تجمع قروب الاف جي الاماراتي 23-10-2009 للشواء [الأرشيف] - الاف جي العربي

FJ SHJ XXX

10-21-2009, 02:50 AM

بسم الله الرحمن الرحيم

السلام عليكم ورحمة الله وبركاته

شحالكم شباب

بعد التشاوراات والاقتراحات مع الاعضاء تقرر ما يلي :

يوم التجمع : الجمعة 23/10/2009

وقت التجمع : بعد صلاة العشاء

مكان التجمع : شارع مليحة بالاتجاه من الشارقة الى كلباء او المعروف عند الشباب ( خط الجامعة ) بس بعدنا ما حددنا اي صوب بالضبط .. اليوم بسير ادور بقعه زينه عسب يوم الجمعه نحجزها

هدف التجمع : يلسة سوالف وتعارف وشواء للعشاء

اللي مايدل من شباب دبي وبوظبي

ونتو يايين من شارع الامارات اول ماتوصلون الشارجه لا تصعدون جسر ناشيونال ، خذو المخرج وعقب بتشوفون الدوار اللي تحت الجسر خذوه يمين وكله سيده وبتحصلونا يالسين عاليمين او عاليسار

اللي بيي من شارع دبي العابر

يتم ماشي بالاتجاه الى الشارجه لين ما يحصل مخرج مكتوب عليه مليحة او كلباء ينزل ويتم ماشي ونفس الكلام بنكون يالسين عاليمين او عاليسار

احين اللي اباه منكم يا شباب اللي بيي يخبرنا رجاءا انه بيي في هاذا الموضوع ويخبرنا كم واحد بييب وياه .. اتمنى ماشوف حد يقرى الموضوع ومايرد وعقب نشوفه موجود في التجمع ترا الرد ببلاش :p .. مب عسب انه ما نباه ايي بالعكس ودنا اكبر عدد من الشباب يكونون موجودين .. بس عسب نعرف نرتب عمارنا ونرتب الشغل على الشباب وعسب الاكل يكفي اليميع وما يستوي نقص ويكون النجمع حلو ومرتب

يا ايمن ويا ابراهيم هالموضوع مب للسوالف من احين اقولكم :mad:

بس اللي بيي يقول انا بيي وبييب وياي العدد الفلاني ( لا تكثرون عاد خخخخخ ) :D

الموضوع بينغلق باجر العصر وبعدها بنشوف كم واحد بيشارك وبنخبر كل واحد شو اييب وياه ;)

يلا شباب منو بيي ؟؟:confused::confused:

طبعا انا اول واحد بكون موجود :cool:

ورقمي موجود عندكم اللي ما بيدل يتصل فيني وانا بدليه :)

الأميري

10-21-2009, 02:54 AM

وأنا ثاني واحد بكون موجود ..

إن شاء الله

بعدين ليش دووم أيمن وإبراهيم هم إلي يسولفون عندك بن سيفان راعي اممممم ليش ماتزخه .. :mad:

ولا عشان انك مال الشارجة تدافع عنهم .. :p

مبروك علي ربحت الكرت الأصفر .. واواواوا .. خخخخ

FJ العاصمه

10-21-2009, 03:25 AM

الاميري بدوووووووووووووووووون سواااالف

يعقوب انا بيب وياي واحد عشان ايونسني في الدرب و بخبرك كم وااااحد من بوظبي بيي

بجمعلك 50 سياره ها ها ها

FJ SHJ XXX

10-21-2009, 04:07 AM

الاميري هههههه بو طبيييع مايوز عن طبعه لازم ايسووولف هههههه

علي مايد حياك الله انته وربعك بس خبرني كم واحد لا تنسى

ننتظر البااقين

dxb_1123

10-21-2009, 04:07 AM

ان شاء الله
بكون موجود

راعي الفزعات

10-21-2009, 04:11 AM

يا ايمن ويا ابراهيم هالموضوع مب للسوالف من احين اقولكم

يا ربي يعني ليش ابراهيم بالذاات . عندك و عندك و عندك انا ما ارمس الا اذا هم رمسوا وحشر ويا الناس عيد ..

