السلام عليكم

مابطول عليكم يالربع

ان شاء الله راح ارتب طلعة الاسبوع الياي

ف حبيت اشوف اقتراحاتكم لمكان الطلعة

انا من ناحيتي افضل انها تكون من صوب لفجيرة وخورفكان وجلبا

خلونا انغير شوي عن البر ونتوجه للمناطق الجبلية والصخرية

واحب اشوف رايكم والي عنده اقتراح او اي مكان ثاني يخبرنا عشان قبل اخر الاسبوع نكون متفقين على شي

ملاحظة:شباب خلونا من الممزر و جميرا......الخ لان هذي الاماكن لاحقين عليها في الصيف

وعليكم السلام اخوي النقبي

فكرتك حلوه انا نسير فجيررره

ونتريا ردود الشباب

بس ياليت يكون مكان التجمع في دبي

عشان محد يضيع ولا يتأخر

شورك وهداية الله
وبالنسبة لمكان التجمع
لو يكون فالشارجة احسن
مب ناقصين زحمة دبي
ههههههههههه

وتسلم يالنقبي على مجهودك

شباب انا اقول بعد لو مكان التجمع يكون صوب مكان معروف في الشارجة يكون احسن

واذا بنطلع هذي الطلعة لازم نطلع من وقت حطوا في بالكم 3 العصر مثلاً نحن متجمعين ومتحركين

اخوي انا عندي فكره حلوه بس ما ادري شو رايكم فيها
بس قبل ما اقول فكرتي اتمنى السموحه منكم لاني بكون في الدوام هالاسبوع و السبوع الياي و اللي عقبه برجه باذن الله تاريخ 14 بس ان شاء الله بكون متابع في المنتدى
و يارت لو تحطون الصور تكون كبار شويه و اذا في احد فيه خير و يزااه الله خير ينزل فيديو عن الطلعه او اكثر عن فيديو عشان اسوي فيديو عن الطلعه

المهم فكرتي هي كالتالي :
يكون التجمع الساعه 3 الظهر في العين ما اظني احد ما يدل العين المهم تحركون من صوب العين و تسيرون صوب محضة و من محضه في درب يوديييكم صوب الروضه
الطريق حلو وفيه منااطق حلوه وايد و خاصه ان الدرب كله جبال و وديان و سيح مره مفتوح جدامكم
و المهم الطريق يطلعكم عن دواار صوب المدام اللي صوب البداير و عقبها توقفون تصورون صوب البداير صوره جماعيه طبعا الوقت بيكون تقريبا الساعه 7 و كل وااحد بيقول بروح البيت او مشغول و الخ
و كل واحد بيروح في طريقه بعديين :)
اعرف فكرتي تافهه شويه بس قلتها لان المكاان حلو و فيه جبال و سيوح و اتمنى تعجبكم

السلام عليكم
اخوي فكرتك حلوه
بس انا اقول التجمع يكون في مكان قريب من المكان الطلعه
يعطيكم العافيه وياريت تخبرونا على اساس نكون عارفين اخوي وقت ومكان الطلعه
والمسوحه

شباب اذا في حد بيطوع بيروح معاي يوم الخميس

لان عندي كذا مكان ومحتار

ف بسير الخميس عشان اعاين المناطق

السلام عليكم ورحمة الله وبركاته



البداير وبس


بتكون حلوة وزحمة والارض ماشاء الله ممطورة عدل

اقترح عليكم اتسيرون حتا فيها وديان وشلالات واماكن حلوة وايد

والساعة 4 تظهرون صوب البداير




والله بخاطري اييكم بس عندي عرس عمي ولازم احضر

مثل ما قال أخوية النقبي خلونا انغير شوي عن البر ونتوجه للمناطق الجبلية والصخرية :)

