السلام عليكم ورحمة الله وبركاته

اخواني صار لي موقف حلو بالثمامه صراحه خقيت مع الاف جي ..

السالفه وما فيها كنت اتمشى عند الطعس اللي جوا

طبعا لأهل الرياض اللي يسمونه طعس القصمان ..

المهم كان فيه انا وجيب هدد وجيب في اكس ار وكان فيه فتك نيسان وجيب ربع

المهم كلنا نراقي طبعا فيه مواتر واجد بس ماعلينا منها ..

انا اشوف الشباب يشدون عزم ومطامر وحركتات

قلت ياولد خربها خلنا نسوي زيهم ...
وانا جاي بشد عزم خطر على بالي فكره الا وهي ..

وقفت براس الطعس وحطيت القير بـl والدبل على الخفيف

طبعا كنت ادري مستحيل يطلع فوق بس قلت بشوف وين يوصل

المهم رفعت رجلي عن الفرامل .. البريك .. ودعست بانزين خفييييييييييف

وصرت اتمشى المهم الجيب - ما شاء الله - مشا يوم وصلت نص الطعس قلت بس بديور
يكفي ما قصر قال ولد عمي رح ماعليك واكمل دربي

والله مادريت الا وانا براس الطعس .. طبعا كل هذا بـl

من بعدها وانا خاق مع الجيب ما شاء الله .. الله لا يضره

اييييه ونسيت اقول لكم :$

قمت على الهدد والجكس ار والفكس ار :$

والله الاف جى جبار بمعنا الكلمه

بالذات لانه خفيف

اما عالمقاوم انا بعد قمت على vx-r وقلت ماله داعي اقاوم gx-r لان الvx-r اقوى وانا طرحته يعني بطرح الgx-r بالراحه

سلام عليكم

السؤال
ليش هم صنعو الاف جي !!!

عشان هالطعوس ينثرها نثر
:>

معروووووووووف الاف جي ماشاء الله عليه الله يحفظه بس من عيون الحساد

خلاص بكرة اروح الهافمون واكسر روسهم

كفو شرقاوي ,

اجل نشوفك هناك

يمكن تطري على بالي اروح

بس لا تتحمس ترا الهافمون يكسر الموتر هع

يعطيك العافيه اخوي على الموضوع

والافجي جبار

هين الاف جي يفاجئني كل يوم وش اقدر اسوي فيه ^^

اخاف قريب اطير فيه :)

تحيتي

سيلفر

انتبهوا من طعوس الثمامه كلها مطبات تفكك الموتر وتكسره

ما شاء الله تبارك الله
الله يطعمك من خيره ويكفيك شره

وهذي عوايد الــ fj

وحطيت القير بـl

وش تقصد بـ I :D

ثانيا اخوي انت فاصل مانع الانزلاق ولا بس حاط على الدبل الخفيف