مشاهدة النسخة كاملة : اول ماستلمت الاف جي شو سويت؟؟
k_th_2
07-04-2008, 06:56 AM
السلام عليكم شباب
انا اول ماشتريت الاف جي بعد يومين استلمته من وكالة الشارجه الظهر
هذاك اليوم اول ماوصلت البيت جان إيون عيال اخوي واهلي ركبو وياي قالو لي خذلنا لفه خخخخ وافقت معنه كان الظهر جان اوديهم الدكان خذتلهم بارد ورجعنا البيت
ها خبرني انته شو سويت
النادر666
07-04-2008, 07:14 AM
على البركه
انا احسن منك
استلمته المغرب ورحت للبيت
وركبت العيال ورحت للبقاله وشريت انواع البساكيت والحلويات والبارد
ورحنا للمخطط وجلسنا نشيل الاكياس ونركب الكوع ( الطاسه ) مدري وش تسمونها
ونركب غطاء الاسبير ( الاستبنه )
وبعد ما خلصنا رحنا نفر في شوارع الرياض الى الساعه 10 بالليل
** اللي بعدي وش سويت **
كولا لايت
07-04-2008, 07:31 AM
انا أخذته... وعلى طول اقرب محطه عبيت فل واقرب محل ركب لي اللوحات وعقبها وقفته بالبيت
shrgawe
07-04-2008, 08:00 AM
انا اول ما استلمته سويت مثل اخوي كولا لايت عبيت بنزين لان التانكي كان فاضي
كولا لايت
07-04-2008, 08:27 AM
انا اول ما استلمته سويت مثل اخوي كولا لايت عبيت بنزين لان التانكي كان فاضي
شكل الربع كلهم أول شي سووووه انهم عبوا بنزين ...!!!!!!! شكلهم نسوا يقولون ؟؟؟؟
انا الصراحه اول ما خذته رحت حبيت راس ابوي ... وبعدين شغلت قرآن ...
وبعدين وديته البيت راويت الاهل ... وبعدين كلمت واحد من الشباب طلع معاي ورحنا نعبي بترول فل .
الله يخسهم كانو مسلميني الموتر وصخ وما فيه بترول
بس ما غسلته الا بعد يومين ...
وتسلم ع الموضوع العجيب
اللي بعدي انت شو سويت ...؟؟
حريملاوي
07-04-2008, 10:19 AM
انا بعت سيارتي السابقه
وسألوني الاهل عنها قلت بالورشه ( كذبه بيضاء )
ورحت استلمت السياره الاف جي من الوكاله اول ماركبت سميت وذكرت اسم الله
+ عبيت بنزين طبعا ...
وخليها مفاجأه لهم
طبعا ماصدقو اني شريته الا عقب ماوريتهم الاستماره
وركبت اهلي ومشيتهم وعشيتهم بهذه المناسبه
والي بعدي وش سويت !!!!
k_th_2
07-04-2008, 10:58 AM
هههههههههه
مشاء الله عليكم كلكم سرتو تعبون بنزين وانا بعد مثلكم
خخخخخ حلوه ردودكم ويالله نبغي اكثر
mmsmm
07-04-2008, 11:01 AM
الي بعدك بالطريق الى امتلاك اف جي
حريملاوي
07-04-2008, 11:56 AM
ان شاء الله
Ro7aNy
07-04-2008, 02:21 PM
انا اخبل منكم
اول ماسجلت السياره وبعد البترول على طول شريت كزوز بورلا والسياره في التمرين وفلاتر K&n
و عقب ماركبتهم رحت البيت وارتحت
ادري بتقولون مجنون بس شو اسوي ما احب صوت الوكاله
انا اول شي سويته عبيت بنزين وطلعت رحت للعين و رجعت و اليوم الي بعده نفس الشي وخلص التمرين ووديته الوكاله جيكوه ورجعولي ياه
و في اليوم الثالث اتصلت لصاحبي ( ستيشن 6 سلندر فلتر و هيدرز 2 انش ونص ) دعست معاه على الرمل و غلبته 3 مرات
k_th_2
07-04-2008, 03:33 PM
سلامي عليك ياولد احلا شي استعراض العضلات
اولا :يعطيك العافيه اخوي على الموضوع
ثانيا:يوم استلمت الاف جي قبل المغرب استعجلت ورحت عبيت بنزين قبل الصلاه رجعت للبيت واللا هذولا عيال عمي واخواني وياساتر سترك وبعد المغرب خذيتبهم فره على دفعات وبعد ما خلصنا فر رجعت للبيت وشافوه الاهل ووقفته
وانت ياللي بعدي وش سويت؟؟؟؟؟؟؟؟!!!!!!!!!!!
