مشاهدة النسخة كاملة : هذا إلي حببني في الاف جي
k_th_2
06-29-2008, 11:02 AM
http://www.youtube.com/watch?v=Zi4096077C8&feature=related
عاد انتو خبروني ليش اشتريتوا الاف جي
FJ FORCE
06-29-2008, 12:21 PM
مشكور اخوي على الموضوع والي عاجبني بالاف جي ان شكله فخم وانه من شركة تويوتا يعني الصبر والقوه وقطع الغيار كلها ميزه حلوه في تويوتا وانه ياباني علشان كذا توكلت على الله وخذته
راعي الFJ
06-29-2008, 04:27 PM
والله بصراحه ....
قصتيه مع الاف جي طويييله....
بس بقولها باختصار...
انا كان عندي لكزس فور ويل موديل 2004
وجاني يوم عبيت بترول 189.68 درهم ماااااا انساااها
بعدها تعقت من السياره.... فاقترح عليه نسييبي الاف جي ...
والله سرت وشفتها وعجبتني... بس ما قدرت اشتريها لانه عندنا وكاله الفطيم مذله...
انتظرت شهر.. وكنسلت عن السياره.. بعد شهر جاني نسيبي وسألني اذا فلوسي جاهزه...
قلتله نععععم... قالي عيل باجر انتظرك في الوكاله... والحمد لله خذتها...
k_th_2
06-29-2008, 10:10 PM
شكورين على الردود وننتظر البقيه
كولا لايت
06-30-2008, 02:15 AM
يسلمووو اخوي .... بصراحه اخذتها لان شكلها عاجبني وقريبه للهمر لاني كنت ناوي اشتريه ... ولقيت البديل وتويوتا بعد قلت فرصه ما تتفوت ...
lun707
06-30-2008, 03:09 AM
والله شف
انا عشقي الاول والاخير جيب التويوتا القديم (العشه) الي هو Fj40
بس تعبت منه مطباته قاسيه وحالته حاله ومكيفه زفت واضطريت ابيعه قبل 8 سنوات تقريباً ومريت على جميع انواع السيارات الظاهر بس ما ارتحت
وماصدقت شفت الاف جي
واخذته من محل اجار جربته وانجنيت والحمدلله وفقني الله واخذت لي اف جي
ولله الحمد والمنه :)
Fj Q6r
06-30-2008, 04:09 AM
شفته بالشوارع وماهتميت له
الا عقب ماجربته وخصوصا بالرمله
بس للاسف لحد الحين ما امتلكته بسب انتظاري للموديل الجديد 2009 :)
k_th_2
06-30-2008, 04:23 AM
يسلام حالات حلوه يالله ننتظر المزيد
حريملاوي
06-30-2008, 10:48 AM
انا بصراحه عجبني لعدة اسباب :
ان بغيته موتر للبر والمغامرات ...
ان بغيته موتر للمدينه والتمشي ...
ان بغيته موتر سبورت شبابي ...
وان بغيته تطمير ارصفه ......
وان بغيته تحد به اي ليموزين غبي يلف عليك ....
كلها تلقاها في
Fj
k_th_2
06-30-2008, 02:18 PM
هههههههههههههه
حلو الرد الاخير يالله نبغي تفاعل اكثر 60 مشاهده و8 ردود مايستوي
والله ياخي شاقولك قصتي قصه
انا الله يسلمك كان عندي كامري موديل 2004 وزهقت منه وزهقت من شوارعنا المكسره صج الصوالين ما تنفع فيها
المهم كنت ادور على موتر فورويل خلني اقول يفهمني وافهمه الهمر كان اوكي لا باي فيه بس مشكلته 5 سلندر وادا كنت بنطر ال8 سلندر اكيد ما باخده لانه بيكون غالي
المهم ووايد ناس ما نصحوني بالاف جي بس اللي كان يشجعني اشوف سوالف الشباب في المنتدى ( الله يخليهم لنا ) واشتطيت
مع اني مب راعي رمله وبران وايد
كنت ناوي على 2009 بس الوالد كلمني وقالي فلوسي جاهزه تبي الحين ولا انطر كم شهر قلت له مستحيل انطر
وتوكلت على الله وكل الحلوج اللي كانت تتكلم وتقولي لاء سكتت وشافت قوة الموتر ما شاء الله
والحمد لله كل يوم عن يوم احبه اكثر
واسمحولي ع الاطاله بس الموضوع عجيب وكنت ناوي اطلع حرتي
تحياتي
اخوكم محمد
k_th_2
07-01-2008, 12:03 AM
ههههههههههههه
حلوه قصتك وكلنا نبغي نبرد حرتنا
هل هناك مزيد
abo shiii5
07-01-2008, 07:10 AM
والله انا بصراحة شفت مميزاته تغطي عيوبة وبعدها اخذته
لانه في القوه خذ رجال وفي الصبر مايحتاج تويوتا والوكاله من ناحيت قطع غيار حلوة
وكذلك الصيانة تودية الصبح يطلع العصر وش بعد........
