السلام عليكم ورحمة الله وبركاته

كيف الحال

عساكم بخير

قاومت لي واحد من الشباب معه اكستيرا قير عادي

قام علي - انا وياه نمشي مع بعض الى 60 وبعده يروح ويخلين

معقوله عزم الاف جي كذا مع الاكستيرا والكستيرا 290 حصان والاف جي 240

مافكيت مانع الانزلاق

لو إني ما اعشق التايوتا كان رحت بعته وشريت لي اكستيرا

بس قلت آخر عمري اركب نسيان <<<خخخخ

ياليتكم تفيدونا بطريقة المقاومه


...

هلا وغلا اخوي Stop بعض المرات وحنا بالطعوس كوابرس وكوريلات تمشي والجيوب مغرسه فماهو شرط يكون البلا من الموتر.
2- انا جربت الاكستيرا. ودخلت البر فيه وطلعت جبال وربي مايطلعها اللي قلبه من صخر الاف جي كان يطلع بدون تفحيط بس الاكستيرا كان يعلق الكفر الخلفي دائما ويفحط فينا ...صح هو قوي بس منظره مش ولابد.
وبعدين اعتقد اذا بتقارن مع الاكستيرا فقارن جيب غير الاف جي لأنه من فئه اعتقد اقل واسأل اي عاشق بر وش يفضل!!! وراح يجاوبك.


تحياتي
أخوك احساس

انا اشوفهم يمدحون فيه الاكستيرا ... انا من ناحيتي مايفرق معي العزم اهم شي الشركه والشكل والاف جي شكله رروووعه وشركته تويوتا وهذا شي يكفيني .. انا مانيب راعي مقاومات ..

شوف النيسان معروفين بالمكاين والمحركات

بس مصيبة النيسان والي الكل ملاحظها انه مايكمل معك سنه الا وبدأت الطقطقه والاصوات والقربعه

عندي اسوق موتر موديله صفر بس مافيه قربعه ولا اخذ موديل السنه ومزعجني

هذا اولاً

ثانياً صيانه النيسان زي الي في رجلك الله يكرمك وقطع غياره زي الزفت تقعد في طلبيات وانتظار وخربطه انت في غنى عنها

ثالثاً في المقاوم انت مقاوم موتر عايدي يعني ياتلعب في بطن قير موترك والا ريح دماغك بيروح ويخليك لأن العايدي على وزنية السواق يحنه بثقيل ويفك النمره الخفيفه ويطير الموتر

يبي لك اذا مصمم تشب في قير الاف جي يعني تبدأ مقاومه من 2 وتطلع به الى الدي

بس ما انصحك تجر على موترك على قومه واخرتها قمت عليه والا قام عليك

انت تويوتا وهو نيسان

يعني وش جاب الصين للطين :) واذا يبي الهياط اطلع به في بر وجروف وخله يتوهق

الاف جي نظام التعليق فيه غير طبيعي ومايوقفه الا الله سبحانه وتعالى بس يبي لك قلب يسطى وشف لك واحد خبره في البران والمقاوم

سوري على الاطاله

شي طبيعي

انت بنفسك تقول انه اقوى من الاف جيه بــ ٥٠ حصان
واتوقع نفس الوزن او الفرق بسيط.....

ومع ذلك ظل ماسك جنبه الاف جيه لين ٦٠.....



تحياتيي

مشكورين اخواني على المعلومات بس ( نيسان للحنيسان )
وتويوتا للشعان ^_^

بس ماعليك من النياسين الله يكرم المجلس

المهم ترا الموتر موهوب تحكم عليه في المقاوم بس

الموتر تحكم عليه في الراحه _ القوه _ الصبر _ الشكل _ قطع الغيار _ الصناعه وهي الاهم
المقاوم خله في اخر شي
الرجوله مهيب في المقاوم

صح كلامي ولا لا يالذيابه

صح وياخسارة النيسان بهالوكاله الحلوه امحق وكاله......
صح لسانك....وبعدين ياشباب ترو الموتر له جو وله كيف مثل الانسان مرات تلاقيه وحش ومرات ولا بس.....