ومني انا ياااي ،، ان شااء الله

انزين وكيف عن الرتيب و توزيع المهام

FJ SHJ XXX

10-21-2009, 04:13 AM

هههههه ماعليه ابراهيم ترا سوالف :)

المهام بوزعها بعد ما اعرف كم واحد بيي بالضبط

شباب تم تعديل الوقت الى بعد صلاة العشاء

بن سيفان

10-21-2009, 04:35 AM

درب درب درب
انــــــــــــا ياي
بس في وياي ربعي كم راس بخبركم

PRADO . VX

10-21-2009, 04:43 AM

انزين شو بتسوون بتخيمون وإلا يلسة وإلا دق ورقص ؟؟؟؟

الأميري

10-21-2009, 04:45 AM

لا بنطلع جن اهنااك ..

بنشوي بعد شو !!

PRADO . VX

10-21-2009, 05:05 AM

خلاص ان شاء الله يايينكم

علووش

10-21-2009, 05:35 AM

وياااااااكم باذن الله ...

trd ad

10-21-2009, 06:00 AM

وانا وياكم ان شاء الله

حشيم عن تبع المدانيس

10-21-2009, 06:12 AM

انا ابا اي عندكم بس ما عندي اف جي عندي سياره صغيره شو الحل
تركبوني عندكم
او شي سيلرات احتياط عنكم اف جي
تراه خاطري اسوق وحده

FJ SHJ XXX

10-21-2009, 06:30 AM

تم حذف المشاركات الخارجه عن الموضوع

الحضور لحد الان

1- FJ SHJ XXX
2- الاميري
3- راعي الفزعات
4- dxb 1123
5- بن سيفان
6- اف جي العاصمه
7- راعي البرادو
8- علووش
9- TRD AD
10- ؟؟؟؟؟

علووش

10-21-2009, 06:36 AM

والنقبي ؟؟؟؟؟؟؟؟؟؟؟؟؟؟؟؟؟؟؟؟؟ وينه

FJ SHJ XXX

10-21-2009, 06:37 AM

علمي علمك ..!!

بس ادريبه يتغلى يقرا الموضوع وما يبا يرد

راعي الفزعات

10-21-2009, 06:38 AM

انزين شو بتسوون بتخيمون وإلا يلسة وإلا دق ورقص ؟؟؟؟

بابا ها تجمع شباب . مب حفلة نهاية العزوبيه مثل ما يسوون الاجانب

PRADO . VX

10-21-2009, 06:47 AM

بابا ها تجمع شباب . مب حفلة نهاية العزوبيه مثل ما يسوون الاجانب

ما حدد نوع الطلعة :mad:

وشو تحيدني بالله :D :D :D :D

بن فلاح الحبابي

10-21-2009, 07:20 AM

انا و وياي واحد من الشباب:d

الأميري

10-21-2009, 07:31 AM

وأنا بعد >> تذكير بس .. خخخخ

الوحش الازرق

10-21-2009, 07:43 AM

السلام عليكم

هذي اول مشاركة لي في المنتدى...وعشان الطلعة انا وياكم انشاء الله

dxb_1123

10-21-2009, 09:14 AM

الحضور لحد الان

1- FJ SHJ XXX
2- الاميري
3- راعي الفزعات
4- dxb 1123
5- بن سيفان
6- اف جي العاصمه
7- راعي البرادو
8- علووش
9- TRD AD
10- Yaber_ADiano
11-الوحش الازرق
12- حشيم عن تبع المدانيس
13-???

A7mdFj

10-21-2009, 09:28 AM

الله يجمعكم بالخير يارب
والسموحه عن اعطال الموقع وذلك للصيانه ..

وان شاءالله تتفاجئون باللوك الجديد ..

واللي يعرف رقم بواحمد ياليت يبلغه اني انتظره وكل شي جاهز ..

ويعطيكم العافيه

pastosh

10-21-2009, 10:09 AM

بالتوفيق على الطلعة, لكن ما أوصيكم, أهم شي الصور, وكل ما زادت الصور كل ما كان أحسن, لكم مني أجمل تحية.

FJ SHJ XXX

10-21-2009, 10:17 AM

مشكورين على مروركم شباب وصح كلام الدوبي الي ما ذكرت هدف التجمع

بيكون التجمع .. يلسة سوالف وشواء

خالد الحمادي

10-21-2009, 11:15 AM

ان شاء الله بحاول ايي ان شاء الله .