ايه صح حتى في البيعه مايطيح سعره يعني اقرب يم تويوتا تائمن
k_th_2
07-01-2008, 08:46 AM
كلامك حلو إن شاء الله الاف جي مايبور فيك
* المثنى *
07-01-2008, 09:02 AM
كل شي فيه حلو
وأدعولي يا شباب أن الله يرزقن واحداً يطرب القلب ..
Ro7aNy
07-01-2008, 09:50 AM
والله موضوع حلو و مشكور اخوي على هذا الموضوع
انا قصتي ويا الاف جيه
الله يسلمكم انا من محبي النيسان بترول وماكنت افكر غير في النيسان وحتى بعد ماسويت حادث فيه و هذا الموضوع و الصور للسياره
http://www.fjarabia.com/vb/showthread.php?t=553
بعدني كنت بطلع نيسان بس الاهل حلفو علي اني ما اطلع هاي السياره اتعرفون اتعقدو منها خلاص و كنت ناوي آخذ امريكي وخاصه البيك آب , سييرا , افلانش او سكاليت بس ياني واحد من الربع وقاللي امرن سيارته و كان عنده اف جيه اعتذرتله قد ما اعتذرت وهو اصر اني اسوقها امرنها بحكم انه مايعرف يمرن وشغله يبا منه التواجد في الوقت يعني مابيهتم في السياره
اول ماسقتها ( كرهتها ) بس بعد يومين حبيت السياره و بعد التمرين تمت عندي اسبوع جريت فيها كل شي دخلت البر و جربت قومتها وتصدقون رحت دبا عشان اجربها صوب الجبال وين ماكانو يخيمون الشباب قبل عند ساحت الاستعراض و عيبتني السياره وخذيتها
دبا = منطقه سياحيه يتجمعون فيها الشباب ويخيمون في العطلات بس الحين منعو التجمع وسوها منطقه عائليه
وهاي قصتي ويا الاف جيه وكيف خذيتها
تحياتي
FJ SHJ
07-01-2008, 12:59 PM
يسلمو علي الموضوع .....
انا كنت بشتري سياره صراحه لفيت كل الوكالات ياباني امريكي صراحه شفت fj فيه كل الواصفات الي اناابحث عنها والسعر المناسب وبالنسبه الي بعض المواصفات الكماليه ممكن تركبها في اي وقت كفايه الهيبه في الشارع والتميز عن السيارات الاخري ..
k_th_2
07-01-2008, 12:59 PM
اول شي حمد الله على السلامه وقصك وايد عجيب خص يوم ربعك بخلونك تمرن السيارات خخخ يالله بالبركه وإن شاء الله ماتشوف شر
يالله شباب نبغي نشوف قصص
النادر666
07-01-2008, 01:36 PM
اما انا قصتي غير
انا ابي اطلع برادو 2008 ونقصت الفلوس شوي
وكلهم يقولون انتظر شهر على بال ما يجي
وفجأه دخلت موزع لتويوتا ولقيت هل مبروك
وقلت لهم فيه برادو قال يبيلك اسبوعين ويجي
وكنت طفشان من دون سياره لعب فيني الاجار
وسألتهم عن Fj
ومدحه وقال سياره ممتازه
وجلست اشوف مواصفاتها واعجبتني
وخاصتاَ ان ما فيه فرش الاني متعقد من الفرش في البر
وخلال 24 ساعه الا وهو معي
لاحجز ولا تعقيد
ومع ذلك جاني واحد وقال خذ 5000 ريال وخل السياره
وكبر في راسي زياده
ووالله ما كنت اعرف ان العالم يحجزون السياره لهم شهر ولا حصلو شي
بختصار السياره جتني صدفه
والمعذره على الاطاله
THE BLACK FJ
07-01-2008, 04:03 PM
يوووو السياره سالفتها سالفه
انا كنت محتار بين رانجلر و ايدج و الهمر h3 و الاف جى
وكان الاقرب لاني اشتريه الرانجر كنت ابيه لدرجه اني كل يوم عند الوكاله اتفرج عليه
وبعدين قلت لبوي اذا ما بتطلع لي سياره الحين مي مشكله بس لما اخلص الثانويه ابي الاقي الرنج سبورت قدام الباب
وقعد يضحك هع
وبعدها بفتره سألني وش رايك بالاف جى قلت له حلو وشبابي يصلح لي هع
وقال انا ما بطعه لك انا بطلعه للمؤسسه((عندنا مؤسسه حنى محامص وكذا)) قلت وش يبون فيه المؤسسه قال يسير خير
وآخر يوم في الاختبارات الفصل الدراسي الاول بتاريخ 28\1\1428 هـ دق علي بعد صلاه العشاء وقال لا تطلع من البيت ابيك بوضوع قلت طيب انا كنت حاس يا انه جايب الاف جى ومخليه مفاجئه يا انه جايب النتيجه ودق علي وطلعت ولقيته بالجيب يستناني هعهع
آسف عالاطاله
k_th_2
07-02-2008, 01:42 AM
ياسلام قصصكم عجيبه
fj3133
07-03-2008, 03:30 AM
السلام عليكم
انا قصتي لا على البال ولاعلى الخاطر
انا عندي لكزس جي اس 430 2006
وهايلكس دفرنشين 2007
طبعا الهايلكس شاريه عشان الدوام لاني اداوم بمنطقة الله لايوريكم لا ازفلت ولا نظافة
يعني ماينفع الا دفرنشين
طبعا اللي يقهر في الموضوع اني يوم اشتري الهايلكس
بعدها باسبوع نزل الاف جي بالوكالة
انواع القهر يومها
المهم راحت الايام وجات الايام
جاني اخوي قاللي ابغى اشتري الهايلكس
وانت اخذلك اف جي ضرب على الوتر الحساس ...(يعرف نقطة الضعف) انواع التكويك
ويدري اني متحسف اني ماشريت اف جي
طبعا كان الاف جي عاجبني كشكل ماجربته
صادفت واحد من ربعي معاه اف جي
قلتله ابي اجربه
جربته...