مع فائق احتراماتي
إحساس

مشكورين اخواني على المعلومات بس ( نيسان للحنيسان )
وتويوتا للشعان ^_^

بس ماعليك من النياسين الله يكرم المجلس

المهم ترا الموتر موهوب تحكم عليه في المقاوم بس

الموتر تحكم عليه في الراحه _ القوه _ الصبر _ الشكل _ قطع الغيار _ الصناعه وهي الاهم
المقاوم خله في اخر شي
الرجوله مهيب في المقاوم

صح كلامي ولا لا يالذيابه


والله انك انت الذيب ^^

وكلامك معقول جدا

ولو تبي موترك يفتح كتمته عليك باليوني جيب
غير انك لازم تتذكر انك راكب جيب مو سيارة سباق عشان يكون المقاوم اهم شي بالنسبه لك!


صح كلامي يالذيب ولا لا
ولا يهونوا الذيابه ^^



تحياتي
سلفر

طيب

اول شي ال اكستيرا موتر لكن يقارن بالفورتشنر السته سلندر

بالنسبه للي صار معك طبيعي لانه جيب طرقات اكثر من بر و الدليل انه تعداك لان فرق نسب الجير للسرعه عنده مهب للعزم مثل الfj وبعدين اصبر يجي الFJ العادي وجرب

وبعدين الFJ ياباني تصميم امريكي و الاكستيرا مكسيكي القطع تجميع جنوب امريكا و سعره بسعر الFJ تقريبا ناهيك عن ارتفاع قطع غياره و صيانتهم السيئه في السعوديه

وفيه شغله الاكستيرا بابه الخلفي مصمم انه يشيل الاسبير مثل الFJ والى الآن ماشفت ولا واحد ممسويها و الوكيل ماسواها و هذا سبب خلفيته القبيحه لانها ناقصه

مافيه قفل للدفرنس و اتوقع ان قاعدة عجلات الFJ افضل مقاسات من ال اكستيرا

وبصراحه انا ركبت الاثنين و بصراحه مهب لانه عندي FJ بس من جد وش سالفة السنام الي بالسقف يقهر

حياكم الله

الـ fj متفوق على الاكستيرا بجميع النواحي ماعدا الخط للأكستيرا يعني اسرع فقط لا غير

وبالنسبه للقومه انا حطيته بـ L صح علي ولا غلطان انا

وشكرا لكم

يارجال خله يقوم ماعليك منه

في النهايه الfj هو البطل و البر هو الاهم

هذا راعي النيسان... خله يجي صوبنا في دبي وبوظبي ونحن بنأدبلك اياه...




ههههههههه هذيلا ما يجووون الا بالعين الحمرا...

مسيكم بالخيــر جميع

الله يهديك بس

وش جاب نيسان لتويوتا

وبعدين لو بتحط في ابلك قومه وقومه

عز الله موترك بيندمر

ويكفيك ان موترك تويوتا ياخيك
انا معاي الاف جي 100% وماعليه اي كلام نهائيا سوا في عزم او اي شي من هالقبيل

عموما
يعطيك خيره ويكفيك شره

وللجميع
وتحياتي

ههه لا تتوهق معه بس لا مقاوم ولا نفود ..

أنا شفته بأم حزم يرقى الطعس بدون عزم يعني من تحته الموتر قوي جداً وأهم ميزه فيه أنه يجي قير عادي لكن شكله لك عليه وعليه حتت صعرورما أدري وش تبي ..

عموماً الـ Fj أفضل لأنه تويوتا وشكله حلو ..

السلام عليكم ومساء خير للجميع00
الاكستيرا 270 حصان صافي والاف جي 239 حصان صافي
للتصحيح- وتراها مهب واقفه على المقاوم شف مواصفات الاف جي افضل من الاكستيرا مثل الدفلوك والاي تراك ومانع الانزلاق وabs والارباقات

كلام اخوي المثنى راائع وصحيح

شباب الاف جاي افضل من الاكستيرا من جميع الجهات وبعدين للمعلوميه تعديل بسيط على الاف جاي وتقوم على الاكستيرا بالراحه لكن السرعه ماهي الشي الاساسي
نظام التحكم بالمركبه الحاله يكفي داخل البلد مهم جداً وفي البر اهم حتى انك اذا شبكت الدبل ما يطفى عشان اذا صرت تسايف بالبر ما يثولث والله بتعب اذا جلست امدح بالاف جاي

الله يهنينا بمواترنا ويكبرها بعيننا يوم ورا يوم

الله يهديك ياغالي
مقارنتك له كانت غلط
الأكستيريا الفئه المناسبه له في التويوتا هي الفورتشنر
وأتحدا أي أكستريا يقوم على الفورتشنر 6سلندر
أما الأف جيه ثقيل وفيه مواصفات واجد وفي فئه يختلف

888

الاف جى ثقيل !!!