الــشــامــســيFJ

10-21-2009, 12:23 PM

انا انا انا انا

ياحيك! :) مرحباااا فيك أشرقت و نورت :):)

السلام عليكم

هذي اول مشاركة لي في المنتدى...وعشان الطلعة انا وياكم انشاء الله

مرحبا فيك اخوي :) و حياك معانا ولاتشيل هم اي حد يتعرض عليك انا بضربه! ( تكلفتي 50 درهم الدقيقة. ) بس عشان المنتدى 49.5 درهم :)

شوووووووووووووووووووووووووووووووووو!
ماقلتوووووو الشامسي ياي ولا لاااااااااااااااااااااا!!
يعني ما تبووووووووووووووووني؟
خلااااااااااااااااااااااااااااااااااص
ماااااااااا بييييييييييييييييييييي!!

FJ العاصمه

10-21-2009, 12:27 PM

الفارس من قدك يا راعي gal

يعقوب و ياي من بوظبي

للحين تميم و معاه واحد

و سلمان و معاه واحد

و و ابراهيم و معاه واحد

بس في نقطه احب اقوله

العدد للحين ما شالله كبير و التجمع بيكون ان شالله اكثر و ازيد

يعني لووو اتكنسل سالفه الشواء

و السبب :

ما نبا نكلف على حد
جذي بيستوي القروب مقصم بتشوف كل مجموعه في مكان

الاكل مب شي ضروري انا بيبلكم كرك و خبيص و القيمات و حبة حمرا

هذا راي و العدد صعب انك تتحكم فيه و في ناس مب مشااركين في المنتدى يعني بيي و بيب ربعه

و اول مره بيي وياك ما بتقوووله هات معاك فحم

و لو تكلم النقبي و بو احمد و اتقووولهم ايكون احسن

و الشوووور عندك و الي تاااامر به نحن حاضرين

الــشــامــســيFJ

10-21-2009, 12:29 PM

نسوي جمعية.. 20 الي 35 الشخص.. و انا مجاناّ :) و يعقوب 150 درهم

الأميري

10-21-2009, 12:39 PM

لا لا لا أنا رافض رأيك علي ماايد بتاتاً ..

شباب دبي والشارجة وعيمان ورأس الخيمة عاازمينكم .. أنتوا ضيوف وتشرفونا ..

وما نبي حد منكم إييب شيء وياه ولا بنزعل ترا .. كفاية عليكم الدرب وكفاية شوفتكم ..

والكلام موجه لباقي الشباب إلي بيضربون خط فوق االساعة إلا ربع .. رأفة بحالهم .. خخخخخ

وما نبي نسمع أي كلام بخصوص هالموضوع الترتيبات جاهزة والحمد لله .. الموضوع منتهي وقضي الأمر ..

علووش

10-21-2009, 12:42 PM

شباب انا من رايي الموضوع ك تالي .. :

نعرف كم عدد الاشخاص و كلام الشامسي جيد انه انسوي جمعيه لانه طلعتنا ك قروووب .. والكل لازم يساهم .. بالنسبه لضيووف بيكونون معزومين ..( ما يستوي ناخذ منهم بيزات بيقولون عنبووه عازمينا وياخذوون بيزات منا خخخ ) .. انا الي اقصده الجمعيه بيكون بين الاعضاء ..

والراي راي المشرفين والاعضاء ..

الأميري

10-21-2009, 12:57 PM

لا تسعجل علووش بتوصلك قائمة الأشياء إلي بتييبها وياك عالخااص .. اصبر انته بس .. خخخخ

وإذا ما وصلتك أعرف أنك معفو .. أو حققنا الإكتفاء الذاتي ..

FJ SHJ XXX

10-21-2009, 01:03 PM

علي مايد بلاك محتشر ههششششششش

لووول

شباب بوظبي والعين هالمرة انتو معزومين والمرة اليايه العزيمه عليكم ;)

بما انه العدد في ازدياااد

تبون المكان على الشارع فوق العراقيب ولا نغزر شوي فالبر يعني فالظلمه هههههههه

الأميري

10-21-2009, 01:04 PM

والله لعيونكم بنظرب خيمة وليتات شرايك يعقوب !! فوقها !!