موفقين وهالله هالله بالصور

تقبلو مروري

اليوم انا ييت من البداير رملتها معفوسه و مبلوله و يبالها لعب عشان ترد مثل قبل يعني البداير حق اللي ما يعرفون للظرب ما تنفع بس للي يعرفون فن فن و ربي تروح فوق تشوف نياسين تحت ما تروح توصل فوق الا بموووت :)
و ثاني شي لو بتروحون الاماكن الجبليه يبالكم وااحد من اهل الجبل يعرف لمناطقها و يدل امااكن حلوه :)

هيه صدقت.. رملتها من كم يوم معفوسه..
واتوقع يوم الجمعه بيطيح مطر.. وهذا والله اعلم..
والمناطق الجبليه لازم حد يندلها عدل.. يعني على اساس الكل يكون في السليم..
الله يبعد عنكم..والله يحفظ الكل.. ما افاول.. بس عن حد يزلق موتره ولا شي..

السلام عليكم


انا مع رأي اخويه النقبي
و بنسبه للأماكن أنا رحت الاسبوع الي فات وادي سيجي و كان فيه ماي و مكان حلو
و دخلت معضم الوديه الثانيه لاكن ما كان فيها ماي و في اخر المطاف رحت لوادي الوريعه (شلالات الوريعه )و هذه منطقه حلوه بس شرات ما تعرفون الطريق داخل هذا الوادي وعر بس منطقه حلوه


و في منطقه ما سرتلها من زمان و هو وادي خميس الوقع في عمان و بالقرب من حتى
و انا اضن انه هذا الودي ويد حلو


النقبي
بغيت اعرف الوقت الي بسير فيه تستكشف ؟؟

وادي الوريعه مكان عجيب..
سرت له على شهر 11..
بس الدرب لي داخل وايد حصى.. و اييك ارتجاج فالمخ لين ما توصل داخل..

اخوي fjtoday

بسير يوم الخميس يبالنا نطلع على الساعة 3 عشان يمدينا انعاين المناطق قبل المغرب

صوب السيجي ماشي مغامرات لان المنطقة عادية

يبالنا انسير اماكن ثانية يكون فيها الدرب وعر عشان نستانس شوي وفي نفس الوقت مانبا اماكن خطيرة

مرحبا

نتريا طلعتكم صوب كلباء والفجيره وخورفكان

وانشالله انشوفكم .. بس عطونا خبر

حيا الله النقبي

شو نشيت من الرقاد أخيراً ؟؟ :D


شكلي أنا اللي نشيت من الرقاد


المهم لازم اتطرش مسج للشباب و اتقرر اليوم وين بنسير عشان أحط موضوع في المنتديات الثانية


و أنا وياك في فكرتك فكرتك


و يمدحونه جبل حفيت

و المبزرة بعد ;)

director_qp


انا رايي من رايك فكره حلوه ان انسير جبل حفيت

عيبتني هذه الفكره

النقبي


اذا خلصت الدوام من وقت بي وياك استكشف و بكون على اتصال وياك

مرحبا شبااااب

ههههههههههههههههههههه يوم انا قلت بنسير صوب اليبال في ناس ما عيبتهم رمستي وقالو بننصلخ واحين اشوفهم متحمسين ههههههههههه

انا سرت صوب شوجه والسيجي والصبط

بس مثل ما قال اخونا النقبي الارض عاديه مافيها مغامرات ..

عالعموم نتريا تحديد المكان الجميل :) وعن مكان التجمع انا افضل الشارجه - عند المدينه الجامعيه او محطة ادنوك اللي في شارع المطار

هالمكانين بيكونون احسن مكانين اذا بنطلع فووووق صوب جلبا والخور والوديان وماعتقد في حد ما يدلهم

عالعموم نتريا اخونا النقبي :)

اتمنى ان يتم تحديد المكان باجر عسب نستعد حق الطلعه يوم اليمعه

انا الصراحة الحين احترت بين العين وبين الشارجة

انسير يبل حفيت و مبزرة ولاصوب الشارجة

شباب ماعليكم امر الي بيقدر يقنعني في مكان او يبي يتناقش معاي يتصل فيني

لان الصراحة مابي اوديكم معاي واخر شي مايكون المكان حلو ويحمس

رقمي 0507476655

اتصلوا فيني اي وقت حتى لو الفير عادي

ابوي اسمع
انته المدير
ههههههه
يعني انته الي تقرر
وانته ادرى فهالاماكن
لانه ماشاالله عليك دومك فالبر
وتحياتي للجميع

