بسم الله الرحمن الرحيم

السلام عليكم ورحمة الله وبركاته


شو الأخبار شباب ... شو علوووومكم .. شو رمضان معاكم ؟؟؟



والله من زمان ما طلعت معاكم .. و اشتقنالكم ؟؟؟


اليوم تذكرت طلعات الشتا الحلوة .. الطلعات اللي وقفت مؤقتا بعد قدوم فصل الصيف الحار .. أهم شي ان العد التنازلي للصيف بدأ و الحر بيخف تدريجيا من شهر سبتمبر يعني .. بنطلع البر و بنسترجع ذكريات الشتا اللي فات ..يا سلام ..

ذكريات الشباب و الطلعات الحلوة .. البداير . الفاية . عوافي . العذيب . الأقرن . حفيت .. خصب

الشتا هذا اتخيل عمري على العرقوب في البداير و معاي النقبي و بن سيفان و دلة الكرك .. و الشباب كلهم

يبالنا طلعة كل اسبوع و يبالنا أماكن يديده نسيرلها ..

شو رايكم شباب ؟

و سلامتكم ..

هذه هو الجو... وينك ياخي ما حمستنا من زمان هههههههه.. لايكون اّثار الصيام ؟ ههههه :)

لا صدق نبى برامج أسبوعية ولو حتى طلعات بسيطة.
و انا كان في خاطري نطلع نأجر بانشيات مع الشباب و شوي في البر... ماشي ينانوة في رمضان..
و أتمنى ما يكون برنامجكم بعد تاريخ 18 تراني مسافر

والله أنا موافق ما عندي مانع ..

الشامسي وين مسافر ؟؟ وليش ؟ ومتى بترجع إن شاء الله ؟؟؟

البحريــن، شباب عازميني أعيد عندهم :) يومين ولا 3 بالكثير. ( الي كانو معاي في طلعة حتا الوادي )