FJ SHJ XXX

10-21-2009, 01:05 PM

وين الخيمه عاد ههههههههه

راعي الفزعات

10-21-2009, 01:07 PM

انا اقول عالشارع انشوف الي سااير والي ياي ،، وهذا راي ،، وبالمره بنكسب اضاءه الشاارع

===

الأميري

10-21-2009, 01:08 PM

الخيمة موجودة يعقووب .. إذا فيك حيله حاضرررين !!

الــشــامــســيFJ

10-21-2009, 01:10 PM

يشسيتهخاشخعياعع سشياعخخهت .... صح ولا؟

عموماّ محد ياب طاريي.. محد يباني :(:(:(
الطلعة هاي منا نحن ماعاد الأعضاء الجدد و بوظبي و العين!

الباقي خرخشو ماخبيكم اقولكم!

راعي الفزعات

10-21-2009, 01:11 PM

شباب احنا طالعين انغير جو ...

يعني لا اتحمسون لفكره الخيمه ،، ليش ؟؟ لان بعد ما تخلص اليلسه الكل يبا يسير و مب متفيق .. يعني بتعبون عماركم في التركيب والتبطيل .. وبيكون تعب عليكم و بتخسرون الوقت

الخيمه تنفع للشتا تنصبها و تخليها لشهر شهرين ،، لاكن يوم انا ما أأيد الصراحه

----

شباب انا يوم الخميس بسير بوظبي و ببات عن اهلي ، وفي هالحاله يوم الجمعه بيي على اساس انا مال بوظبي و بضرب خط :D :D

افهموها ،، انا بيي بتعشى و بروح :mad: :mad:

خخخ اسولف

و ان شااء الله كلنا انسااهم > وشباب بوظبي والعين معزومين عدنا كفايه الخط ،، ;)

الــشــامــســيFJ

10-21-2009, 01:12 PM

اقول.. أطلع برع لو سمحت

FJ SHJ XXX

10-21-2009, 01:12 PM

انا اقول عالشارع انشوف الي سااير والي ياي ،، وهذا راي ،، وبالمره بنكسب اضاءه الشاارع

===

يعقوب الله يخليك انطق هالكلمه الي باللون الاحمر

شو السالفه ؟؟؟

ايمن صدقه ابراهيم مافينا على الخيمه كل واحد بيكون تارس كرشته ومب متفيج

باجر الصبح ان شاء الله بسير احاوط هناك وبدور بقعه زينه

الشامسي فديتك انته اول واحد :)

M A F I A

10-21-2009, 01:13 PM

هممم .. طلعة هالمره شكلها أحلى .. مب ذيك المره

طلعنا الممزر 5 سيايير بس .. خخخخ

خلاص .. انا وياكم .. حمستوني شسوي

FJ SHJ XXX

10-21-2009, 01:16 PM

خخخخخخ ابراهيم انته اول واحد بدبلك بالاغراض لا تقولي ساير بوظبي ولا السلع هههههه

مافيا حيااك

دام الشباب كلهم على قلب واحد اكيد الطلعة بتكون حلوة ان شاء الله

M A F I A

10-21-2009, 01:17 PM

الله يحييك ... نتشاوف بإذن الله

برب

الأميري

10-21-2009, 01:35 PM

شو السالفه ؟؟؟

ايمن صدقه ابراهيم مافينا على الخيمه كل واحد بيكون تارس كرشته ومب متفيج

باجر الصبح ان شاء الله بسير احاوط هناك وبدور بقعه زينه

الشامسي فديتك انته اول واحد :)

السالفة وما فيها أنك قلت بزظبي بدال بوظبي .. خخخخخ كل ما تمسح بحطها هههههه

خلاص ترتوب بس شوف مكان وسيع ..

الأميري

10-21-2009, 01:37 PM

هممم .. طلعة هالمره شكلها أحلى .. مب ذيك المره

طلعنا الممزر 5 سيايير بس .. خخخخ

خلاص .. انا وياكم .. حمستوني شسوي

ههههه مسكين مافيا أول تجمع لك كان بترتيب بن سيفان ( بوصنقور ) هو إلي رتب الطلعة عسب تعرفونه .. خخخخ

وأقولك ترا إذا بتييب حد وياك خبرنا الله يخليك ..