THE BLACK FJ
07-04-2008, 05:43 PM
اول شي ما كنت مصدق ابوي جابه لي مفاجئه
دق علي قال اطلع لي برا ((البيت طبعا)) قلت طيب الحين جاي
وطلعت ولا الجيب قدامي قلت له شكرا وحبيت راسه
وبعدين رحت مركز نيوهورايزن سجلت كورس English
وبعدين ابوي نادا اختي الصغيره واخذناها المستوصف عشان يحطوا لها حلق
وبعدين وديت ابوي عند وكاله تويوتا عشان سيارته كانت هناك وانا رجعت البيت وقلت لاهلي تعالوا في كيس لحمه ثقييل ما اقدر اشيله خخخخخخ وهم مستغربين دايم اشيله وش معنى اليوم قلت لهم ثقييل مره وظهري يوجعني خخخخخ
وشافوه وبس هع
كيف اطول سالفه صح خخخخ
fai6ole
07-04-2008, 05:46 PM
انا يالحبيب استلمت السيارة العصر من عندنا في الرياض على طووووووول عبيت فل ورحت للبيت اوريها اهلي وبعد المغرب وانا ضاف العفش انا وولد خالي وعلى طووووول لمكة طريق بر !!!!!!! طبعا بالاف جي الجديدة والحمد لله اخر حلاوة ......
silver fj
07-04-2008, 06:28 PM
انا استلمته بعد العصر وكانوا عيال خالتي عندي.....
اخذت فيهم فره طوييييله وبغينا نجيب العيد في تريله توني موب متعود عليه ولا على مراياته ^^......
ووقفته عن الفيصله من داخل.. (الشانزليزيه) حقنا.... :(
وصورته كم صوره....
ثمن عالبيت وبعد العشاء واحد من عيال خالتي ساقه وبدأ يفكر فيه جديا ^^
تحياتي و خمس نجوووووم
سلفر
k_th_2
07-04-2008, 10:27 PM
شكرا لكم قصص جميله
abo shiii5
07-05-2008, 05:13 AM
طبعا اكيد عبيت بنزين وبعدها رحت للبيت وشافو السيارة الاهل وباركولي
عليها وتمشينا وبعدها رجعت
fj3133
07-05-2008, 05:24 AM
رحت المرور بالليموزين خذت اللوح والاستمارة
وجلست ساعه كاملة انتظر ليموزين ثاني
وبعدين رحت المعرض
ياشباب طلعت روحي وقفلت اخلاقي هذاك اليوم كانت الساعه عشرة ونص صباحا
طبعا لما رحت المعرض الا الاخ العامل اللي معاه المفاتيح حق السيارات كلها
طالع ورايح البنك وماوصل الا الساعه 11 ونص يعني باقي على صلاة الظهر كم دقيقه
ركبت اللوح وخذت السيارة ودوس على محطة بنزين
عبيت فل وبعدين على المغسلة وبعدين على البيت طبعا الاهل شافوه وطقيت لفه بعيال اخوي
وبعدين رجعت البيت نمت
أشيقراوي
07-05-2008, 10:16 AM
موضوع رائع
انا استلمت والسوداني اللي عطاني المفاتيح بالوكاله , قالي ترا البنزين مخلص عندنا
واحتمال السياره ما توصلك المحطه , ورحت المحطه ووصلت الحمدلله ويوم جيت اعبي
قعدت احوس في الموتر ادور اللي يفتح االبنزين , وجا اخوي يدور ويحوس , وبعدين صدفه فتحناه بدون زر وتحطمت وقتها انه مافيه قفل :) . وجرب الوالد الموتر ودعس فيه كم دعسه الله يجزاه خير :) . ووريت اهلي الموتر , وطلعت , والى يومنا هذا
ماقصرت
k_th_2
07-05-2008, 11:05 AM
هههههههههههه كلهم مشكلتهم البترول
اخوي اشقراوي مشكلة هاي بعد طاء مال البترول الحين لو نحنا معدنا قراج في البيت جان كل يوم الصبح بنصب بترول الله المستعان شكار مروركم
راعي الFJ
07-05-2008, 03:28 PM
انا اول ماوصلت البيت.. اهلي ما صدقو انها سيارتي... وطبعان اخواني ابويه انسابي...