من قال لك ؟

الاف جى اخف من الفورتشنر

عالعموم

انا طارحت اكستيرا قبل فتره

3 مرات قمت عليه في كل المرات الثلاث ورحت قدامه لين ال 120 وبعدين نهدي لانه يجي اشاره قدامنا هع

تحياتيـ،،:)

ركب فلتر واكزوز وتوكل وخل مو الاكسترا خل الدينالي يلحقك

ههههههه يا اخي هالسياره اركبه بعدين تكلم
والله تعليقه فاااااااااااااشل
ولا جيب الا جيب تويوتا
مو شروكي <<< معصب هههههههههههه

طيب مين يروح الربع(الكبسوله) او الاف جي ؟

ياليت احد من الشباب اللي جربو يقولنا

طيب مين يروح الربع(الكبسوله) او الاف جي ؟

ياليت احد من الشباب اللي جربو يقولنا
شوف ياغالي
الكبسوله
مكينته 4.5 لتر
والأف جيه 4لتر
الوزن
الأف جيه 2500 كيلو
الكبسوله اقل من 2000كيلو
الجير
الكبسوله عادي
الأف جيه أوتوماتيك
بكل بساطه الكبسوله أو الشاص يروح على الأف جيه

لا يالحبيب والله الربع يبطي يجيب الافجي اجل لوكنا نتكلم عن الوزن كان قلنا الاف جي يقوم على الجمس الدينالي
وانا انجرب مقاو م مع ربع وقمت عليه ثلاث مرات

اليوم جربت مع 3 ربوع في 7مقاومات في شارع المقاومات في الرياض رحت انا فيها كلها الا وحده .لاني احبطت من كثر ماقمت عليهم فتساهلت فقام واحد منهم علي مره وحده بس والباقي تنتيف بهم


وبعدين من قال وزن الاف جي 2500 هذا الوزن مايجي للصالون وشلون عاد الاف جي؟؟؟؟؟
وزن الاف جي على حسب معلوماتي المتواضعه 1600 فقط (وزن 2500 هذا وزن الحموله القصوى يعني يمكنك تحميل الموتر 900 كيلو فقط لان 1600+900=2500)
ووزن الربع 1800 كيلو فقط
ووزن الباثفندر 2005 وتحت 1870 كيلو

شوف ياغالي
الكبسوله
مكينته 4.5 لتر
والأف جيه 4لتر
الوزن
الأف جيه 2500 كيلو
الكبسوله اقل من 2000كيلو
الجير
الكبسوله عادي
الأف جيه أوتوماتيك
بكل بساطه الكبسوله أو الشاص يروح على الأف جيه


لا تقيسها بحجم المكينه لا تنسى ان مكينة الfj اخف كثير وزن واذكى كثير وهذا عوض صغر الحجم وتفوقت المكينه السابقه وبعدين حتى بالطعوس الFJ راح على الكبسوله

الشباب كفو ووفو

شف هلفيديو

لاحظ نظام التراكشن شوف التاير شلون يلف بالاكستيرا
http://www.youtube.com/watch?v=PZG6zLhaNuE

شوف ياغالي
الكبسوله
مكينته 4.5 لتر
والأف جيه 4لتر
الوزن
الأف جيه 2500 كيلو
الكبسوله اقل من 2000كيلو
الجير
الكبسوله عادي
الأف جيه أوتوماتيك
بكل بساطه الكبسوله أو الشاص يروح على الأف جيه

وزن الإف جيه 1960 كيلو.

تقبل مروري.

اخوي black_list
أنا ماقلت أني قاومت كبسوله وسبقته او سبقني
انا قلت بعض المعلومات وعلى اساس هاذي المعلومات قلت إنه الكبسوله يروح على الأف جي
وبخصوص الدينالي
قمت عليه مرتين وهو شاص قصير بس ماعطيته فرق واجد
اخوي سيف نجد
شي بديهي إن المكينه كل ماكبرت كل ماكانت اقوى علشان كذا تلاقي بعض المكاين (ستروكر) ولا يحتاجون لا تيرو ولا سوبر شارج
فأنا أعتقدت إن مكينة الكبسوله المنيوم مثل الأف جي بس ممكن قوتها تكون اكثر
الغالين البا شا & FJeddah
المعلومه الي عندي من الإستماره ومكتوب وزن المركبه2500

اف حي وبس ما ينقارن بنيسااان نيهائيا

ما أقول زود على أخواني الي فوق



محبكـ