FJ العاصمه

10-21-2009, 02:29 PM

لا لا لا احرجتووووني الصراحه <<<< الحمد لله ما اتوهقت بطلعة بوظبي خخخخخ

لا يااا جماااعة الخير اذا بتسوون جمعيه الاعضاء بيحطون و انا بحط عني و عن الغريب فااالكم طيب

بس اهم شي ماا الف الجمعيه اشتري اغراااض

يعقوب و الاميري و رااعي الفزعات و الشاااامسي ماا يحتاااي اتكلفون على عمااااااركم نحن بني نتونس

مااا نبا نااااااااااكل و بس

و يعقوووب انا اقول انها اتكون على الشاارع مثل ما قال راعي الفزعات نطمش على الرايح و الراد

و الراي رايك

PRADO . VX

10-21-2009, 03:00 PM

مشكورين على مروركم شباب وصح كلام الدوبي الي ما ذكرت هدف التجمع

بيكون التجمع .. يلسة سوالف وشواء

كيف تستوي الطلعة من غير تحديد نوع الطلعة ;)

PRADO . VX

10-21-2009, 03:03 PM

شوووووووووووووووووووووووووووووووووو!
ماقلتوووووو الشامسي ياي ولا لاااااااااااااااااااااا!!
يعني ما تبووووووووووووووووني؟
خلااااااااااااااااااااااااااااااااااص
ماااااااااا بييييييييييييييييييييي!![/size][/color]

والله العظيم كنت بيب طاريك توني بس من شفت ردك اقتبسته علطول ;)

Mr_fj_1400

10-21-2009, 03:18 PM

انا بيي ان شاء الله وياي و لد خالي و يمكن اخوه ايي بعد ^^ بس ما اروم اقطع ههه الموتر عليه رنقات ^^

علووش

10-21-2009, 03:40 PM

يا مرحبابك اخوي .. ما شي تقطيع يالغالي .. يلسه و سوالف

نسيم الشرق

10-21-2009, 04:07 PM

بالتوفيق ان شاء الله ...

لو ما كنت مسافر لكنت من أول الحاظرين ودي ايلس وياكم و نتعرف عليكم ^^

يالله ان شاء الله اليايات أكثر << و الشتا الا توه بادي ,,,,,

و عليكم بالصور و التقارير السنعة ...

^_^

FJ SHJ XXX

10-21-2009, 04:15 PM

يلا يا شباب نبا اكبر عدد من الحضور

ياللي تشوفون الموضوع وماتردون ترا اساميكم مبينه تحت هههههه

M A F I A

10-21-2009, 04:58 PM

اعتذر شباب ... طلع عندي مد تيرم يوم الأحد .. وبيلس أراجع ..

السموووحه .. >.<

GzGz

10-21-2009, 05:33 PM

خليجنى واحد وشعبنى واحد :p
طيب كيف ما يمدي اييكم :D

pastosh

10-21-2009, 10:21 PM

ماشاء الله القروب يزيد عدده أكثر و أكثر, ولا تنسون شباب أهم شي الصور وتكون واضحه, أتمنالكم رحلة سعيدة.

تحدي الصحراء

10-21-2009, 11:17 PM

عسا الله يجمعكم على خير ان شاالله
موفقين يقروب الامارات الله يعطيكم العافيه

بن سيفان

10-22-2009, 12:11 AM

انــــــــــــــــا ما بي ســـــــــــــــــــوري
زعـــــــــــــــــــــــــــــــلان

البادي

10-22-2009, 12:17 AM

انا ان شاء الله معاكم
وعندي واحد
ولو تخلون التجمع يبدى من
العصر افضل
(وحاظر باللى تامرون فيه)

الشامسي اترياك هنا !!

انا ابا اي عندكم بس ما عندي اف جي عندي سياره صغيره شو الحل
تركبوني عندكم
او شي سيلرات احتياط عنكم اف جي
تراه خاطري اسوق وحده
فالك طيب اذا انته من العين بشلك معاي.