كل واحد يجي لازم يجربها.... من اول يوم
الضرغام
10-01-2008, 11:06 PM
ان شاء الله
الضرغام
10-01-2008, 11:09 PM
مبروك عليكم جميع
الضرغام
10-01-2008, 11:10 PM
بارك الله فيك ورحم الله والديك, يعطيك الف عافيه
قود شخص
10-02-2008, 03:03 AM
موضوع جميل
انا بصراهه يوم جيت بشتري السياره حست في المعارض شهرين ادور على موتر بس مافي شي عجب الوالد
بس ماكان في خاطري اف جي
المهم ذاك اليووم كنت بالديره شوي الا اتصل علي الوالد قالي انزل ابيك وانزل الا الوحش كان موقفه
فووق الرصيف ولا عبيت بنزيم ولا شي هههههههههه تحياتي
aa_zz
10-02-2008, 08:56 AM
مووضوع تمااام
انا عني طلعت الموتر وعبيت بنزين ورحت وقفته بالبيت يومين ولا طلعت فيه من الفرحه بس اطلع اشوفه بالحوش :d
عبد الرحمن بن
10-02-2008, 12:44 PM
أبد ما أختلف عنكم
أخذت الموتر وعبيته بنزين ودعسه وحده إلى الدوام لأني طلعت من عندهم الساعة 9 ورجعت أكمل دوامي
وبعد العصر أخذت بالأهل لفه ودرنا الرياض كله
والحمدلله على كل حال
aldhowahi
10-02-2008, 12:48 PM
يعطيك العافيه صاحب الموضوع ومبروك عليكم جميعا الـ Fj الوحش
انا والله عن نفسي بعت موتري الاول بالغصب الساعه 2 بالليل ونروح مواصلين انا والشاري لمعرض الحميضي بالنسيم (( من قبل لا يفتحون وانا واقف عند بابهم)) المهم واستلم الدراهم واوقع المبايعه واجيك ماشي ماكان في بالي سياره معينه يوم جيت طالع الا والوحش واقف على المدخل والله وارجع لبو يمن بكم هالموتر وجاز لي سعره على الرغم من اني ماسألت عن الموتر ولا شاورت احد المهم واعطيهم دراهم الموتر الاول واحط منهن في مخباي وخذ ركض للمرور على اخلص الللوح والساعه 1 الظهر مخلص اموري ومثل باقي الشباب عبيت بنزين واخذت لي غطه ساعتين وصحيت ومشيت للشرقيه على الوحش انا واللي اشترى موتري الاول الله.... ادري اني طولت عليكم لكن ابشركم ان الرجال اللي اشترا موتري الاول عارضه للبيع الحين ويبي يشتري Fj وانا حالف اني ما ابيعه عليه... لو يطير لسابع سماء
اف جي طيار
10-04-2008, 07:19 AM
أول ما استلمت الاف جي فولت التانكي لأنه كان يابس واللمبة والعة من شغلتها بالوكالة ، ييت البيت وخذت الوالدة والحرمة وطلعنا خذنا لفة لمدة نص ساعة ورديت البيت . وسلامتكم
k_th_2
10-04-2008, 11:47 AM
مشاء الله عليكم ومبروك على الكل امتلاك الا ف جي
عبدالله المهيري
10-04-2008, 07:18 PM
هلاوالله انا اول ماستلمت الموتر سرت البيت وحوطت اهلي وتموا اخواني الشباب يجربون الموتر وفليل تميت استكشف الموتر شوفيه ومافيه ومواصفاته وغيره الي بعدي.....
