات كنا نقول خل نبتديها مع شباب الشرقيه الحلوين وبحكم تقارب المناطق للبحرين ....

االان بأسمي وباسم قروب البحرين حبيت اشوف مدى حماسكم لو اني تفضلت وبكل اصرار وود وحنااان خخخخ وعزمناكم لبلدكم الثاني ومع اخوانكم وكلنا شرف بأستضافتكم

واذا الله وفق وشفنا ردود تثلج القلب راح نرتب رسميا ونحدد سير التجمع وانشاء الله نقدر نتجتمع قبل الحرررررررررر والصيف :)

وتحياتي للجميع

شكرا اخي اف جي المنامة .. على طرح هذا الموضوع

نعم ..

يحذونا الأمل في تجمع خليجي كبير !!

وحبذا لو نبدأ بأخواننا السعوديين گروب الشرگية .. وبعدها ننطلق الى دول خليجية اخرى

ويشرفنا ان تكون البحرين منطلق هذا التجمع ..

دمتم بود

والله يشرفني هالشي , واشكركم على حرصكم على التجمع الخليجي

وبصراحه شي رائع جدا , لكن اجد ان قدومكم عندنا اسهل , لان عددنا كبير مره , وسهوله وصولكم افضل

وش رايكم

هلا وغلا بعيال العم صراحه كلنا شوق للتعرف عليكم وشوفتكم ..... عندكم شقيراوي هو العمده
نسقو معاه وانا من المؤيدين للتجمع...
تقبلو تحياتي.

اشقيراوي هلا بيك حبيي

كلامك على العين والراس وماهي مشكله جيتنا لو جيتكم احنا نشوف الانسب واذا الانسب ان احنا نزوركم بنكون منونييين

بس خل نشوف تفاعل شباب الشرقيه عشان ننقل الموضوع في قروبنا :)


كبسوله تسلم على المرور

اف جي ينبع هذا الرد ان دل انما يدل على طيب اصلك يالغالي واحنا متشوقين نشوف الطيبين مثلك وشرواك

ماشاءالله عليكم الله يجمعكم بالخير :)

أناا من المؤيدين بقوه ,,,

ولكن ,,عندي فتره الأختبارات تعدي ويسير خير

يسعد أوقاتك إخوي أحمد...
من الأفكار إللي طرحت وقت تجمع قروب البحرين...
وفعلاً محتاجه تنسيق.. بين قروب البحرين وقروب الشرقية...
بأقرب فرصة....

بيصير شي خيالي التجمع.. في اي مكان...
أتمنى تتحقق الفكرة...ونشوف التجمع الخليجي باقرب وقت...

وأنا من أكثر الأشخاص المؤيدين للفكرة..

تحياتي للجميــــــــــع

هلا بيك المكتفي

وين الصور :p

متى الشباب يخلصوا متحاناتهم في السعوديه

وانا من مؤيديين هالفكرة

السلام عليكم ورحمة الله وبركاته ,,,

فكرة رائعة ,,,,

بس لو تحط خريطة للموقع ,,,, لأننا ما عندنا ذيك الخبرة بالبحرين ,,,, يا الله المطار وراجعين

مع التحية

فتى الجبل

هلا بيك فتى الجبل ومن عيوني بس انتوا عزموووا وانا اخلي الخارطه مع البرنامج المتكامل لخط سيرنا والمحطات الي راح نمر عليها

بس اخوي العزيز اشقيراوي يتصور اني قدومنا احنا لكم بيكون اسهل بسبب عددكم الكبير !!

فما ادري باقي الجماعه شنو رايها؟؟ وانا اقتراحي راح يكون مب بس في البر يمكن راح ننزل الديره بعد وفي فكر واجد حلوه

مرحبتين إخوي أحمد ..
بإذن الله التقرير اليوم نازل في المنتدى قبل الساعة 11...


يالله يا شباب الشرقية .. الهمه .. لترتيب التجمع الخليجي..

تحياتي لكـــ،،،

شبااااب الشرقيه ترى بنجي بروحنا وبنخيم وبناكل ونرجع الديره

كله بروحنا :p

اشوووف مافي تفاعل!!!!! يلا ما عليش انشاء الله يوم من الايام نتوفق ونجتمع

هاا يا شباب ,, أنا معاكمـ..

بس حددوا موعد ,, وقداااام

وأأذاا كان التجمع عندنا أعتقد بيكون اسهل لأن عددنا وآآجد ,,


تحيآآآـتي

وأنا مؤيد للفكرة أيضاً

زين زين في نبض :p

يلا بعد شوي تفاعل اكثر وانقل الموضوع منتدى البحرين

اخوي اعتذر عن الانقطاع لظروف الدراسه وبصراحه الجامعه في عندنا ضغط الحين يعني الفتره هذي فترة امتحانات وبعدها عندي سفره , ولكن اشوف الافضل نجتمع في الشرقيه عندنا وش رايكم

السلام عليكم ورحمة الله وبركاته
فكره روعه ابد نسقو وانا وياكم يجون اهل البحرين الخبر او نروح لهم نفس الشي بلدنا وحده بس اشوف ان شباب البحرين يجون الهاف مون راح يكون التطعيس والمسيره جوها احلى . بما انا كلنا راعين اف جي والاف جي يبي طعوووووس ......
والراي الاول والاخير لكم

اخوكم عيسى الدوسري

ماشاء الله عليكم الله يوفقكم انشاء الله...

تسلمون شباب على التفاعل وهذا العشم فيكم

خلاص انا راح اطرح الموضوع من اخواني بالبحرين وانشاء الله نتوفق ونلتم مع اخواني في الشرقيه

انا عن نفسي موافق واعتبرني اول واحد .. كل شي ولا احبابنا السعوديين >>> هذا اذا ماسافرت !!

انا موافق وبقوة ( لان الفكرة فكرتي )
حددو الوقت

اللموووووووووووج افا عليك بس يعني لو الفكره مو فكرتك ما راح توافق :p

اشقيراوي

حياك زورنا اللقروب وشاركنا رايك في موضوع رحله الى الدمام ( الهاف موون ) عشان تكون على علم وتخبر الشباب

انشاء الله احنا حددنا موعد الاسبوع القادم يوم الجمعه بس ما ادري شنو من تتطورات تصير لذلك انت مدعو لمتابعه الموضوع :)