السلام عليكم

أولا اشكركم على هذا المنتدى المتميز.. بصراحة غني بالمعلومات الطيبة.

أخوكم من دبي.. وأستلمت (الكبسولة) من يومين, والحين حاب منكم تساعدوني على أيجاد موقع من أمريكا اقدر اطلب منه عدة تزويد الـTRD كامله:

1- سوبرجارجTRD.
2- عدة تركيب السوبرجارج على الكبسولة مع كل المتطلبات.
3- يونيشب (UniChip).
4- هيدرز + الوصله الخلفية TRD.
5- رنجات: TRD charcoal wheels

بصراحة عني انا, مريت على مواقع كثيره, بس قلت أستشير ذوي الخبرة أول يكون أحسن.

تحياتي...
ولكم جزيل الشكر.

انا الحقيقه مالي خبره بالمواقع

بس ان شاء الله الاخوان يفيدونك

واذا حصلت يا ريت تقولنا لاني انا بعد ناوي اقلب موتري TRD

واسمحلي ع القصور

تحياتي
اخوك محمد

والله مالي علم

بس اتوقع الوكاله فيها قطع trd كامله <<اتوقع مو اكيد شفت كتلوج الاكسسوارات وشفت اكثر من قطعه trd عند جموول طبعا بس ما يوفرها لك الا بعد ست او سبع سنوات بالقليل هع

سلام عليكم

BLACK FJ جمول بعيد عني... بس احس ان سبع سنوات فتره طويله هممم مش متأكد هع..

أخوي M7MD هذا هو الرابط الي انا بعثت لهم أيميل:
http://www.fjcruiserpartsstore.com/

وفيه كل اللي يتمناه قلبي و قلبك.. بس ما ردوا بعدهم.. فا ياريت لو تجرب من صوبكم بعد.. و انا ان شاء الله بتصل لهم هاتفياً.

وشكرا

الغالي انا رحت محل ذاك اليوم وراعي المحل قطري قالي اذا انت عزمت وتبغي قطع كلمني وانا بطلبهم لك واركبهم لك بعد
انا قلت خلني اكوش كم بيزه وبعدين اروحله واطلب كل اللي خاطري فيه

جرب هذا الموقع
الموقع (http://store.summitracing.com/egnsearch.asp?N=700+115+%2D195459&D=%2D195459)

اضغط اللي تحت browse by
وشوف الصور مالت القطع

شفت راعي المحل يدخل ع هالموقع
ان شاء الله يفيدك

تحياتي
اخوك محمد

والله ماعندي خبره لاكن الشباب ما قصروا معك؛؛؛؛؛؛

والله ما عندي فكره والشباب بيفيدوك .....


تحياتي
سلفر

اخي مبروك والله يعطيك خيرها و يكفيك شرها بس ما عرفنا ان شرين كبسولة وإلا Fj؟

إذا كبسولة ترى السيارة ما نزلت امريكا يعني ما لها إكسسوارات من TRD بس ممكن من استراليا او تولف لها - اعرف واحد ركب سوبر شارجر على كبسولة من شركة فورتك.

اخوي السامان كله موجود فالامارات ما يحتاج تطلب من برع
واذا تريد مساعده كلمني

مشكله الاغراض اللي تريدها غالي وايد شحنها لانها ثقيله واذا طلبتها بتخسرك عالشحن

اتصل عالرقم هذا الريال اسمه جورج وعندهم كل اللي تريده للاف جي مع التركيب وضمان بس اسعارهم شوي مرتفعه
لكن بصراحه شغلهم نظيف
050/4419590

أخوي fj cruiser سامحني.. ممكن تختلف المسميات بين كبسوله ولا FJ :)

MrZero
توني أتصلت بجورج.. قالي أتصل به يوم السبت... عندك فكره بكم يطلع كت السوبر كامل؟ بدون تركيب بدون برمجه..

وشكرا

كت السوبر فأمريكا ب 14 الف كاااااااامل بس ركب

وربيعي عنده محل وباعه ب 16 الف من فتره

الميزة الحلوة عند جورج انه عنده الكمبيوتر اللي يدخل لك البرمجه اللي تكون ويا السوبر
مال الوكاله يعني ما تحتاج كمبيوتر زياده
سمعت انه السعر 22 الف عنده واظن مع التركيب او بدون مش اكيد
واذا خذته من امريكا وشحنته بيكلفك شحنه 2000 الى 3000 درهم

انا انصحك تركبه عالشتا واتريا ربيعنا يالس يخلص صفقه حق ياخذ وكالة Trd فالامارات واذا خذها بطلع لك اياه بسعر امريكا انا كنت بركب بس اجلت لين الشتا

اخوي صاحب الاعلان كل عام وانت بخير....الموضوع قديم شوي بس حبيت ازيدك معلومه اذا انت ما زلت تبحث عن اكسسوارات تي ار دي..
انا الحقيقه سمعت وشفت شباب الغربيه مركبين كلهم اكسسوارات تي ار دي ومن بينهم ابو زياد والاخ سيف ولا يهونون بقية الاخوان..
والحقيقه سمعت ان الاخ هاني مشرف منتدي الغربيه هو الي يطلبلهم عن طريق النت فاذا لك نظره ارسله رساله خاصه يمكن يفيدك والشباب ما يقصرو معك.
اما السوبر فعندك في الامارات او علي النت كله مثل بعضه تكلفته 22 الف راكب علي موترك.

تحياتي لك وللجميع وان شاء الله اكون افدتك

اخوك الوابل

اخوي صاحب الاعلان كل عام وانت بخير....الموضوع قديم شوي بس حبيت ازيدك معلومه اذا انت ما زلت تبحث عن اكسسوارات تي ار دي..
انا الحقيقه سمعت وشفت شباب الغربيه مركبين كلهم اكسسوارات تي ار دي ومن بينهم ابو زياد والاخ سيف ولا يهونون بقية الاخوان..
والحقيقه سمعت ان الاخ هاني مشرف منتدي الغربيه هو الي يطلبلهم عن طريق النت فاذا لك نظره ارسله رساله خاصه يمكن يفيدك والشباب ما يقصرو معك.
اما السوبر فعندك في الامارات او علي النت كله مثل بعضه تكلفته 22 الف راكب علي موترك.

تحياتي لك وللجميع وان شاء الله اكون افدتك

اخوك الوابل


تصحيح للأخ الوابل
الأخ عمر fj jeddah هو ألي يطلب لنا وليس الأخ هاني

احنا ممكن نشحن الأعراض من أمريكا بسعر رخيص انشاء اللة ,..

http://www.wefinditonline.com

الموقع يشتري لك الأغراض ويشحنلك اياهم اما جوي أو بحري ... و يوصلك الأغراض وين ماتبي...

راسلهم : sales @ wefinditonline . com