السلام عليكم
يالربع بخاطري اركب بوالين فودي اخذ برايكم شرايكم اركب البوالين و لا اخلي تواير الوكاله و شنو الفرق بين الاثنين و شنو ايجابيات و سلبيات البوالين ارجوو الافاده

اخوي دام انه الحين صيف انا اشوف لو تخلي تواير الوكالة افضل

البوالين اول شي تعطيك شكل للموتر وترفعه شوية و ركز على كلمة شوية

من ايجابيات البوالين

انها تفتح في الخط تعطيك حوالي 10 كيلو زيادة

يعني مثلاُ مثل مايقولون الشباب ال اف جي قيجاته تسكر على 190

بالبوالين لو كان القيج على 190 بس معناته انك تمشي 200 تقريباً

وبالنسبة للبر لو تسنم على البوالين وايد بتحس بمشي افضل من المياجر في البر

لاكن يقولون انه شي مياجر احسن من البوالين في البر ..المهم

طبعاً اذا ركبت البوالين بيفرق معاك ارتفاع السيارة شوي

ومابتقدر تكسر على السكان بقوة لانه الموتر على طول بيشتل عليك ( عادي ينقلب )

يعني قد ماتقدر خفف السرعة على اللفات الحادة

وخل ايدك خفيفة على السكان يوم بتلف

بتحس برقلة ( ارتجاج ) في الموتر على سرعات معينة

حسب الهوا الي في التاير

فرضنا انك معبي التواير 45 بتحصل رقلة بعد ال 120

ولو 30 بتحس برقلة على سرعة 100

وطبعاً تختلف حدتها بختلاف ضغط الهواء و الميزانية

شي محلات يضبطون لك ميزانية البوالين (يسمونها ميزانية ارضية ) وماتحس بشي او على الاقل يخففون من الرقلة

انت شوف شو احتياجاتك وتوكل على الله

مثل ماقلت

شي ناس يركبونها للشكل بس

وشي ناس للبر

وشي ناس للثنين

اتمنى اني اكون افدتك ياخوي


والله يحفظك

وطبعاً لازم تحاسب على الرادار

مثال

اذا كان الرادار يصور على سرعة 120

وانت مركب بوالين

بوالين = 10 كيلو زيادة تقريباً على السرعات العالية

ف لازم تخلي القيج مايعدي ال 110

110+بوالين= 120


ويقولون ان البوالين تخرب الدفريشن و شي شباب يقولون انها تخرب القير لان

وقت التبديل ( التعشيق ) يختلف

يعني مختصر كلامهم البوالين تهلك القير اذا كان تماتيك لانه مايستحمل مثل القير العادي

الله يعطيك العافيه و ما قصرت

والله مدري لاكن على حسب معلوماتي انها زينه لك اذا كنت من هواة البر لاكن لانها زينه بالرمل لاكن الحين صيف وما أظن احد راح يطلع للبر

كلام اخوي النقبي ما بعده زياده :)

بس عندي سؤال هل صحيح انك يوم توقفها فترة تحت الشمس وتشغل الموتر وتمشي تحس بهزه خفيفه على مكان الكفر اللي كنت موقف عليه ؟!

مدري الموضوع شرحه صعب .... بس ان شا الله فهمتوا ...


تحياتي

الله يعطيك العافيه و ما قصرت

الله يعافيك ياخوي و انا في الخدمة

كلام اخوي النقبي ما بعده زياده :)

بس عندي سؤال هل صحيح انك يوم توقفها فترة تحت الشمس وتشغل الموتر وتمشي تحس بهزه خفيفه على مكان الكفر اللي كنت موقف عليه ؟!

مدري الموضوع شرحه صعب .... بس ان شا الله فهمتوا ...


تحياتي

الله يسلمك ياخوي

اذا وقفت فترة طويلة

وتبي تتجنب الهزه هذي

ريوس بالسيارة وخل التاير ياخذ دورة

ومن بعدها رد القير في ال D وسم بالرحمن وتوكل

نفس ماقال النقبي كلامه صح وهاي مع كل موتر تستوي...

انا مر كب على سيارتي الـ بالون ( 900 ) والحمدالله اوكي بس في رجفه خفيه على السرعة 120 واذا كانت السيارة واقفة شوية اتحس بهره بسيطة صح كلام اخوي النقبي 100% ..

بس في الخط حلو البالون يسحب معاك وفي الشكل حلو لانه حجم اكبر واضعف بس بعد ما ارتكب الــ بالون ( 900 ) على الاف جي بتحس انه القومة شو ضعفت وخاصة قير واحد وثنين وحتا الاربي ام بيتغير وياك ومن القير الثالث بتحسه اكثر يسحب معاك ...

وانا اشوف البالون ( 900 ) على الاف جي يعطي شكل حلو على السيارة ولا تخاف على الدواوير او المنعطفات انا الحمدالله ادخل على المنعطفات الصغير امشي 80 - 90 عادي ولا تهتز السيارة الحمدالله ثابتة ..

اخوكم / محروم الحب ...

يعطيكم العافيه و ما قصرتو

انا قبل جربتها على نيسان باترول ذبحتني رجه وماتجي الا لستك وبالمطر تزلق ... الا بسألكم وش رايكم بكفرات شاهين اللي تجي سخيفه شوي ورفيعه بس ماهي بالون

والله بيني وبينك هي رهيبه على الاف جي لكن ؟؟

أنا نصيحتي ,,,,

أنحش من التخلف اللي اسمها البوالين ,,,,

لارساوة ولاثبات ,,, تزلق قبل ما تنوي تمسك فرامل والانقلاب بسرعة
تلعب في السيارة من ناحية الأذرعة وغيرها ,,,, الدكرسون أنواع الرجة
عمرها قصير جدا ,,, 6 شهور وهي ممسوحة

بس العالم تركبها للزينة (( المهايط ))

نصيحتي ,,,
ركب كفرات مقاس 275 / 70 / 16 (( اللي تجي شد بلد على الباترول والتايوتا أول ))
وأهم شي احرص أن تكون مواصفاتها A-a
وختاما ,, انحش من الكفرات الامريكية ,,,, ما لك الا الياباني

طولت عليكم ,,,

مع التحية

فتى الجبل

شـكــ وبارك الله فيك ـــرا لك ... لك مني أجمل تحية .