شباب العين
اللي بيسيرون خلونا نحدد مكان الانطلاق

خليجنى واحد وشعبنى واحد :p
طيب كيف ما يمدي اييكم :d

تنورنا بحضورك:d ...

انــــــــــــــــا ما بي ســـــــــــــــــــوري
زعـــــــــــــــــــــــــــــــلان
بن سيفان عن الحركات
نشوفك هنا

PRADO . VX

10-22-2009, 12:24 AM

انــــــــــــــــا ما بي ســـــــــــــــــــوري
زعـــــــــــــــــــــــــــــــلان

تراك دلوووووووووووووووع :mad:

بسك :cool:

GzGz

10-22-2009, 12:38 AM

حبايبي انتو ياهل الامارات والله
باذن الله انا مواعد واحد من الشباب دايم يجينا السعودية ومواعده بجيه الامارات في بو ظبي ولي اتصال معكم بيكون وقتها ان شاء الله

الأميري

10-22-2009, 12:39 AM

اعتذر شباب ... طلع عندي مد تيرم يوم الأحد .. وبيلس أراجع ..

السموووحه .. >.<

انــــــــــــــــا ما بي ســـــــــــــــــــوري
زعـــــــــــــــــــــــــــــــلان

قسم بالله بن سيفان ومافيا خل عنكم هالسوالف إلا هو يوم واحد بس خل عنكم هالحركات ..

والله عقب أنا بعد ما بيي ..

FJ76969

10-22-2009, 12:44 AM

FJ76969

10-22-2009, 12:56 AM

الحين وبين بيكون التجمع لشباب بوظبي ؟؟

اكيد كالعاده صوب شيشه السمحه

بس ياليت لو تخبروني الوقت ؟؟

علوووه بتصلبك وخبرني التفااصييل

بن سيفان

10-22-2009, 01:00 AM

شــــــــــــــــــــو غصب ياخي

FJ76969

10-22-2009, 02:02 AM

هيه بالغصب

لانه احلى ظهره ظهرتها صوب ممزر الشارجه

وشكلها هالظهره طررررررررررر

ولو ماتباني ايي خلاص مب ياي

FJ العاصمه

10-22-2009, 03:02 AM

افا عليك انت بس نباااك و نبااااك بعد

هي نعم التجمع بيكون في شيشة السمح كالعاده الساعه 6 بالضبط

الي يتأخر ما بنترياااااه << شديد

و لو سمحتو تعالو قبل الموعد و شبعوو سيايركم بترول

اترياااا اتصااااالك

FJ76969

10-22-2009, 03:22 AM

خلااص يا علووه

ان شاء لله بكون موجود قبل الساعه 6

وبتصل بك اليوم عااد انت ذكرني بعد

صح صح تعرف الدرب ولا ؟؟
مب تسوي شرات هذاك اليوم .. وديتنا صوب الصناعيه لوووول

FJ العاصمه

10-22-2009, 03:51 AM

هالمره بوديكم صوب عيمان خخخخخخ

تتمشون شوي

يلا اتريااا اتصاالك

FJ76969

10-22-2009, 04:02 AM

بلااك مستعيل ؟؟

خلني اظهر من الدوام اول شي

بظهر الساعه 6 ان شاء الله وبتصل بك

وبنتفاهم على كل شي

الأميري

10-22-2009, 04:28 AM

هالمره بوديكم صوب عيمان خخخخخخ

تتمشون شوي

يلا اتريااا اتصاالك

ماشي ماشي .. مانباكم خخخخ ..

FJ76969

10-22-2009, 04:32 AM

علووه خلااص مابنروح

طردوونا مايبونا في عيمان

خلاص بنسوي قروب انا وانت

وبنيلس صور الكاسر وبناكل كشري

لووول

الأميري

10-22-2009, 04:33 AM

هيه نعم عيمان لاتييون صوبها ما نبي زحمه ههههههه

بعدين الغالي التجمع فالشارجة مب فعيمان ترا .. هعهع

FJ76969

10-22-2009, 04:39 AM

انزين ادري انه في الشارجه

بس قلنا بنمر صوب عيمان شويه

الصرااحه يمدحون السمبوسه اللي عندكم
أظني مالت قعود

الأميري

10-22-2009, 04:40 AM

والله صدق نسينا السمبوسة حق التجمع خخخخخ ..