بعدها بيوم رحت الوكاله ودخلت الف واسطه علشان اللون وسرعة استلام السيارة
وعدوني وقالو بعد اسبوع تستلم السيارة طبعا اللون بيج 2 ... 2008
وفعلا اسبوع واستلمت السيارة وسلمت الهايلكس لاخوي
وبعدين السيارة ان بغيتها رسم وان بغيتها سبورت تجي وان بغيتها لبر تجي وان بغيتها لسرعة تجي ياخي السيارة شغل مضبوط ياشباب شييييييك في الجيب
والله اني من شريتها ماأستخدم اللكزس ولا أحب اسوق اي سيارة غيرها
مرات ابي اطلع انا وأهلي ونكون زحمه فأطلع بالجمس ياشيخ انواع التكتيم بس ابغى ارجع واخذ الاف جي
وهذي قصتي
طولت عليكم صح
k_th_2
07-03-2008, 07:52 AM
هههههههههههه جانك ماتبغي اللكزس انا ابغي اخذه
ومبروك على الاف جي
ما شاء الله قصص وايد حلوه وكلها عجيبه
ننتظر باقي القصص
وشاكرين لكم تعاونكم
0( اسمحلي يا صاحب الموضوع تدخلت عن خاطري)0
سلام
k_th_2
07-03-2008, 11:47 AM
ما شاء الله قصص وايد حلوه وكلها عجيبه
ننتظر باقي القصص
وشاكرين لكم تعاونكم
0( اسمحلي يا صاحب الموضوع تدخلت عن خاطري)0
سلام
افا عليك ياخي الموضوع موضوعك لوتكتب فيه من اليوم لين باجر مايظر
افا عليك ياخي الموضوع موضوعك لوتكتب فيه من اليوم لين باجر مايظر
تسلملي والله ... هذا من طيب اصلك الغالي
المشكله انا قلت قصتي ... بس ف احتمال اضيف اشيا
تحياتي لك
k_th_2
07-04-2008, 01:26 AM
هذا الموضوع مفتوح للاعضاء وتقدر تقول إلي تباه
عنابي
07-04-2008, 09:14 PM
انا قصتي قصة
كنت ادور موتر شبابي
ويكون وسيع عشان ارتاح فية
كان خاطري بنيسان لاكنة ضيق لمان اسوقة ركبتي بسكان ماقدر اسوقة
انزل وانا ماسك رجلي
فتريت على المواتر كلها امريكي ويابانيو الماني
يوكن وو سيارا والطوارق فكسويقن
وكنت بعدي ماظهرت الرخصة لصغر سني
كان الكلام شهر 9 فا رحت وحجزتلي الموتر على شهر 11 يكون عندي بذن الله
وشهر 12 بظهر الرخصة بكون كملت ال 18
بس فكرت فيها كيف بتعلم سواقة بموتر فورويل
قلت خربانة خربانة بنتعلم على الاف جية
ماكنا نسوق بي ام بدون رخص خل نسوق الاف جية وش فيها
المهم مرت الايام وصل الحجز اف جية
ورحت شفت الموتر بلوكالة وخذتة
سقت الموتر حدود الشهر بدون رخصة
حثلناها
والحمدالله تعلمنا علية صح
وبصراحة انا سقت كثير مواتر ماشفت بحلاتك يا اف جي
على قولت واحد من الشباب خلك مع فطومتك خوش موتر
فطومتك = اف جية
k_th_2
07-04-2008, 10:29 PM
ههههههههههه ها معروفه فطومه منتشره بشكل غريب