السلام عليكم جميعا..
اليوم في طعس القص في الشرقية جربت الاف جي !!! وكانت جدا ممتعة مع اني في البداية كنت متخوف بعض الشي!!!
بس اكتشفت عكس كلامي نهائيا انك رح واطلع مع الكبسولات ولا بعد وتتحداهم بعد؟؟؟
بصراحة السيارة جدا قوية ... ورايقة في الرمل والعزم خيال .... مشاء الله تبارك الله ..
حتى اخوي معه برادو فل كامل 2008 بازعي وكان ودة يجرب معي مع اني عارف ان المكاين سوا ؟؟؟ بس مافيه اي مقارنة ... في طعس القص الكبسولات كانو يطلعون من دون دبل؟؟؟ بس كانو ياخذون عزم من راس تنورة!!!!!!!! امزح... انا من تحت الطعس ادعس واطلع على طووووووول ... لاحظو ان فيه استبنة وعفش معي الله لايوريك عشاني راجع لرياض!!!! وانافس معاهم ولا فيه اي مشاكل .. حتى البطانيج ما احس فيها ... جرب مع gxr 2006 فلتر وهدرز قير عادي اكلتة اكل زي الوز... مع اني كنت راعي ترهيم سابقا في البق بلوك اتوقع لو يترهم ال fg بيصير مصيبة!!!! ولا بعد ترهيم خفيف فلاتر هدرز وشغلات زي كذا بيصير ؟؟؟؟؟؟؟؟؟ عموما انصح اي واحد يبغا يشتري سيارة متعددة الاستخدامات وشكلها حلو ومكيفها بااااااااااااااااارد يعني بصريح العبارة ( دق سلف وامش ) مايطلب لا يروح عن ال fg
انا كان معاي قبل هاذي السيارة x5 2007 مسوي كشخة <<<<<< 4.8 في الرمل ماعندك احد !!! كنت احاول اطيح الي براسي في مكان مافيه احد عشان مايضحكون علي هههه
وانا راجع ما اروح للبيت ؟؟؟ لا؟ اروح للوكالة لانة متعود ينام عندهم اكثر مني!!!!!
انا مصور اكثر من مقطع لطلعتي اليوم بس ما اعرف كيف ارفع المقاطع اخوكم قروي<<<<<<< حتى اني ابغى اسولي توقيع ماعرفت حاولت ولازبت معي ...
اسف على الاطالة والسلام عليكم.....
سبحان الله العضيم ...... سبحان الله وبحمدة

الاف جي يتمتع بخفة الحديد عشان كذا عزمه قوووووووووووووي

طبعآ اخوي الاف جي ما يحتاج

شوف اخوي هذا موقع لرفع الصور
http://www.3tt3.net/up4/

كل ما عليك انك تضغط على استعراض وبيطلع الصور الي عندك حط الصوره الي تبيها
وبعدين اضغط تحميل وبعدين انتضر شوي وبيطلع لك روابط خذ اول رابط وبعدين تعال ادخل منتدى الاف جي وروح لمكان كتب المواضيع الي اكتب انا الحين فيه <<<<<<<<<<
وبعدين اضغط على الصوره الي فوق الي هي ادراج صوره اضغط عليها بيطلع لك رجاء ادخل عنوان الرابط امسح الكتبه الي بلفراغ وبعدين حط الرابط الي انت رفعته


ارجو انك فهمتني

ما شاء الله عليه الاف جي معروف دق سلف وامش

ما شا الله

الموتر كيافه أكيد :)

الله يطعمنا خيره جميع :)


تم اغلاق الموضوع الآخر .....

وننتظر صورك أخوي :)


وعلى فكره اسم الموتر fj ليس fg :)



تحياتي
فضي

ما شاء الله

الله يطعمك من خيره ويكفيك شره

لا تنسى ياعزيزي قبل رفع الصور كتابة حتى لاتضيع جهودك بنقل الموضوع للمنتديا الأخرى من دون المصدر

ليش سموه اف جي حبيبي ...

