ابي اسئلكم عن الفرارات للي تركب بالعكس وتفصل دوران عمود الدبل فيه احد ركبها وهل هي تركب على الاف جي .. بصراحه انا سئلت واحد وقالي مايحتاج الدبل شغال اتوماتيك حتى سرعة 80 كيلو وبعدها يفصل الدبل ويفصل دوران العمود .. وهو مو متأكد من هالمعلومه .. اللي عنده معلومه بهالخصوص لا يبخل علينا ... مع العلم ان قد ركبت الفرارات باكثر من سياره وهي حلوه توفر في استهلاك البنزين وتخلي تسارع السياره اكبر ..

الاف جي مافيه دفع ربااعي مستمر ,

لكن ان كان قصدك ان عمود الدبل يمشي مع حركة الكفرات اللي ورا هذا شي ثاني

واتوقع انك تقدر تركب فرارات , وش اللي يمنع :)


مشكور

ايوه اقصد العمود اللي من الدبل للدفرنس الامامي يلف مادام السياره تمشي لانه مرتبط بالكفرات الاماميه ... اما قصة الدفع المستمر بصراحه انا مااقتنعت فيها ..
ابمر على السليماني اسئلهم لاني ركبتها من عندهم اكثر من مره ..

ياليت تخبرنا وش بيصير معك

والله صراحه ما فهمت وش هي الفرارات ووش فايدتها
وكيف طريقة عملها...


ياليت من النجوم يوضحون اكثر ..... ^^


تحياتيي

هذي الله يطول بعمرك ... تركب في الكفرات الاماميه بالدائره الي بين مسامير الكفرات تركب بالعكوس الايمين والايسر ... تنفر يمين ويسار ... تخلي عمود الكردان اللي بين الدبل والفرنس الامامي.. يفصل مايدور وبكذا يلغي الدبل نهائيا ... وهذا يخلي السياره كانها دفرنس واحد ... وتصير صرفيتها للبنزين اقل وتسارعها اكبر... ولو تدقق ببعض الجيوب تلقاها مركبه... وانا قد ركبتها بأكثر من جيب ... افصل الدبل وقت الصيف تعرف نادر مايستخدم وحتى بايام الربيع والشتاء اذا جيت ادخل البر اشبكها ..

اها.....

يعطيك العافيه ^^

بس ما اظن اني باحتاجها بالاف جيه....

لأن الدبل فيه اختياري اشبكه وافصله متى ما ابي ^^



تحياتي
سلفر

الدبل اختياري .. ماقلنا شي لكن الدبل اذا شغلته او طفيته العمود يلف معك 24 ساعه

لكن الفرارات تلغي دوران العمود .. الي يلف على الفاضي والمليان ..

صح كلام الاخ كولالايت
بس ياليت يااخ كولالايت لو ركبتها
تعلمنا وش يصير معك
والورشه الي يركبونها


لان بصراحه اجواءنا هالايام حر ونادر مانستعمل الدبل

والله كنت ناوي امر السليماني اللي بالغرابي .. لخميس بس ماقدرت ان شاء الله هالاسبوع بحاول امر عليهم .. وعلى فكره هم اللي يركبونه وماتكلف اكثر من 450 ريال