الكبسولة
10-05-2008, 02:58 AM
بالنسبة الي .. في العام المنصرم وفي شهر رمضان الكريم
كنت حاجز ( انفينيتي ) ومعي الأوراق .. وبما ان وكالة الإنفينيتي بالقرب من كالة التويوتا ..
فقلت لنفسي .. لماذا لا اعرج عليهم لأرى موديلاتهم !!!
وانا اهم بدخول وكالة التويوتا وإذا بذئب امامي مكشر عن انيابه !!
سألت عنه فقالو هذا موديل جديد اسمه اف جي !!
وعلى طول مزقت اوراق حجز الإنفينيتي .. وحجزت الإف جي !!
واخذته قبل العيد بليلة او ليلتين .. واصبح العيد عيدين !!
وفي يوم استلامي له .. كنت على العمل !! فأخبرت زميلي في العمل لكي يوصلني الى الوكالة !!
وفي اثناء رجوعي الى العمل وانا اسوق الإف جي .. كان الشارع زحمة .. فخربت عن الشارع .. ومشيت على الرمال والحجارة ..!! ولا اعبأ بها !!
اوقفت سيارتي القديمة في بارك العمل .. لمدة !! واخذت استخدم الإف جي !!
ومع السلامة .. ومن العايدين ومن الفايزين !!!!
FJ Saudia
10-05-2008, 11:41 AM
خخخخخخخخخخخخخخ عليكم سوالف
<------ مبسوط من الموضوع ومتشقق
انا طال عمركم اول شي سويته شغلت قرآن وبعدها على طووووووووول فصلت صوت الحزام المزعج وبعدها اول محطه عبيت بنزين وعلى طول للبيت للوالد عطيته واحد من المفاتيح وقلتله لازم تبارك الموتر وراح جربه ومدح الموتر (طبعا من عشاق تويوتا) وكان الأهل مسافرين مع اخوي دقيت على اخوي وقلتله اني ابجي اخذ العوز من المطار قال لا لاتجي سيارتي بالمطار قلتله لا بجي مشتاق لها ( الله يخليها ولا يحرمنا منها ولا يحرم احد من عزيز) ورحت طبعا اول ماوصولوا تفاجأو يدورون سيارتي قمت حط عيني بعينهم واضغط على المفتاح اول ماطلع الصوت حق الريموت قالت العجوز الله يجزاك خير جبت لنا سياره كبيره نحط فيها العفش ( خربت المفاجأه ) خخخخخخخخخ وسلامتكم
تحياتي للجميع
FJ-QTR
10-07-2008, 08:15 PM
انا اول مستلمته فصلت السستم مال مانع الانزلاق والخرابيط وقمة اشخط لونت الشارع وبعدين رحت اغسل السياره ورحت البيت خخخخخخخخخخخخخخخ امزح
رحت البيت كان الوقت الضهر احرقتني الشمس مبي اشغل المكيف سياره جديده خخخخخخخخخخ
bu_sallom
10-08-2008, 08:38 AM
اما انا ما احس اني سويت شي ..
العصر طبعا استلمت الموتر ..عبيت بنزين .. ورحت البيت على طول ..
شافوه الاهل .. صليت المغرب .. وشلت الاهل ووديتهم بيت جدتي ..
وتعال اسمع الهواش داخل السياره بسبة الزحمه .. (مركب 5 وطفلتين) خخخخخ
احتلو حتى الشنطه خخخخخخخخخ
وبعدها طلعت عقب العشا اترزز بالموتر يم الشباب
خخخخ
تحياااتي
k_th_2
10-08-2008, 11:44 AM
هههههههههههههه حلو