بس لو تقدر تفيدني كنت أبي أعرف الأفجي ولا البرادو فيه حيل أكثر

وانا راجع ما اروح للبيت ؟؟؟ لا؟ اروح للوكالة لانة متعود ينام عندهم اكثر مني!!!!!


ههههه قويه على x5 2007

لكن طعس القص زي ما تسميه تافيه جداً وأعتبره معيار ليقاسه به عزم الموتر ...

عموماً مشكور على الموضوع

مالت علي

رحت لطعس التحدي (سمي بالتحدي لأن ديو جت هناك وسوت تحدي المرهمات وكذا) وما نفع

ثاني العيد وكنت توني راجع من الرياض

السيارة زحمة والكفرات 40 وما فيه أحد

فيه طعس يجيك قبل طعس التحدي من جهة العزيزية

هناك رحت وقلت منب راجع اليوم الا وانا مرقيه

وأنزل أنسمله

وبسم الله

أول مرة ما نفع

ثاني مرة ما نفع

ثالث مرة ما نفع

رابع مرة رقيت فوق النص

خامس مرة خذت عزم من الخبر وجايك طاير

طبعاً الصاجة راحت فيها

لاكن بالغصب رقيته

ويوم وقفت انفخ الكفرات لقيتها 15

طلع ولد عمي ما نسم الله يهديه

وهذا يفسر الفشل الي ألحقته انا بالاف جي <<< أحس بتطردوني

ان شاء الله الخميس هذا برقيه الطعس غصب عليه

لو امشي على 5

هذي قصتي (باختصار) مع قوة الاف جي

مشكور اخوي لتطرقك للموضوع

فعلاً الاف جي يستحق لقبه كسيارة موديل 2008

لاكن

لولا اختلاف الآراء لبارت السلع

مو كل الناس تحب التطعيس وفيه ناس تحب السيارات الصغيرة وهكذا

أعتذر للإطالة <<< ما صار رد سريع

شكراً

بالنسبة للهافمون , حرثته حرث , وبصراحه طعس لا يعتبر كبير , لاني رحت مناطق بالنفود والاف جي بيض الوجه بطعوس اكبر , وعلى فكرة طعس الهافمون ارقاه بدون دبل , ومب لازم اشد عزم من راس تنوره هع , يعني االاف جي ماعليه ,

اخوي مزاجي , الله يهديك فشلت الاف جي هع هع هع, امزح , بس 15 كويس مره , وش تبي اكثر

لازم تتعود وتجرب وتفشل مره وتتعلم مره وبعدين منتب شايف طعس الا وراقيه باذن الله


بالتوفيق

حبيبي مزاجي


طعس هافمون يسمى طعس العوايل

حرام عليكم انا خيطت الطعس وضغط الكفرات على 35

المهم فكنا وانا اخوك من الفشايل اذا ودك روح بعد الفجر ووسط الاسبوع عشان تاخذ راحتك

او كلمني اطلع معاك طبعاً الطلعة ما بتكلفك كثير (( بسعر رمزي )) ؟؟؟؟

خخخخخخخخ
مزاجي الله يهديك
وياليت تجون للقصيم وتختبرون قوة مواتركم بمراقي ( طعوس ) عنــــــــــــــــــــــيزه
تحياتي

اخوي Mmsmm جينا القصيم الى ان طلعت الطعوس من خشومنا ههههه وجربنا النفود ودايم نجربها, < يتكلم عن نفسه\\

وانا اشهد انه موتر

الــ fj روووعه..

وعليكم السلام
بارك الله فيك على هذا الموضوع

شـكــ وبارك الله فيك ـــرا لك ... لك مني أجمل تحية .

الوحش وحش وانت الصاج

الاف جي وحش وطوول عمره وحش

ولا يهمه شي