انا اقول لو اتسوي تصويت يكون احسن

انا عن نفسي مالي خاطر اسير العين .. مبزرة وجبل حفيت اماكن عاديه واعتقد الكل زارها

نبا اماكن يديده

والقرار لكم في الاخير :)

ابوي اسمع
انته المدير
ههههههه
يعني انته الي تقرر
وانته ادرى فهالاماكن
لانه ماشاالله عليك دومك فالبر
وتحياتي للجميع

تراك قلتها البر لاكن هذي المرة يبال

انا بعد اسبوع بسير محافظة مسندم-خصب

وناوي اسير من طريج دبا بين اليبال يعني ماشي قار و المسافة تقريباً 110 كيلو على قولة الشباب تنقطع هذي المسافة في 3 او 5 ساعات

المهم ماعلينا

شرايكم انخلي الطلعة صوب راس الخيمة على درب شعم الي احيده ان هناك وادي شعم ووادي غليلة ومثل ماسمعت شي دروب حلوة بين ليبال

اخوي Fjshjxxx المشكلة ماشي وقت للتصويت وفوق هذا معضم القروب مب مسجلين في المنتدى

منو فيكم بيسير معاي صوب شعم عشان انعاين المكان؟

اذا في حد منكم بيسير الافضل انه يتصل فيني على 0507476655 لان احتمال مابدخل النت اليوم

او يطرشلي مسج

عشان نتفق ونطلع واذا المكان طلع حلو على طول بنزل الموضوع وبطرش المسجات والله يعيني على الاتصالات هههه اخر مرة اتخبلت تلفوني ماسكت الي مايدل والي متأخر

أنا ما أنصحكم أتسيرون العين جدى يبل حفيت و مبزرة لانة السبوع اليطاف أنا كنت هناك ويا الشباب و الشرطة ماقصروى ويانا على المخفي و الكاتباك ترد و فلتر تردي و لا يقولون انة الموتر منزل و عليها حجز و الموتر وكاللة خخخخخخخخخخخخخخ و الحمدلله عقب تقردين و مدتة ساعتين رخصونا

انا من رايي انا انسير حتى او صوب دبا بس ما نتعمق في الوديان لان انشاء الله باجر احتمال سقوط امطار

موفق بإذن الله ... لك مني أجمل تحية .

شباب , انا السموحة ما اقدر ايي معاكم ,, بس عندي اقتراح لكم ,,, عليكم بمنطقة حتا وادي قحفي و لا تنسون انه البداير بعد قريبة , بعني بر و يبال ,, و الله يوفجكم و يحفظكم \



النقبي ,,
الدرب التي ترمس عنه في مسندم سرتله انا و حميد .. من دبا البيعة لين خصب , 5 ساعات .., صدقني طلعت روحي من الطريج , درب حلو لكن بتصعد يبال ارتفاعها 1900 متر فوق مستوى البحر , و كان هذاك اليوم مطر و الدرب طين و يزلق , و عندي كمن صورة بحطها عشان تشوفون كيف المكان حلو

http://www2.0zz0.com/2009/04/02/05/322301495.jpg (http://www.0zz0.com)


http://www2.0zz0.com/2009/04/02/06/578142222.jpg (http://www.0zz0.com)

http://www2.0zz0.com/2009/04/02/06/760779884.jpg (http://www.0zz0.com)

http://www2.0zz0.com/2009/04/02/06/317405238.jpg (http://www.0zz0.com)

http://www2.0zz0.com/2009/04/02/06/552800371.jpg (http://www.0zz0.com)

http://www2.0zz0.com/2009/04/02/06/241589526.jpg (http://www.0zz0.com)

http://www2.0zz0.com/2009/04/02/06/992986753.jpg (http://www.0zz0.com)

http://www2.0zz0.com/2009/04/02/06/340776853.jpg (http://www.0zz0.com)