بن سيفان

10-22-2009, 05:00 AM

سمبوسه قال
ليش فطور....!

GzGz

10-22-2009, 06:54 AM

انا بييب الشربه خخخخخخخخخخخخخخخخ

FJ SHJ XXX

10-22-2009, 07:02 AM

شباب ما حصلت عرقوب زين لان ماشاءالله العدد كبير وما يسدن العراقيب اللي عالشارع كلهن صغااار

حصلت منطقه ورا العراقيب والشارع كدتش والبراحه عوده وتسد .. طبعا ماشي انارة ف لازم جنريتر وليتات

الجنريتر موجود عندي بس حد يتبرعلنا واييب الليتات

شو رايكم ؟

dxb_1123

10-22-2009, 08:56 AM

شباب لظرف طارئ
أعتذر عن المشاركه
و خيرها بغيرها
و الله يعيني من الأميري و بن سيفان
بس شو أسوي ..!!

بقولكم ليش
أنا مشارك كمتطوع مع تكاتف في سباق f1 في حلبه ياس
و كان المفروض يكون عندي تدريب يو السبت بس الجماعه غيرو من يوم السبت إلى الجمعه
من 2 الظهر إلى 9 بعد العشاء..و الحضور هذ التدريب إجباري ..

المهم أساتنسو و فرحو

و السموحه منكم ..

خالد الحمادي

10-22-2009, 10:39 AM

يسعدني أن أعلن لكم تأكيد عودتي لتجمعات الاف جي المميزة ...

يتم تدشين موسم الشتاء بهذه الطلعه ... و ذلك بعد طول غياب .. (بيات صيفي ) و ذلك لظروف خارجة عن الارادة

أنا باجر بييكم بس بيي مع شخص مميز .. معروف عندكم في المنتدى ..

مب قادر اتريا لين باجر

fj العاصمة

انت مواعد ابوك تسير معاه البحر !! .. متأكد انك بتيي معانا ؟

الأميري

10-22-2009, 03:28 PM

انا بييب الشربه خخخخخخخخخخخخخخخخ

وجودك يكفي الغالي .. ولا تتعب عمرك الله يحفظك

شباب ما حصلت عرقوب زين لان ماشاءالله العدد كبير وما يسدن العراقيب اللي عالشارع كلهن صغااار

حصلت منطقه ورا العراقيب والشارع كدتش والبراحه عوده وتسد .. طبعا ماشي انارة ف لازم جنريتر وليتات

الجنريتر موجود عندي بس حد يتبرعلنا واييب الليتات

شو رايكم ؟

تم يعقووب وكلمتك والمكان ع الشارع وإن شاء الله بيوسع ..

شباب لظرف طارئ
أعتذر عن المشاركه
و خيرها بغيرها
و الله يعيني من الأميري و بن سيفان
بس شو أسوي ..!!

بقولكم ليش
أنا مشارك كمتطوع مع تكاتف في سباق f1 في حلبه ياس
و كان المفروض يكون عندي تدريب يو السبت بس الجماعه غيرو من يوم السبت إلى الجمعه
من 2 الظهر إلى 9 بعد العشاء..و الحضور هذ التدريب إجباري ..

المهم أساتنسو و فرحو

و السموحه منكم ..

ما عندي رد عليك الصراحة .. وهذي المرة الثانية توعد وتخلف !!

يسعدني أن أعلن لكم تأكيد عودتي لتجمعات الاف جي المميزة ...

يتم تدشين موسم الشتاء بهذه الطلعه ... و ذلك بعد طول غياب .. (بيات صيفي ) و ذلك لظروف خارجة عن الارادة

أنا باجر بييكم بس بيي مع شخص مميز .. معروف عندكم في المنتدى ..

مب قادر اتريا لين باجر

fj العاصمة

انت مواعد ابوك تسير معاه البحر !! .. متأكد انك بتيي معانا ؟

الحمد لله ع السلامة الحمادي .. وشوف حمد الكيبالي جان بيي وياكم ولا ؟؟ نسيت أتصله والله !!