شوف الحرارة و لاحظ الخارطة وين موقعنا

http://www2.0zz0.com/2009/04/02/06/489375542.jpg (http://www.0zz0.com)

http://www2.0zz0.com/2009/04/02/06/493471621.jpg (http://www.0zz0.com)

http://www2.0zz0.com/2009/04/02/06/712110027.jpg (http://www.0zz0.com)

http://www2.0zz0.com/2009/04/02/06/336703784.jpg (http://www.0zz0.com)

http://www2.0zz0.com/2009/04/02/06/735031898.jpg (http://www.0zz0.com)

http://www2.0zz0.com/2009/04/02/06/264948982.jpg (http://www.0zz0.com)

http://www2.0zz0.com/2009/04/02/06/990042806.jpg (http://www.0zz0.com)

http://www2.0zz0.com/2009/04/02/06/776763659.jpg (http://www.0zz0.com)


و سامحوني اذا جودة الصور مب لين هناك مصور من الموبايل ,,,,,,,,

النقبي على راحتك الغالي

الصراحه مكان عجيب اخوي اف جي دبي والصور حلوة وماعليها كلام

مانصحك النقبي تسير خصب على هذاك الطريق تراه خطر خص اذا طاح المطر
انا مجربنه في الصيف وطلعت روحي
المهم انا بحاول اييكم

شباب بنسير البداير التجمع بيكون هناك على الساعة 3:30 السموحة منكم بس هذا المكان الوحيد

والصراحة انا اليوم سرت راس الخيمة وصلت لين حدود عمان وماحصلت مكان ينفع حق الطلعة(يمكن لاني مادل فيها عدل)

المهم سرت وادي شعم وكان المكان عادي وسرت وادي غليلة وشفت المكان مايشجع ابداً والمشكلة اني سرت روحي محد سار معاي صكيت هذا الدرب كله والله لاني مابي اوديكم مكان واخر شي افتشل قلت ابي اوديكم مكان يبيض الويه

والصور في هذا الموضوع http://www.fjarabia.com/vb/showthread.php?t=3894

كفو وماقصرت

والله يقويك

ماقصر اخونا النقبي الله يعطيه العافيه

الحمدلله الطلعة كانت توب


و كانت فيها بعض الضحايا بس بشكل عام استانسنا


شكراً لكل اللي حضروا

السلام عليكم ورحمة الله وبركاته


كان ودي اطلع معاكم بس عدما عرس وماقدرت اظهر



نتريا الصور




الله يهنيكم

اسمحولي جماعه على التقصير انا ماقدرت
اي وياااكم لانه ما كان عندي علم الا في وقت انا انشغلت فييه
وكان الوقت ما يساعه ايي وياااكم وصارلي فتره ما قمت ادخل الموقع
وعالعمووم انشــ الله ـــــاء مره اليايه اكون وياااكم.......

بس نبي صور عن الطلعه وينها ؟؟؟؟؟؟؟؟؟؟؟؟؟؟؟

اخوي بن سيفان ادخل على هذا الرابط

http://www.fjarabia.com/vb/showthread.php?t=3939

واااااااااااااااااااااو تسلم الغالي ابصراحه الصور
حلــــــــــــــــــوه ليتني كنت ويااااكم

السلاااااااااام علييييكم

شحالكم وشو اخباركم

اسمحولنا عالانقطاااع

بس بغيت اقوول استانسنا فالرحله

وطبعا الي استوا ما اقدر اذكره لان قلبي يعورني وافتشل للحين هههههههههههههه

واقول لكل واحد ساعد في خشع موتري مشكووورين وما تقصرووووون

واسمحولي على الي استوا مره ثانيه واني ثجلت عليكم

وجريب بحط انشالله الصور الي صورتهن

تحياااتو